Matiu 19:3 - Edo Bible (E Baibol Ẹdo) Version 1996

³ Avbe Farisi ni gualọ ẹre ẹmwẹ ne unu keghi rre, iran nọ rẹn wẹẹ, “Uhi ima fan obọ ẹre ne okpia ra ne ọ gha khu amwẹ ọnrẹn ba ẹmwẹ emwi ne ọ rhirhi khọn rẹn?”

Matiu 19:3 ပူးပေါင်းရင်းမြစ်များ

Matiu 16:1

Avbe Farisi kevbe Sadusi eso keghi bu ẹre rre. Iran gualọ odẹ vbene iran gha ya rhọ ẹre ye obọ hẹẹ. Iran nọ rẹn wẹẹ ne ọ winna iwinna ọyunnuan ọkpa ma iran ne ọ ya rhie ma ighe Osanobua rhie obọ ye iwinna rẹn.

Matiu 22:35

Ọkpa vbe uwu iran ne ọ vbe re ne ọ ma emwa Uhi keghi fi aranmwẹ ye ọre irho, ọ wẹẹ,

Iyẹn ne ọ Maan Ọghe Mak 10:2

Avbe Farisi eso keghi bu ẹre rre ne iran do gualọ ẹre ẹmwẹ ne unu. Iran nọ rẹn wẹẹ, “Uhi ima fan obọ ẹre ne okpia ne ọ gha khu amwẹ ọnrẹn ra? Tama ima.”

Iyẹn ne ọ Maan Ọghe Mak 12:13

Iran keghi gie avbe Farisi eso, kevbe eso vbe uwu ekpayẹ Hẹrọd ne iran ya gualọ Jesu ẹmwẹ ne unu.

Iyẹn ne ọ Maan Ọghe Mak 12:15

Sokpan Jesu rẹn ehe ne iran ghae yi nẹ, ọ keghi wanniẹn wẹẹ, “Vbọzẹ ne uwa na gualọ mwẹ ẹmwẹ ne unu? Wa rhie agiẹghẹ igho ẹrọnmwọ ọkpa mẹ ghe vbe vba.”

Iyẹn ne ọ Maan Ọghe Jọn 8:6

Te iran ta ẹmwẹ na ya gualọ re ẹmwẹ ne unu ne iran miẹn ehe na miẹn ẹzọ gu ẹe gui. Sokpan Jesu keghi vbẹ rre, ọ na gha ye ukpẹ ihiẹn obọ gbẹnnẹ emwi ye otọ.

I Kọrinti 7:10

Ọghe iran ni rọnmwẹ ọdọ, emwi ne I tama iran, ẹ i re imẹ ọ re ọ ta ẹe sokpan ẹmwẹ Nọyaẹnmwa nọ, wẹ ne okhuo ne ọ rre owa ọdọ ghẹ kpa sẹ ọdọ ẹre rae.

Hibru 3:9

Osanobua khare wẹ, “Evba ọre avbe erha uwa odede na gha danmwẹ mwẹ ghe, vbe gualọ mwẹ ẹmwẹ ne unu. Egbe ne iran rhe ya miẹn ne I ru, vbe ọwara ukpo iyeva.