Matiu 19:13 - Edo Bible (E Baibol Ẹdo) Version 1996

¹³ Emwa eso keghi viọ ibiẹka giẹrẹ bu Jesu rre ne ọ viọ obọ yan iran na erhunmwu. Sokpan avbe erhuanegbe kegha gu iran gui.

Matiu 19:13 ပူးပေါင်းရင်းမြစ်များ

Gẹnẹsis 48:1

Ọ ghi kpẹe fua kherhe, a keghi do tama e Josẹf wẹẹ, “Egbe ma rran erha a.” Rẹn keghi viọ ivbi ẹre eveva Manasẹ kevbe Ifreim, ọ na ya miẹn e Jekọb.

Jerimaia 32:39

I gha rhie emwi okpa kẹkan ne iran hia gha rhie aro yi vbe agbọn iran; ne iran gha ya ọghọ mẹ vbe ẹghẹ hia vbene agbọn gha na maa iran kevbe ivbi uniẹn iran.

Matiu 16:22

Pita keghi rhie ẹre ghe efẹn ọkpa, ọ kegha gu ẹe gui ọ wẹẹ, “Osanobua ghẹ gia miẹn emwi vberriọ Nọyaẹnmwa, emwi vberriọ ighe sunu vbe egbe ruẹ.”

Matiu 19:12

Rhunmwuda emwi ughughan ọre ọ si ẹe ne ọmwa i na sẹtin rhie okhuo, eso rrọọ ne a biẹ ọre ọghẹrriẹnoguan, eso rrọọ ne emwa ne agbọn ya khian vberriọ, emwa eso rrọọ ni rhunmwuda Arriọba Osanobua wẹ iran i rhie okhuo hiehie. A gie ne ẹtin ẹnrẹn ghi sẹ ọ rhan obọ miẹn iruemwi na.”

Matiu 20:31

Emwa nii rre evba keghi gu iran gui wẹ ne iran gue unu. Sokpan iran dọlegbe kakabọ datu wẹẹ, “Ovbi e Devid tohan mwa.”

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

I Kọrinti 7:14

Rhunmwuda ọdọ ne ọ ma yayi ni ghi do gha re ne Osanobua rhan obọ miẹn rhunmwuda ne a na ku ẹe kugbe ba amwẹ ọnrẹn, amwẹ ne ọ ma yayi ni ghi vbe do gha re ne Osanobua sẹtin rhan obọ miẹn rhunmwuda ne a na ku ẹe gbe ba ọdọ ne ọ yayi. Akpawẹ ẹ i ye vberriọ, te ivbi iran ghẹ gha ye vbe ivbi e ne ọ ma yayi, sokpan vbene ọ ghi ye na, iran khian ne Osanobua sẹtin rhan obọ miẹn.

I Samuẹl 1:24

Ugbẹn vbe ọ ghi fian ẹre ewẹn nẹ, ọ keghi rhie ẹre gha rrie Siailo, ọ keghi mu ẹkhuia ẹmila ne ọ rre ukpo eha mwẹ kevbe ọduẹki irhuarhua kevbe ọgọ ohian ayọn ọkpa vbene ọ ru ọvbokhan sẹ nii, ọ keghi rhie ẹre gha rrie owa e Nọyaẹnmwa vbe Siailo.