Matiu 2:11 - Edo Bible (E Baibol Ẹdo) Version 1996

¹¹ Ugbẹn vbe iran ghi la owa, iran keghi miẹn nene ọmọ kẹe kevbe Meri ne iye ẹe. Iran keghi diguẹ ya emwi nẹẹn, igoru, eturari kevbe oziya.

Matiu 2:11 ပူးပေါင်းရင်းမြစ်များ

Gẹnẹsis 43:11

Erha iran keghi tama iran wẹẹ, “A deghẹ a i miẹn odẹ ọvbehe la vbọ, wa viọ emwi ni maa sẹẹ ne a miẹn vbe otọ na ye ẹkpo zẹ vbe emwi ihaoko gie okpia nii. Ọmọ erhan rezin, owọn kherhe, oziza, ivin urua kevbe almọnd.

I Ọba 10:10

Ẹre ọba okhuo e Siẹba na viọ igoru ne ọ sẹ omwa etọni isẹn ne Solomọn, deba emwi ni winhin kevbe ikpẹrọnmwọ. Emwi ni winhin ne ọ viọ ne ẹẹn, ọrọre ne ọ he bun sẹ ne ọ he ka miẹn ẹdẹ ẹsẹse.

I Ọba 10:2

Ọ keghi rre ke irẹn kevbe eguọmwadia ni bun, deba avbe ekẹtẹkẹtẹ ne a kun emwi ni winhin yan, kevbe igoru ọrhẹnrhẹn. Iran ghi vba egbe, okhuo nii keghi nọ rẹn ọta ni bun ni lọghọ ne ọ ghi ye rre hia.

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Psalm 45:8

Uwinhinmwẹ oziya kevbe alọe rre ukpọn ruẹn; avbe ikpezikẹn ghi gha ku ne uẹn ghe, vbe uwu ẹguae ruẹ ne a ye akọn eni tee.

Psalm 72:10

Avbe ọba e Spen kevbe iran ni rre otọ ne amẹ lẹga gha zẹ ẹfe gie ẹe. avbe ọba avbe Arrebia kevbe Etiopia gha viọ imuohan gie ẹe.

Psalm 72:15

Ọba gha tọ ọ kpẹre! Te a gha ke Arebia viọ igoru gie ẹe. Ne a gha na erhunmwu nibun ne ẹẹn vbe ẹghẹ hia. Te afiangbe Osanobua gha rre ọ re uhunmwu vbe ẹghẹ hia!

Psalm 95:6

Wa larre, wa gie ima ghughẹ rre, ne a ya uhunmwu rhanmwẹ otọ ne ẹẹn, wa gie ima diguẹ ne Nọyaẹnmwa ne ayi Nọyimwa.

Ẹksọdọs 30:23

“Viọ avbe ikpẹ ọmọ erhan ni winhin ni maa sẹ nii, uwan iweva ọghe oziya ne ọ ranran ẹn, uwan ehan ọghe sinamọn ne ọ winhin, uwan ehan ọghe ukhuerhe ne ọ winhin,

Ẹksọdọs 30:34

E Nọyaẹnmwa tama e Mosis wẹẹ, “Viọ avbe emwi ne ọ winhin ne I ra sunu yi na umwọmwẹ vbe ọkpọkpa, estakt, oinkia, galbanum, kevbe eturari ne a ma gua.

Ihuan Ne Ọ Sọọ Ihuan Hia 3:6

Vbe ọna khin ne ọ ke ato dee na yi? Zẹ vbe iki ighogho? Ne ọ winhin eturari kevbe oziya eturari ne avbe ekpatẹ khiẹn?

Aizaia 60:6

Usun lọghọọ ọghe aranmwẹ kamẹl gha la ato gberra, ke Midian kevbe Efa gha dee. Iran ke Siẹba rre, iran kevbe igoru kevbe eturari. Emwa gha na iyẹn iwinna esi ne Nọyaẹnmwa winna ẹn.

Levitikọs 6:15

Ọ ghi zẹ uguobọ ọkpa ọghe irhuarhua nii kevbe ofigbọn kevbe eturari hia, ọ ghi giẹn ọnrẹn vbe aka zẹ vbe ama wẹ e Nọyaẹnmwa ọ re a ya ẹe zẹ ọhẹ gie, uwinhinmwẹ izọese vbenian yẹ e Nọyaẹnmwa.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Matiu 1:18

Vbene a ya biẹ Jesu hẹ ọre ọna khin. Josẹf ọre a ya Meri ne iye Jesu na. Sokpan vba te rhie ẹre rrie, a keghi miẹn wẹ ọ hanmwa vbekpa ẹtin Orhiọn Ne Ọ Huanrẹn.

Matiu 12:46

Te Jesu he ye gu emwa guan vbe iye ẹe kevbe etiọnrẹn rre, iran keghi mudia vbe ore, iran wẹ ne a khama rẹn ighe iran ra guee guan.

Matiu 14:33

Avbe, erhuanegbe ni rre uwu okọ keghi ya uhunmwu rhanmwẹ otọ ne Jesu, iran wẹẹ, “Vbe ẹmwata, Ovbi Osanobua ọre u gele khin.”

Matiu 2:10

Ugbẹn vbe iran miẹn orhọnmwẹ na, ẹko hia keghi sẹ iran ọyẹnmwẹ uan.

Matiu 2:2

Iran do nọọn wẹẹ, “Ọmọ ne a biẹ ẹe ne ọ do rriọba avbe Ju vbo? Ma miẹn orhọnmwẹ ọnrẹn vbe ọlarre owẹn, ọre ima na gha de do ye uhunmwu rhanmwẹ otọ nẹẹn.”

Iyẹn ne ọ Maan Ọghe Luk 2:16

Iran keghi zẹgiẹ gha khian, iran keghi do vba Meri kevbe Josẹf, iran keghi vbe miẹn ọmọ nii ne ọ lovbiẹ vbe aza emwirri.

Iyẹn ne ọ Maan Ọghe Luk 2:38

Vbe ẹghẹ ọkpa nii zẹẹ, rẹn keghi vbe rre, ọ rhie ekpọnmwẹ ne Osanobua, ọ keghi vbe guan vbekpa ọmọ ni ma emwa ni ghi rhie aro ye odẹ khẹ ne Osanobua, do miẹn Jerusalẹm fan.

Iyẹn ne ọ Maan Ọghe Jọn 19:39

Nikodimọs, ọmwa ne ọ ka vbe ya miẹn Jesu vbe asọn yi, keghi mu ori ne ọ winhin, ọghe alọe kevbe oziya ne a gua kugbe, ne ọ sẹ omwa uwan iyisẹn, ọ keghi lele Josẹf gha khian.

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.

Arhie Maan 5:8

Ugbẹn vbe ọ ghi wa ru vberriọ nẹ, avbe emwi ne a yi ni ma wu nii, kevbe ediọn eneyanugie nii keghi dele gbe otọ vbe odaro Oteghe Ohuan nii. Ọkpọkpa vbe uwu iran kegha mwẹ akpata kevbe avbe ọkpan igoru ne a ye eturari vuọn, ena ni re erhunmwu emwa Osanobua.

I Samuẹl 10:27

Sokpan avbe ẹwobi emwa eso kegha kha wẹẹ, “Vbe oko na ra sẹtin ru ne ima yi?” Iran keghi ye aro tila e Sọl rua. iran ma ye imuohan gie ẹe.