Matiu 18:4 - Edo Bible (E Baibol Ẹdo) Version 1996

⁴ Ọmwa ne ọ mu egbe ẹre rriotọ ọ na do gha ye vbe ọvbokhan na, ọrọre ne ọ kpọlọ sẹ vbe Arriọba ẹrinmwi.

Matiu 18:4 ပူးပေါင်းရင်းမြစ်များ

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Matiu 18:1

Ẹghẹ ni ọre avbe erhuanegbe na bu Jesu rre, iran nọ rẹn wẹẹ, “Gha ọ kpọlọ sẹ vbe Arriọba ẹrinmwi?”

Matiu 18:3

Ọ wẹẹ, “Ne I khama uwa, vbe ẹ i re te uwa fiwerriẹ ne uwa do gha ye vbe ibiẹka, wa i sẹtin la Arriọba ẹrinmwi.

Matiu 18:5

Ọmwa ne ọ vbe rhan obọ miẹn egbe ọvbokhan nekherhe na vbe eni mwẹ, ọ rhan obọ miẹn mwẹ.

Iyẹn ne ọ Maan Ọghe Mak 10:43

Sokpan ẹ i sẹtin gha yerriọ vbe ehe ne uwa ye. Deghẹ orhiọnkpa ho ne irẹn gha re ne ọ kpolo, gie ẹe gha re ọguọmwadia eni dekẹe hia.

Iyẹn ne ọ Maan Ọghe Mak 9:34

Iran ma zẹmwẹ wanniẹn ọẹn rhunmwuda iran gha a muan ẹmwẹ vbe odẹ ba ẹmwẹ ne ọre ne ọ kpọlọ sẹ ehia.

Iyẹn ne ọ Maan Ọghe Luk 14:11

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

Iyẹn ne ọ Maan Ọghe Luk 9:48

Ọ tama iran wẹẹ, “Ọmwa ne ọ miẹn ọvbokhan na yi vbe eni mwẹ, miẹn mwẹ yi. Ọmwa ne ọ miẹn mwẹ yi, miẹn ọmwa ne ọ gie mwẹ yi. Rhunmwuda ne ọ kanmwa sẹ vbe uwu uwa hia, ọrọre ne ọ kpọlọ sẹ ehia.”

Jems 4:10

Wa mu egbe uwa rriotọ vbe odaro Osanobua, rẹn gha vbe tọn uwa mu.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”