Matiu 18:7 - Edo Bible (E Baibol Ẹdo) Version 1996

⁷ Ohan agbọn to mwẹ rhunmwuda avbe emwi ne ọ de ọmwa odẹ ni rrọọ. Ẹ i mwẹ ne emwi ni si ọmwa fi orukhọ ghẹ sunu. Sokpan u miẹn vbe ọ gha ba so ọmwa ne ọ la obọ ẹre sunu hẹẹ.

Matiu 18:7 ပူးပေါင်းရင်းမြစ်များ

Gẹnẹsis 13:7

Rhunmwuda ọnii, okhọn kegha rre ẹkpo emwa ni gbearoghe emwirri ọghe Ebram kevbe emwa ni gbearoghe ọghe Lọt, (Ẹghẹ ne a kha na, emwa Kenan kevbe emwa Pẹriz he ye rre otọe na).

II Samuẹl 12:14

Sokpan rhunmwuda otilua ne u mwẹ ghe Nọyaẹnmwa, ọmọ na gha wu.”

Matiu 16:23

Jesu keghi fiegbe werriẹ, ọ tama Pita wẹẹ, “Kpao vbe ehe ne I ye rre, Setan. Idobo ọre u khin mwẹ re, rhunmwuda iro ne u zẹ ọghe emwa ne agbọn nọ, ẹ i re ọghe Osanobua.”

Matiu 26:24

Ovbi Ọmwa gha gele wu zẹ vbene Ebe tae ye otọ nẹ, sokpan ọsọre ighe ọmwa ne ọ gha rhie Ovbi Ọmwa maa! Ọ gha te maa ne ẹn sẹ akpawẹ a ma biẹ ọe!”

Iyẹn ne ọ Maan Ọghe Mak 13:7

Wa gha rhe gha họn ẹmwẹ owogho okuo vbe ọkpẹn owa ra ogbigbi okuo ne ọ rre urria, wa ghẹ fian afianma. Ẹ i mwẹ emwi vberriọ ma sunu sokpan ọ nii ma rhie ma ighe ufomwẹ rre nẹ.

Iyẹn ne ọ Maan Ọghe Luk 17:1

Jesu tama avbe erhuanegbe ẹre wẹẹ, “Ẹ i mwẹ ne emwi ne ọ ya ọmwa ru orukhọ ghẹ sunu, sokpan ọ sọ re ighe ọmwa ne a gha lẹ ọre ginna re obọ!

Iyẹn ne ọ Maan Ọghe Jọn 17:12

Ẹghẹ ne I na gha gu iran rrọ, ẹtin eni ruẹn ọre I ya tan ifuẹn gue iran, eni ne u mu mẹ nii, I gele tan ifuẹn gue iran, a ma miẹn ne ọ fuan vbọ, gberra ọkpa nii ne a wẹ te ọ ra fuan, ne ẹmwẹ ne ebe ne ọ huanrẹn ta ẹe miẹn ehe na sẹ.

Iwinna 1:16

“Wa ne etẹn mwẹ: Ẹ i mwẹ ne ẹmwẹ ne ebe ta ẹe ghẹ sẹ zẹ vbene Orhiọn Ne Ọ Huanrẹn la unu Devid ta ẹe ye otọ ighe ẹmwẹ Judas ne ọ ma iran ni do mu Jesu odẹ.

I Kọrinti 11:19

(Vbe ne a i na gbe awẹawẹ, ẹ i mwẹ iwannegbe ma gha rre ẹkpo uwa ne iran ni ru emwi esi miẹn ehe na wa gia rẹn taara.)

I Timoti 6:1

Ọ kere ne avbe eviẹn ọmwa hia gha rẹn wẹ, arowa iran khẹke ne a ya ọghọ na, ne ọmwaikọmwa ghẹ zan eni Osanobua mwa kevbe emwi ne ima ma emwa ẹre.

Taitọs 2:5

Ne iran ghẹ gha balọ egbe, ne iran gha re ne ẹ i mwẹ awua, kevbe amwẹ ne iye ọwa esi ni họn ẹmwẹ ne ọdafẹn iran, ne ọmwaikọmwa ghẹ ya ukpẹ sakan, ẹmwẹ Osanobua.

Taitọs 2:8

Gha lo ẹmwẹ ne ọ gbae ne ẹ i gia gbe odan ye ọmwa ẹre, ne ekhue miẹn ehe na mu avbe eghian ighẹ iran ma ghi miẹn emwi rhọkpa ya zan ima.

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.

I Samuẹl 2:17

Orukhọ avbe ivbi Elai na keghi re emwi ne ọ wegbe vbe aro e Nọyaẹnmwa rhunmwuda obọ oya ne iran ya gha mu avbe emwi ne a ya zọ ese ghe Nọyaẹnmwa.