Matiu 18:5 - Edo Bible (E Baibol Ẹdo) Version 1996

⁵ Ọmwa ne ọ vbe rhan obọ miẹn egbe ọvbokhan nekherhe na vbe eni mwẹ, ọ rhan obọ miẹn mwẹ.

Matiu 18:5 ပူးပေါင်းရင်းမြစ်များ

Matiu 18:4

Ọmwa ne ọ mu egbe ẹre rriotọ ọ na do gha ye vbe ọvbokhan na, ọrọre ne ọ kpọlọ sẹ vbe Arriọba ẹrinmwi.

Matiu 18:6

“Ne ọmwaikọmwa gha ya ye ọkpa vbe uwu iran ne giẹrẹ ni ya mwẹ yi na ba odẹ mwẹ ku, ọ gha ma nẹẹn sẹ ne a de olọ ye ọre urhu, ne a dinmwi ẹn ye uwu amẹ okun.

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Matiu 25:45

Ọba ghi wanniẹn tama iran wẹẹ, ‘Ne I tama uwa, ẹghẹ ne uwa ma na ru ẹe ne ọkpa vbe uwu iran ne a i mobọ ka yọ ni, mẹ ọre uwa ma ru iyobọ na.’

Matiu 7:8

Rhunmwuda ne ọ nọrẹn ọre a rhie na, ne ọ gualọe ọre ọ miẹn, ne ọ sobọ ọre a kie na.

Iyẹn ne ọ Maan Ọghe Mak 9:37

“Ọmwaikọmwa ne ọ rhunmwuda mwẹ miẹn ọkpa vbe uwu ibiẹka na yi, mẹ ọre ọ miẹn yi, ọmwaikọmwa ne ọ miẹn mwẹ yi, ẹ i re imẹ ọkpa ọre ọ miẹn yi sokpan ọ vbe miẹn ọmwa ne ọ gie mwẹ yi ba ẹre.”

Iyẹn ne ọ Maan Ọghe Mak 9:41

Wa ghi ye rre wẹẹ, ọmwaikọmwa ne ọ sa ukpu amẹ ọkpa ne uwa wọn rhunmwuda ighe wa re ọghe Kristi, ọ gha rri ere ẹre.

Iyẹn ne ọ Maan Ọghe Luk 9:48

Ọ tama iran wẹẹ, “Ọmwa ne ọ miẹn ọvbokhan na yi vbe eni mwẹ, miẹn mwẹ yi. Ọmwa ne ọ miẹn mwẹ yi, miẹn ọmwa ne ọ gie mwẹ yi. Rhunmwuda ne ọ kanmwa sẹ vbe uwu uwa hia, ọrọre ne ọ kpọlọ sẹ ehia.”

Iyẹn ne ọ Maan Ọghe Jọn 13:20

Ẹmwata ọre I tama uwa. Ọmwa ne ọ rhirhi rhan obọ miẹn ọmwa ne imẹ gie, ọ vbe rhan obọ miẹn mwẹ. Ọmwa ne ọ rhirhi rhan obọ miẹn mwẹ vbe rhan obọ miẹn ọmwa ne ọ gie mwẹ.”

Galatia 4:14

Sokpan wa ma sọnnọ mwẹ, ra ne uwa sua mwẹ fua, egbe ne a ya miẹn wẹ egbe ihe ne egbe mwẹ gha ye, edanmwẹ nọkhua ọre ọ wa gha khin ne uwa. Sokpan, wa keghi rhan obọ miẹn mwẹ, vbene a miẹn wẹ odibo Osanobua ọre I khin, wa na rhan obọ miẹn mwẹ, vbene uwa gha vbe ya rhan obọ miẹn Kristi Jesu.