Matiu 18:31 - Edo Bible (E Baibol Ẹdo) Version 1996

³¹ Eguọmwadia ne ihua ẹre ghi miẹn emwi ne ọ sunu, egbe keghi wọọ iran, iran na ya gbẹngbẹn emwi na hia ma arowa iran.

Matiu 18:31 ပူးပေါင်းရင်းမြစ်များ

Gẹnẹsis 37:2

Vbene okha ẹgbẹe Jekọb ye ọre ọna khin. E Josẹf, igbama ne ọ rre ukpo ehairrọvbugie keghi deba etiọnrẹn ivbi Bilha kevbe Zilpa ne egbakhian erha ẹe gha gbearoghe ohuan kevbe ẹwe. Ọ ghi do gha na iyẹn emwi dan ne etiọnrẹn ru ma erha ẹe.

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Psalm 119:158

I gha bẹghe avbe ọgueva nii, ẹko ghi gha hu mwẹ, rhunmwuda, iran i ya iyi ruẹ ru emwi.

Jerimaia 9:1

Akpawẹ uhae amẹ ọ re uhunmwu mwẹ khin nian, ne aro mwẹ vbe gha re uhunmwu ẹzẹ ne ọ lẹẹ, ne I miẹn ehe na gha viẹ, asọn kevbe avan, ne avbe emwa mwẹ ne a gbele ua!

Matiu 14:9

Emwi na keghi da ọba ẹsẹse sokpan rhunmwuda ighe sirra emwa ni rre evba hia ọre ọ na vẹn ihẹn, ọ na wẹ ne iran ya mu gi ẹe vbene ọ nọ rẹn.

Matiu 18:28

“Okpia na ghi ladian, ọ dekun ọguọmwadia ne ihua ẹre ọkpa ne ọ mwẹ ọre osa enaira eso. Ọ keghi de obọ muẹn, ọ na gha wọ ẹre ẹho, ọ tama rẹn wẹẹ, ‘Ha mwẹ osa ne u rriọ mwẹ rẹ.’

Matiu 18:30

Sokpan, ọ ma kue. Ọ keghi ya muẹn khui ye eghan ne ọ gha rre evba ọ te do ha osa ni.

Matiu 18:32

Arowa nii keghi tie ọguọmwadia nii, la owa, ọ khama rẹn wẹẹ, ‘Wẹ ne ẹwobi ọviẹn ọmwa, mẹ ya osa ne u rriọ mwẹ re hia ma ruẹn rhunmwuda ighe u rinmwian mwẹ.

Iyẹn ne ọ Maan Ọghe Mak 3:5

Ohu keghi mu Jesu vbe ọ wa ghe iran lẹga sokpan ọ keghi vbe dae ẹsẹse ne iran rhunmwuda iran ba odẹ ku, iran keghi vbe ze vbe ẹkoko udu rhunmwuda ọnii rẹn tama ọmwa ne obọ ọre sikuẹn ni wẹ, “Niẹn obọ ua.” Rẹn keghi nien rẹn, ọ na do gha maa.

Iyẹn ne ọ Maan Ọghe Luk 14:21

Ọguọmwadia nii keghi ya na iyẹn emwi na ma arowa ẹre. Ohu keghi kakabọ mu ne ọ yan owa nii, ọna tama ọguọmwadia ẹre wẹẹ, ‘Ẹgiẹgiẹ, gha rrie adesẹ idunmwu kevbe ivbiodẹ ni re ẹvbo na, ya viọ avbe ivbiogue rre, avbe arọe, arhuaro kevbe uke.’

Iyẹn ne ọ Maan Ọghe Luk 19:41

Rẹn keghi sikẹ ore ẹvbo, ugbẹn vbe ọ ghi bẹghe ẹre, ọ viẹ ọe wẹẹ,

Ebe ne Pọl gbẹẹn gie emwa Rom 12:15

Gha gu enọghọghọ ghọghọ vbe gu enọviẹ gha viẹ.

II Kọrinti 11:21

Ekhue wa mu mwẹ vbe I ta ẹe. Ma ma din sẹ ne ọ gha ru vberriọ! Sokpan deghẹ ọmwaikọmwa wẹ rẹn mwẹ emwi ne ọ gha ya rhuọ, te I guan vbe ọmwẹmwẹ na, mẹ wa vbe mwẹ nii gha ya rhuọ vberriọ zẹẹ.

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.

Hibru 13:3

Wa gha ye iran ni rre uwu eghan rre vbene a miẹn wẹ, te uwa gu iran rre evba. Wa gha ye iran ni rri oya rre, vbene a miẹn wẹ wa vbe iran ọre ọ gba rrie nene oya.