Matiu 19:16 - Edo Bible (E Baibol Ẹdo) Version 1996

¹⁶ Ẹghẹ ọkpa, okpia ọkpa keghi rre do nọ Jesu wẹẹ, “Ọmaemwaemwi, de emwi esi ne I gha ru ne ẹfe ne ẹ i fo gha na sẹ mwẹ obọ?”

Matiu 19:16 ပူးပေါင်းရင်းမြစ်များ

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Matiu 19:15

Ọ ghi viọ obọ yan iran nẹ, ọ na si okhian.

Matiu 19:26

Jesu keghi ghe iran, ọ wẹẹ, “Emwi ne ẹ i gia ru ọre ọna khin ne emwa ne agbọn sokpan a i miẹn emwi ne ẹ i gie Osanobua ru.”

Matiu 19:29

Debare, ọmwaikọmwa ne ọ sẹ owa rae kevbe etẹn nikpia, etẹn nikhuo, erha ra iye, emọ ra ugbo rhunmwuda mwẹ, ukhukhu iyisẹn avbe emwi na hia gha sẹ ọre obọ deba ẹfe ne ẹ i mwẹ ọfo.

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Iyẹn ne ọ Maan Ọghe Jọn 10:28

Mẹ rhie arrọọ etẹbitẹ ne iran nẹ, iran i ghi wu ẹdẹ, ọmwa ne ọ gha sẹtin sanmwẹ iran rhie vbe obọ mwẹ i rrọọ.

Iyẹn ne ọ Maan Ọghe Jọn 12:25

Ọmwa ne ọ rhirhi ho ẹmwẹ ẹdẹ agbọn rẹn, gha muẹn fua, ọmwa ne ọ khuiwu ẹdẹ agbọn rẹn vbe agbọn na gha dae yi ya sẹ arrọọ ne ẹ i mwẹ ọfo.

Iyẹn ne ọ Maan Ọghe Jọn 3:15

Ne ọmwa ne ọ rhirhi yae yi miẹn ehe na gha mwẹ ẹfe ne ẹ i mwẹ ọfo.

Iyẹn ne ọ Maan Ọghe Jọn 4:14

Sokpan ọmwa ne ọ rhirhi wọn vbe amẹ ne imẹ gha sa nẹẹn ohanmwẹ amẹ i ghi dọlegbe gbe ẹe ẹdẹ. Rhunmwuda amẹ ne I gha sa nẹẹn gha khian uhunmwu ẹzẹ vbe uwu irẹn, ọ ghi gha rhie amẹ arrọọ nẹẹn, ọ ghi vbe rhie arrọọ ne ẹ i mwẹ ọfo nẹẹn.”

Iyẹn ne ọ Maan Ọghe Jọn 5:39

Wa vbe tie Ebe ne ọ huanrẹn ni rhunmwuda wa ro ighẹ uwu iran ọre uwa gha na miẹn arrọọ ne ẹ i fo. Iran tobọ iran vbe sẹ osẹe mẹ.

Iyẹn ne ọ Maan Ọghe Jọn 6:47

Ne I ta ẹmwata ma uwa, ọmwa ne ọ yayi, mwẹ arrọọ ne ẹ i mwẹ ọfo.

Iyẹn ne ọ Maan Ọghe Jọn 6:68

Saimọn Pita wanniẹn tama rẹn wẹẹ, “Nọyaẹnmwa, de ọmwa ne ima ra bu? Wẹ ọre ọ mwẹ ẹmwẹ ne ọ rhie arrọọ etẹbitẹ ne ọmwa.

Iwinna 16:30

Ọ keghi viọ iran ladian, ọ nọ iran wẹẹ, “Eniwanrẹn, de emwi ne I gha ru ne I miẹn ehe na miẹn imiẹnfan?”

Ebe ne Pọl gbẹẹn gie emwa Rom 2:7

Emwa eso rrọọ ni winna iwinna esi khian, iran ghi gha gualọ uyi, kevbe ọghọ, kevbe ẹfe etẹbitẹ, Osanobua gha rhie ẹfe etẹbitẹ ne iran.

Ebe ne Pọl gbẹẹn gie emwa Rom 5:21

Erriọ vbe nọ, zẹ vbene orukhọ gha ya uwu khaemwisẹ, erriọ zẹẹ ọre ẹsọhẹ Osanobua vbe ya ẹmwata gha khaemwisẹ, ọ ghi gha su ima rrie arrọọ ẹtẹbitẹ vbekpa Jesu Kristi Nọyaẹnmwa.

I Timoti 1:16

Sokpan, ọna ọre ọ si ẹe ne Osanobua na tohan mwẹ, ne Kristi Jesu miẹn ehe na rhie maa vbe ne ọ mwẹ izin egbe hẹ vbe obọ ne ọ ya gha mu mwẹ, ighẹ mẹ ne ọ ka ẹrhia, ne ọ ya ru igiemwi ma emwa ni gha ghi do yayi hia, ne iran vbe miẹn arrọọ ne ẹ i mwẹ ọfo rhie.

I Timoti 6:12

Ye ẹtin ruẹn hia rhulẹ vbe ulẹ iyayi na, ne u ya obọ ruẹ khọn mu ẹfe etẹbitẹ, rhunmwuda, arrọọ vberriọ ọre Osanobua tie ruẹ yi, vbe ẹghẹ ne u na tobọ ruẹ ye unu miẹn kue, vbe sirra osẹe ni bun.

I Timoti 6:19

Odẹ vbenian ọre iran gha na si koko ne egbe iran, emwi ewe ne ọ gha re ẹyotọ ne ọ deziẹn, ne iran ẹdẹ ne akhuẹ. Ẹghẹ nii, iran gha sẹtin khọn miẹn arrọọ ọghe ẹmwata.

Taitọs 1:2

Idaehọ ẹfe etẹbitẹ ọre a hẹnhẹn ọẹn yan, Osanobua ne ẹ i ta ohoghe, ọ re ọ ve ima arrọọ na, vbe ẹghẹ te do suẹn,

Taitọs 3:7

Ne a sẹtin la ekpa ẹsọhẹ ọghe ọe dọlọ ima kugbe ba Osanobua, ne ẹfe ẹtẹbitẹ ne ima danmwehọ ẹre miẹn ehe na sẹ ima obọ.

I Jọn 1:2

Ugbẹn vbe arọọ na ghi khian ne a ye aro bẹghe nẹ, ma tobọ mwa miẹn ọẹn, rhunmwuda ọnii, ma keghi ta ẹmwẹ ọnrẹn, ma keghi ta ẹmwẹ arrọọ etẹbitẹ nii, ne ọ gha gu Evbavba rrọọ, ne a vbe do rhie ma ima, ma uwa.

I Jọn 2:25

Ọnọna ọrọre emwi ne Kristi vbe kha ighẹ, rẹn gha rhie ne ima, ọnii nọ wẹẹ, arrọọ ne ẹ i mwẹ ọfo.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.

Ebe ne Jud gbẹẹn 1:21

Wa ghi vbe mudia vbe uwu aho ẹmwẹ ọmwa Osanobua, zẹ vbene uwa mudia khẹ Nọyaẹnmwa Jesu Kristi ne ọ gha la ekpa itohan rẹn rhie ẹfe ne ẹ i fo ne uwa.