Matiu 19:26 - Edo Bible (E Baibol Ẹdo) Version 1996

²⁶ Jesu keghi ghe iran, ọ wẹẹ, “Emwi ne ẹ i gia ru ọre ọna khin ne emwa ne agbọn sokpan a i miẹn emwi ne ẹ i gie Osanobua ru.”

Matiu 19:26 ပူးပေါင်းရင်းမြစ်များ

Gẹnẹsis 18:14

Emwi ọkpa rrọ ne ọ lọghọ ne Nọyaẹnmwa ra? Vbe ẹghẹ ne ọ ke yi, vbe uki ihinrin ne ọ dee, I gha dọlegbe bu ruẹ rre, e Sera gha biẹ ọmọ okpia.”

I Ọba 17:16

Zẹ vbene Nọyaẹnmwa gele la unu Elaija ta ẹe, irhuarhua nii ma fo vbe uzokpo nii, ofigbọn ma ka vbe ovbi ẹluba nii.

Job 42:2

“Nọyaẹnmwa mẹ rẹnrẹn wẹ u mwẹ ẹtin hia, u vbe sẹtin ru emwikemwi ne u ho.

Psalm 3:8

Ọghe Nọyaẹnmwa ọ re akhọnmiotọ ke rre. Te ọ gha fiangbe emwa rẹn.

Psalm 62:11

Ọ gberra uhukpa ne I he họn ẹn vbe Osanobua khare wẹ rẹn ọ re ọ yan ẹtin.

Jerimaia 32:17

“E Nọyaẹnmwa ne Udazi, wẹ ọ re ọ yii otọ kevbe iso vbekpa ẹtin kevbe iwegbe ruẹ nọkhua, emwiọkpa ne ọ wegbe gbe ne uwẹ, ẹ i rrọọ.

Jerimaia 32:27

“Mẹ ọrọre Nọyaẹnmwa, ne ọ re Osanobua emwa nagbọn hia. Emwi okpa i rrọọ ne ọ wegbe gbe ne imẹ.

Zẹkaraia 8:6

“Ọna sẹtin yevbe emwi ne ẹ i gia ru vbe aro emwa ni rre ẹvbo ni gha dekẹe na, sokpan, ẹ i re emwi ne ẹ i gia ru vbe obọ mwẹ.

Nọmbas 11:23

E Nọyaẹnmwa keghi wanniẹn, “A miẹn emwi ne ime isẹtin ru ra? U gha miẹn wan a deghẹ ẹmwẹ ni tae gha sunu ra ẹ i ra sunu.”

Matiu 19:25

Ugbẹn vbe avbe erhuanegbe họn ẹmwẹ na, ọ keghi kpan iran odin. Iran keghi nọọn wẹẹ, “De ọmwa ne ọ ghẹ ghi fe khekherriọ?”

Matiu 19:27

Pita keghi wa gbe ẹre ẹho rua ma Jesu wẹẹ, “Ma ni sẹ emwi hia rae do gha lele uẹ na, de emwi ne ọ ra sẹ ima obọ?”

Iyẹn ne ọ Maan Ọghe Mak 10:27

Jesu keghi ghe iran, ọ wanniẹn wẹẹ, “Emwi ne ẹ i gie a ru nọ ne emwa ne agbọn ighe ẹ i re Osanobua, a i miẹn emwi ne ẹ i gie Osanobua ru.”

Iyẹn ne ọ Maan Ọghe Luk 1:37

Rhunmwuda emwi ọkpa i rrọọ ne ẹ i gie Osanobua ru.”

Iyẹn ne ọ Maan Ọghe Luk 18:27

Jesu wanniẹn wẹẹ, “Emwa ne agbọn ọre ọna lọghọ na, ẹ i lọghọ ne Osanobua.”

Hibru 6:6

Vbe iyeke ọna, iran keghi lahin iyayi iran rre. Ẹ ghi gia ru ne a viọ iran werriegbe rre do roiro fi uyinmwẹ werriẹ, rhunmwuda, te iran vbe dọlegbe kan Ovbi Osanobua mu ugbugbe, iran keghi fa ẹre ua vbe sirra emwa hia.

I Samuẹl 14:6

E Jonatan keghi khama igbama nii wẹẹ, “Gie ima fian ẹẹn rra gha rrie agọ avbe Filistin ne enigẹbọ na. Ọ gha kẹe, e Nọyaẹnmwa gha yi ma obọ, ọ gha ru vberriọ, emwi ọkpa ne ọ gha wẹ ne ima ghẹ khọnmiotọ i rrọ, vbe ne ọ khọnrẹn wẹ ne ima ru ibozẹghẹ sẹ.”