Matiu 18:8 - Edo Bible (E Baibol Ẹdo) Version 1996

⁸ “Deghẹ obọ ruẹ ra owẹ ruẹ ra ya a bibi odẹ, fian ẹn mu fua, u ya obọ ọkpa ra owẹ ọkpa la uwu ẹfe, ọre ọ maa sẹ ne a mu ẹn mu obọ eva ra owẹ eva fi uwu erhẹn etẹbitẹ.

Matiu 18:8 ပူးပေါင်းရင်းမြစ်များ

Aizaia 30:22

Wa gha viọ avbe amazẹ uwa ne a ya esiliva rhu, kevbe avbe amazẹ ne a ya igoru rhu, wa ghi viọ ehia kua zẹ vbe iku, wa ghi datu wẹẹ, “Wa kpahin odaro mwẹ rre!”

Aizaia 33:14

Emwa orukhọ ni rre Zaiọn gha guọ zẹzẹzẹ vbe iran runraẹn. Iran wẹẹ, “Ohu Osanobua, te ọ ye vbe erhẹn ne ọ giẹn ẹdẹdẹmwẹdẹ. A gha miẹn ọkpa vbe uwu ima ne ọ gha miẹn uhunmwu vbe egbe erhẹn vberriọ?”

Ezikiẹl 18:31

Wa sẹ avbe emwi dan ne uwa te ka ru de yi rae, ne uwa gie iro ọgbọn kevbe ekhọe ọgbọn la uwa orhiọn. Vbọzẹ ne uwa na ho ne uwa wulo yi, wa ne ivbi Izrẹl.”

Matiu 17:27

I ma ho ne a zẹdẹ ho iran na ẹmwẹ. Rhunmwuda ọnii, gha rrie odighi ne u fi ẹghọe fi ọ, ehẹn ne ọ rhirhi ka mu, si ẹe ladian. U gha ghe unu ẹnrẹn, u gha miẹn igho ne ọ gha sẹ uẹ ya zẹ ọghomwẹ kevbe ọghe uwa, rhie gha khian, ya ya zẹ igho uhunmwu ima ne iran.”

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Matiu 25:46

A ghi hẹ iran na gha rrie uwu irrioya ne ẹ i mwẹ ọfo, avbe emwata ghi gha rrie arrọọ etẹbitẹ.”

Iyẹn ne ọ Maan Ọghe Luk 14:33

Jesu keghi kha wẹẹ, “Erriọ ọ wa ye zẹ, ne ọ gha sẹtin ru ọrhuanegbe vbe uwu uwa i rrọọ a deghẹ Ọ ma sẹ emwi nẹ ọ mwẹ hia rae.

Iyẹn ne ọ Maan Ọghe Luk 16:24

Rẹn keghi datu wẹẹ, ‘Ebraham ne Evbavba! Tohan mwẹ ne u gie Lazarọs ne ọ ya fi ukpẹ ihiẹn obọ ye amẹ do nọnọ ya fu mwẹ aranmwẹ rre, rhunmwuda erhẹn na ya mwẹ rrie!’

Ebe ne Pọl gbẹẹn gie emwa Rom 13:12

Asọn ye egbe khian buan nẹ, te ẹdẹ ghi ra gbe. Wa gie ima viọ emwi igbinna ne a ya gbinna vbe uwu uwanmwẹ mwẹ obọ.

Arhie Maan 14:10

Rẹn tobọ ẹre gha vbe wọn vbe uwu ayọn Osanobua, ayọn izohu ẹre ne ọ wa yan hihiẹ ye ukpu izohu ẹre. Iran hia ni ru ọnii, a gha rri iran oya vbe uwu erhẹn kevbe ugbofi vbe odaro avbe odibosa ni huanrẹn kevbe Oteghe Ohuan.

Arhie Maan 20:15

Avbe emwa hia ne eni ẹnrẹn i rre ebe emwa ni ma he wulo, a keghi filo iran ku uwu odighi erhẹn nii.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”