Matiu 2:16 - Edo Bible (E Baibol Ẹdo) Version 1996

¹⁶ Ugbẹn vbe Hẹrọd ghi miẹn wẹ avbe emwa ni ke odẹ ahọ rre na rẹrẹ irẹn, okuosu keghi rriọe, ọ keghi yi iyi ọwarọkpa nii wẹ ne a gbele emọ ikpia hia ni rre ukpo eva gha di otọ vbe Bẹtlẹhẹm.

Matiu 2:16 ပူးပေါင်းရင်းမြစ်များ

Gẹnẹsis 39:14

Ọ keghi tie ikpia ni rre owa ẹre wẹẹ, “Wa ghe o! Ọdafẹn mwẹ ọ re ọ mu ovbi e Hibru na ye owa, eban nian mẹ ọre ọ ghi yagha. Ọ bu mwẹ la ughugha ọ na wẹ ne I gie irẹn gun mwẹ ru emwi, ọ re I na rhie so zẹ vbe ne ẹho mwẹ sẹe.

Gẹnẹsis 39:17

Ọ ke vbe ta okha na ma rẹn wẹẹ, “U ma miẹn ọviẹn ne ovbi e Hihru ne u mu bu ima gha dee nii, ọ bu mwẹ la owa do gha yagha mwẹ.

Gẹnẹsis 49:7

I hẹn nọ ne ohu ne ọ mu iran rhunmwuda ọ wegbe gbe, ke vbene okuosu iran, rhunmwuda ọ kan gbe. I gha zagha iran la otọ e Jekọb hia I gha duẹ iran an ye uwu ivbi Izrẹl.

II Ọba 8:12

E Hazaẹl keghi nọ rẹn wẹẹ, “Vbọzẹ ne u na viẹ yi enọwanrẹn?” Elaisia keghi wanniẹn wẹẹ, “Rhunmwuda, I miẹn emwi ne ọ wegbe ne u ra ru ivbi Izrẹl re. U gha rhu erhẹn ye owa ọkhẹ iran, u ghi rẹnkhẹn nii maa sẹẹ vbe igbama iran, u ghi dunmwu ivbi iran an, u ghi vbe wọlọ akpa hin ẹko ikhuohanmwẹ rre.”

Job 12:4

Banbanna nian, uhin ighẹ te avbe ọse mwẹ ghi giẹ mwẹ, iran gha giẹ, a gha rhe miẹn ighẹ, ọmwata ọ re I khin, I ma rria abe. Sokpan, ẹghẹ ọkpa rrọọ, ne Osanobua na họn erhunmwu mwẹ.

Itan 28:15

Ivbiogue i miẹn ẹmwẹ guan vbe odaro enọkhaemwisẹ ne ọmwa dan, ọ zẹ ẹbe sẹẹ oduma ne ọ tu ye evbare kevbe akpakomiza ne ọ ru ohuẹ khian.

Itan 28:17

Ọmwa ne ọ de izigha, idin egbe ẹre ọ re ọ wa zẹgiẹgiẹ fian nii, ghẹ da ẹre obọ yi.

Aizaia 26:21

E Nọyaẹnmwa tuorre ke ehe ne ọ ye vbe ẹrinmwi dee, ne ọ do rri emwa ni rre agbọn oya ye orukhọ ne iran ru. Izigha ni iran dee vbe ẹkhokho, a gha fannọ ehia ladian, otọe i ghi ra dọlegbe viọ emwa ne emwa gbele ua lẹre.

Aizaia 59:7

Uma dan ọ re uwa si vbe ẹghẹ hia, ọ ghi vbe gha bọbọ uwa egbe ne a ru. Wa ghi gha gbe ne ọ ma rukhọ, ẹ i sọn uwa urumwẹ. Ọ rhia ẹe kevbe ọrẹnkhuan ọ re a ya rẹn ehe ne uwa lae,

Daniẹl 3:13

Ọba ghi họn ẹmwẹ na, ohu mu ẹẹn ẹsẹse ọ na wẹ ne a viọ iran eheha na bu irẹn gha dee.

Hozia 10:14

okuo gha bu emwa ruẹn rre, a gha vbe guọghọ avbe ẹvbo ruẹ ne a gbe odin ga hia. Te ọ ra yevbe ẹdẹ ne Sialmaa ne Ọba dunmwu ore Betabẹl vbe okuo, ne a na vbe dunmwu emọ kevbe iye iran an.

Nọmbas 22:29

E Balam keghi tama rẹn wẹẹ, “Rhunmwuda ne u na ya mwẹ gbe ogie nọ, akpawẹ te umozo gue mwẹ I gha gbe ua.”

Nọmbas 24:10

E Balak keghi ya ohu kun ekpa, ọ tama Balam wẹẹ, “Te I tie ruẹ ne u do fi avbe eghian mwẹ unu, sokpan erhunmwu ọre u he na ne iran igba eha na.

Matiu 2:1

Ẹvbo Bẹtlẹhẹm ọghe Judia ọre a na biẹ Jesu vbe ẹghẹ ọba Hẹrọd. Vbe ọ ma ghi he kpẹe, avbe emwa eso ni ghe umian vbe orhọnmwẹ, keghi ke odẹ ahọ gha die Jerusalẹm.

Matiu 2:17

Ẹghẹ nii ọre ẹmwẹ Jerimaia ne akhasẹ na do sẹ wẹẹ,

Matiu 2:7

Hẹrọd keghi si avbe orhunmwuyẹn ni ke owẹn owiẹ rre na uma, ọ keghi nọ iran ẹghẹ ne nene orhọnmwẹ ya ladian zẹẹ.

Arhie Maan 12:4

Ọ keghi ya ẹrhunrhun kpolo obọ ọkpa vbe a gha wa avbe orhọnmwẹ ni rre iso ye eha, ọ na kpolo ẹe ku otọ agbọn. Ọ keghi mudia ye odaro okhuo ne ọ khian biẹ nii wẹ, ọ gha wa biẹ, ne irẹn gbe ẹre ọmọ re.

Arhie Maan 17:6

I keghi miẹn wẹ ayọn esagiẹn emwa Osanobua wa gbe okhuo na, kevbe esagiẹn avbe emwa ne a gbele ba ẹmwẹ iran mu uhunmwu kọ ẹmwẹ Jesu. Ugbẹn vbe i ghi bẹghe ẹre, ọ keghi yan mwẹ unu uan.

Giọgis 16:10

E Delila keghi tama e Samsin wẹẹ, “U ma miẹn nian ighẹ ta u ya mwẹ gbe ogiẹ vbe ne u na ta ohoghe ma mwẹ. Lahọ, tama mwẹ vbe ne ọmwa gha ya sẹtin mu ẹẹn gba hẹẹ.”