Matiu 18:16 - Edo Bible (E Baibol Ẹdo) Version 1996

¹⁶ Sokpan deghẹ ọ ma zẹ ye uẹ re. rhie arhin ọkpa ra eva ba egbe, ne a miẹn ehe na miẹn arhin eva ra eha ne ọ sẹ osẹe ye ẹzọ ne a gu ọmwa ni gui zẹẹ vbe ne a gbẹn ọẹn ye otọ.

Matiu 18:16 ပူးပေါင်းရင်းမြစ်များ

I Ọba 21:13

Igbẹki eva nii keghi wa sirra emwa hia ba ẹre ifi ẹzọ wẹ iran họn vbe ọ kpa unu ghe Osanobua kevbe ọba. Rhunmwuda ọnii, iran keghi silo ẹe ladian hin ore ẹvbo rre, iran na filo okuta gbe ẹe rua.

Nọmbas 35:30

“A gha ba ọmwa ifi ẹzọ izigha, a ghẹ bu ohiẹn uwu gbẹe vbe i re te a mi osẹe eva ra ni bu sẹ ọnii, osẹe arhiọnkpa ma sẹ ne a gha ya bu ohiẹn izigha.

Iyẹn ne ọ Maan Ọghe Jọn 8:17

Agbẹn ọẹn ye Uhi uwa wẹ osẹe arhin eva gha gue kugbe, osẹe ẹmwata ọre iran sẹe.

II Kọrinti 13:1

Ukpogieha ne I ghi re ra do miẹn uwa, ọre ọna khin na. Ebe tae wẹ, “A gha ba ọmwa ifi ẹzọ, ọ kere ne a gha mwẹ osẹe eva ra eha ni gha sẹ osẹe.”

Diuteronomi 17:6

Sokpan arhin eva ra eha gha sẹ osẹe gbe ọmwa, a sẹtin gbe ẹe rua, sokpan a ghẹ gbe ẹe rua vbe orhiọn ọkpa a sẹ osẹ gbe ẹe.

Diuteronomi 19:15

“Osẹe ọkpa ma sẹ ne a gha ya bu abe gbe ọmwa, ọ gha ghi kanmwa buan, osẹe eva ọ re ọ gha sẹ osẹe a te kha ighẹ ọmwa nii rri abe.

I Timoti 5:19

Ghẹ zẹ yọ vbe emwa ra do gu ediọn gui ma ruẹn, sokpan a ma wẹ, ọ sẹ arhin eva ra eha ne ọ do gui nene ẹzọ.

Hibru 10:28

Ọmwaikọmwa ne ọ ma ru vbene Uhi e Mosis khare, a gha miẹn arhin eva ra eha ne ọ do sẹ osẹe gbe ẹe ighẹ o rri abe, a ghi gbe ẹe ua vbe ne a i na vbe tohan rẹn.

Arhie Maan 11:3

Mẹ gha gie avbe osẹe mwẹ eva, ni yọ ukpọn ẹkpo ivin, iran ghi vbe ya gha kpe orhu ẹmwẹ Osanobua vbe uwu ikpẹdẹ iyeha yan uri yan arriaisẹn nii (1,260).”