Matiu 18:9 - Edo Bible (E Baibol Ẹdo) Version 1996

⁹ Deghẹ aro ruẹ ọre ọ ra ya de odẹ, wọlọe rhie fua. U ya aro ọkpa la ẹfe ọre ọ maa sẹ ne u gha mwẹ aro eva ne a mu ẹn fi uwu erhẹn ẹrinmwi ne ehianmwẹ ivin.

Matiu 18:9 ပူးပေါင်းရင်းမြစ်များ

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Matiu 18:8

“Deghẹ obọ ruẹ ra owẹ ruẹ ra ya a bibi odẹ, fian ẹn mu fua, u ya obọ ọkpa ra owẹ ọkpa la uwu ẹfe, ọre ọ maa sẹ ne a mu ẹn mu obọ eva ra owẹ eva fi uwu erhẹn etẹbitẹ.

Matiu 19:17

Jesu wanniẹn tama rẹn wẹẹ, “Vbọzẹ ne u na gualọ otọ emwi ne ọ maa vbe obọ mwẹ yi? Ọmwa Ne ọ maa ọkpa kẹkan ọre ọ rrọọ. Deghẹ u hoo ne ẹfe ne ẹ i fo sẹ uẹ obọ, gha mu uhi sẹ.”

Matiu 5:22

Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin.

Matiu 5:29

Rhunmwuda ọnii, adeghẹ aro ruẹ ne obọ erha ọmwa ọre ọ ya a ru orukhọ, wọlọe fua. Egbe ma gba nuẹn ọre ọ maa sẹ ne a mu egbe ne a wẹ ọ gba nuẹn fi ẹrinmwi nehianmwivin.

Iyẹn ne ọ Maan Ọghe Mak 9:47

A deghẹ aro ruẹ ọre ọ ra ya bibi odẹ, wọlọ ẹe rhie fua, u ya aro ọkpa la Arriọba Osanobua, ọre ọ maa sẹ ne a muẹn mu aro ruẹ eva fi uwu ẹrinmwi ne ehianmwẹ ivin.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

Hibru 4:11

Rhunmwuda ọnii, wa gie ima ziga ne a la owa ya gu Osanobua hẹwẹ. Wa ghẹ gie ima rhọkpa yin ehọ, zẹ vbe ne iran ru ne iran ma na ghi la owa.

Arhie Maan 21:27

Sokpan emwi awua ọkpa i ra la ẹvbo nii, ra ọmwaikọmwa ne ọ ru emwi emwi ekhue, ra ne ọ ta ohoghe. Emwa ne a gbẹnnẹ eni ẹnrẹn ye ebe enirrọọ ọghe Oteghe Ohuan nii ọkpa, ọre ọ gha la ẹvbo nii.