Matiu 2:18 - Edo Bible (E Baibol Ẹdo) Version 1996

¹⁸ “A họn ugomwẹ ọkpa vbe Rama, a họn ugomwẹ eve orriara, Rekiẹl viẹ avbe ivbi ẹre; ọ viẹ ẹe, ọ ma gia bọ ọ, rhunmwuda, ọ ma ghi kẹe vbọ hiehie.”

Matiu 2:18 ပူးပေါင်းရင်းမြစ်များ

Gẹnẹsis 37:30

Ọ keghi dọlegbe bu etiọnrẹn gha khian, ọ wẹẹ, “Ọmọ okpia nii i ghi rre evba, vbe I a ra ru hẹẹ?”

Gẹnẹsis 42:36

Erha iran keghi kha ma iran wẹẹ, “Te uwa ra ya mwẹ khian ne ẹ i ghi mwẹ emọ hiehiere. E Josẹf kpaa, Simiọn I ghi rrọọ, Bẹnjamin ọ re uwa ghi ho ne uwa vbe rhie, uhunmwu mwẹ ọre usẹ na ye!”

Job 14:10

Sokpan, ọmwa gha wu, ọghọe wa fo ye evba. Ọ wu nẹ, rẹn ghi ye vbọ nian?

Jerimaia 31:15

E Nọyaẹnmwa khare wẹẹ, “A họọn urhu okpa vbe Rama, urhu eve orriara. E Rekiẹl gha viẹ avbe ivbi ẹre i iran rrie, ọ ma ghi kue ne a bọ irẹn.

Jerimaia 4:31

I họn urhu eve ọkpa, ọ yevbe ọghe okhuo, ne emwi ubiẹmwẹ ru, vbe ọ khian biẹ ọmọ okaro. Utumwẹ e Jerusalẹm nọ, ọ gha hẹwẹ ukuke, o nien obọ ladian gha kha wee, “I wiri! Iran ra do gbe mwẹ uan.”

Ezikiẹl 2:10

Obọ nii keghi rhan ebe ohian nii, I keghi miẹn wẹ te a gbẹnnẹ ọre aro kevbe iyeke — emwi ne a gbẹnnẹ yọ kegha re eve akhiẹ, ugomwẹ kevbe irriakọn.

Matiu 2:17

Ẹghẹ nii ọre ẹmwẹ Jerimaia ne akhasẹ na do sẹ wẹẹ,

Iyẹn ne ọ Maan Ọghe Luk 8:52

Emwa ni rre evba hia kegha viẹ, iran gha khiẹ ọmọ nii, Jesu keghi kha wẹẹ, “Wa ghẹ ghi viẹ, ọmọ na ma wu, te ọ vbiẹ kẹkan!”

Arhie Maan 8:13

I keghi tọn aro mu, I na họn urhu oghohọn ne ọ wa tin khian vbe uwu iso gbaan, vbe urhu ne ọ la wẹ, “Ugborrirri! Ugborrirri! U miẹn vbe ọ gha ba so emwa ni rre agbọn hẹẹ vbe a gha họn urhu ne ọ ke avbe okpe ne avbe odibosa nekpa gha kpe rre!”