Matiu 19:4 - Edo Bible (E Baibol Ẹdo) Version 1996

⁴ Jesu wanniẹn tama iran wẹẹ, “Wa ma he tie ebe ẹre nọ kha re wẹẹ, ‘Vbe omuhẹn Ayi ne ọ yi ọmwa yi iran ọdọ vbe amwẹ.

Matiu 19:4 ပူးပေါင်းရင်းမြစ်များ

Gẹnẹsis 1:27

Ẹre Osanobua na ma emwa nagbọn, ọ na ma iran ne iran ye vbe irẹn tobọ irẹn. Ọ keghi yi iran okpia kevbe okhuo.

Gẹnẹsis 2:18

Ẹre Nọyaẹnmwa Osanobua na kha wẹẹ, “Ọ ma kei ne okpia na vbe ẹhi ẹre ọkpa kẹkan gha rrọọ. I gha yi ogieva ẹre ne ọ maẹn rhie nẹẹn ne ọ gha yi ọre obọ.”

Gẹnẹsis 2:23

Ẹre okpia ni na kha wẹẹ, “A ghi he vbe miẹn ne ima gba re ọkpa, ugboloko ne a rhie vbe ugboloko mwẹ kevbe efun ne a rhie vbe efun mwẹ ‘Okhuo’ ọre a gha tie ẹre rhunmwuda egbe okpia ọre ọ ke rre.”

Gẹnẹsis 5:2

Ọ keghi yi iran okpia kevbe okhuo. Rẹn keghi fiangbe iran, ọ keghi tie iran “Emwa.”)

II Krọnikol 24:3

E Jehoiada keghi viọ ikhuo eva ne Joas ne ọba, iran na biẹlẹ emọ ikpia kevbe emọ ikhuo ne ẹẹn.

Malakai 2:15

Ẹre te Osanobua ya uwẹ khian egbe ọkpa kevbe orhiọn ọkpa ba irẹn? De emwi ne ọ ya ẹe ru ọna yi? Emwi ne ọ khin ọrọre wẹ ọ ho ne uwa biẹlẹ emọ ni wa re emwa Osanobua vbe ẹmwata. Rhunmwuda ọnii, wa gia miẹn wẹ a ma miẹn ọmwa ne ọ ma mu eyan ne ọ yan ma ọvbokhan rẹn sẹ.

Matiu 12:3

Jesu keghi wanniẹn, “Wa ma he tie emwi ne Devid ru ẹghẹ ni vbe ohanmwẹ gbẹe ke irẹn kevbe avbe ikpayẹ ọre?

Matiu 21:42

Jesu tama iran wẹẹ, “Wa ma he tie emwi ne Ebe tae? “ ‘Okuta ne iran ni bọ owa he wẹ ẹ i ma ọre ọ ghi do khian a ma miẹn a i ru. Nọyaẹnmwa ọre ọ ru emwi na, emwi ne ọ yan ọmwa unu uan ọ na khin.’ ”

Matiu 21:6

Avbe erhuanegbe keghi gele gha khian ya ru vbene ọ gie iran.

Matiu 22:31

Vbe ẹmwẹ orinmwi ne a huẹn kpaegbe na, wa ma he tie ẹmwẹ ne Osanobua tama uwa ra? Vbe ọ khare wẹẹ,

Iyẹn ne ọ Maan Ọghe Mak 12:10

Mẹ yayi ighẹ wa tie ebe na nẹ, ne ọ khare wẹẹ: “ ‘Okuta ne eni bọ ọwa he wẹ ẹ i maa, ọre ọ ghi do khian a ma miẹn a i ru,

Iyẹn ne ọ Maan Ọghe Mak 12:26

Ẹn hẹn, vbe kpae ọ ghe wẹ a huẹn emwa kpao vbe orinmwi, wa ma he tie ẹre vbe ebe Mosis ra, vbe ehe ne ọ na guan kan ẹmwẹ oha ne erhẹn na mu vẹn? Rhunmwuda, a gbẹn ọẹn ye evba wẹẹ, Osanobua khare wẹẹ, ‘Mẹ ọrọre Osanobua Ebraham, Osanobua Aizik kevbe Osanobua Jekọb.’

Iyẹn ne ọ Maan Ọghe Mak 2:25

Jesu wanniẹn tama iran wẹẹ, “Wa ma tie emwi ne Devid ru vbe ẹghẹ ne ohanmwẹ na gha gbe ẹe? Ohanmwẹ ghi gbe ẹe gbe emwa rẹn,

Iyẹn ne ọ Maan Ọghe Luk 10:26

Jesu wanniẹn wẹẹ, “Vbe Ebe a ta ẹe hẹẹ? Vbe uwẹ a zẹ edu ẹre hẹẹ?”

Iyẹn ne ọ Maan Ọghe Luk 6:3

Jesu wanniẹn iran ẹmwẹ wẹẹ, “Wa ma he tie emwi ne Devid ru ẹkpo ne ohanmwẹ na gha gbe ẹe gbe emwa rẹn?