Matiu 18:6 - Edo Bible (E Baibol Ẹdo) Version 1996

⁶ “Ne ọmwaikọmwa gha ya ye ọkpa vbe uwu iran ne giẹrẹ ni ya mwẹ yi na ba odẹ mwẹ ku, ọ gha ma nẹẹn sẹ ne a de olọ ye ọre urhu, ne a dinmwi ẹn ye uwu amẹ okun.

Matiu 18:6 ပူးပေါင်းရင်းမြစ်များ

Psalm 105:15

“Wa ghẹ kuan eguọmwadia ne I zẹẹ egbe, wa ghẹ ya obọ kan avbe akhasẹ mwẹ.”

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Zẹkaraia 2:8

Ọmwaikọmwa ne ọ fi uwa emwi, emwi ne ọre eghẹnghẹn mẹ, ọre ọ fi ẹre emwi.” Rhunmwuda ọnii, e Nọyaẹnmwa ne Oghodua keghi gie mwẹ uhunmwu na bu avbe uhunmwu ẹvbo ni fu emwa rẹn emwi viọ gha rrie wẹẹ,

Matiu 17:27

I ma ho ne a zẹdẹ ho iran na ẹmwẹ. Rhunmwuda ọnii, gha rrie odighi ne u fi ẹghọe fi ọ, ehẹn ne ọ rhirhi ka mu, si ẹe ladian. U gha ghe unu ẹnrẹn, u gha miẹn igho ne ọ gha sẹ uẹ ya zẹ ọghomwẹ kevbe ọghe uwa, rhie gha khian, ya ya zẹ igho uhunmwu ima ne iran.”

Matiu 18:10

“Wa ghẹ zan ọkpa vbe uwu iran ne giẹrẹ na. Ne I tama uwa, ẹghẹ hia ọre odibosa iran ya mudia ye odaro Erha mwẹ ne ọ rre ẹrinmwi. [

Matiu 18:14

Erriọ ọre ọ ye zẹẹ erha uwa ne ọ rre ẹrinmwi i ho ne a miẹn ọkpa ne ọ wiri vbe uwu iran ne giẹrẹ na.

Matiu 18:5

Ọmwa ne ọ vbe rhan obọ miẹn egbe ọvbokhan nekherhe na vbe eni mwẹ, ọ rhan obọ miẹn mwẹ.

Iyẹn ne ọ Maan Ọghe Mak 9:42

“Ọ wa fu egbe sẹ ne a de olọ ye ọmwa urhu na fi ẹe fi uwu okun sẹ ne a ya ọkpa vbe uwu iran ne giẹrẹ ni ya mwẹ yi ba odẹ mwẹ ku.

Iwinna 9:5

Rẹn keghi nọọn wẹ, “Gha nọ yi Nọyaẹnmwa?” Urhu nii keghi wanniẹn wẹẹ, “Mẹ ne Jesu ne u zọ ẹre owẹ nọ.

Ebe ne Pọl gbẹẹn gie emwa Rom 14:21

Emwi ne ọ kere ne a gha ru ọrọre ne a ghẹ rri emiowo ra ne a da ayọn, ra ne a ru emwi ke emwi ne ọ gha mu ọtuẹn gbe otọ.