Matiu 18:20 - Edo Bible (E Baibol Ẹdo) Version 1996

²⁰ Rhunmwuda arhin eva ra eha gha si uhunmwu koko nẹ vbe eni mwẹ, mẹ wa gu iran rre evba.”

Matiu 18:20 ပူးပေါင်းရင်းမြစ်များ

Gẹnẹsis 49:10

E Juda gha mu ọkpọ ọba mwẹ uniẹn ọnrẹn ọ ra gha rriọba khian. Avbe okpẹvbo gha ya imuohan giẹẹ iran ghi ye a họn ẹmwẹ gbe uhunmwu kotọ nẹẹn.

Ẹksọdọs 20:24

Wa ya ekẹn ma aka mẹ, wa ghi gha zẹ ese rua ne a giẹn uan ke ẹe kevbe ese ne a gba zọ ọghe uwa, kevbe ohuan kevbe ẹmila rua. Eheikehe ne I rhirhi a kha ma uwa ne uwa na gha ga mwẹ, I gha rre do gha fiangbe uwa vbe evba.

Ezikiẹl 46:10

Emwa nii gha la owa, ọ re ovbiọba gha na vbe la owa iran gha ladian, ọ ghi vbe ladian.

Zẹkaraia 2:5

E Nọyaẹnmwa tobọ ẹre tae nẹ wẹ te irẹn ra gha re ekẹn erhẹn lẹga ẹvbo nii ne irẹn gha degue ẹre, kevbe wẹ tẹ irẹn ra gha rre evba ke irẹn kevbe uyi irẹn hia.”

Matiu 18:21

Pita keghi bu Jesu gha dee, ọ nọ rẹn wẹẹ, “Inu igba ọre I gha yabọ ọtẹn mwẹ sẹ vbe ọ gha ho mwẹ ẹmwẹ? Igba ihinrọn nọ ra?”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Jọn 20:19

Vbe Ẹdẹ Uzọla nii, vbe ebiebi ghi so buan nẹ vbe ota, avbe erhuanegbe khui urho ke egbe yi ye ihọkpa rhunmwuda ohan avbe Ju mu iran. Jesu rre, ọ keghi gu iran mudia, ọ wẹẹ, “Ọfumwegbe gu uwa rrọọ.”

Iyẹn ne ọ Maan Ọghe Jọn 20:26

Uzọla ọkpa ghi gberra nẹ, avbe erhuanegbe vbe si egbe koko ye uwowa ọkpa, Tọmọs keghi gu iran rre evba. Te a khui urho, sokpan Jesu la owa, ọ keghi gu iran mudia, ọ wẹẹ, “Ọfumwegbe gu uwa rrọọ.”

Iyẹn ne ọ Maan Ọghe Jọn 8:58

Jesu wanniẹn wẹẹ, “Ẹmwata ọre I tama uwa. Vbe a te bie Ebraham, ‘Mẹ Nọ.’ ”

I Kọrinti 5:4

Wa gha do iko, mẹ gha vbe gha rre evba vbe ekpa ọghe orhiọn, vbekpa ẹtin Nọyaẹnmwa Jesu ne ọ gu ima rre evba.

I Tẹsalonaika 1:1

E Pọl, Sailas kevbe Timoti, ọre ọ gbẹn ebe na gie emwa esọsi ni rre Tẹsalonaika, emwa ni re ọghe Osanobua ne Erha kevbe Nọyaẹnmwa Jesu Kristi, ẹsọhẹ kevbe ọfumwegbe ọre ogha re ọwua.

Failimọn 1:2

Kevbe esọsi ne a do vbe owa ruẹ, kevbe ọtẹn ima ne okhuo ighẹ Afia, kevbe ogieva ima ne ima gba re ovbiyokuo ighẹ Akipọs.

Arhie Maan 2:1

“Gbẹn ebe gie odibosa esọsi ne ọ rre Ẹfisọs vbenian wẹ: “Uhunmwu ne ọ gie ọre ọ na khin ighẹ ọmwa ne ọ viọ orhọnmwẹ ihinrọn mwẹ vbe obọ erha ọmwa rẹn, ne ọ khian yo khian rre vbe adesẹ avbe erhan ọmukpa igoru ihinrọn ni.

Arhie Maan 21:3

I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.