Matiu 18:12 - Edo Bible (E Baibol Ẹdo) Version 1996

¹² Vbe uwa ro ẹmwẹ na hẹẹ? Ọmwa ne ọ mwẹ ohuan iyisẹn, deghẹ ọkpa wiri vbọ, de emwi ne ọ gha ru? Te ọ gha sẹ ọkpa i rrọ vbe iyisẹn ni dekẹe rae ye ehe ne iran na rri irunmwu ne ọ ya gualọ ohuan ne ọ wiri nii.

Matiu 18:12 ပူးပေါင်းရင်းမြစ်များ

I Ọba 21:17

Ẹre Nọyaẹnmwa na gie Elaija ne akhasẹ ne ovbi e Tisbi wẹẹ,

Psalm 119:176

I gha bibi yo bibi rre, zẹ vbe ohuan ne ọ wiri, rhunmwuda ọnii, do gualọ mwẹ, mẹ ne ọguọmwadia ruẹ rhunmwuda, I ma fi iyeke gbe uhi ruẹ.

Aizaia 53:6

Ma hia fẹẹrẹ keghi yevbe ohuan ni wiri dọmwadẹ ọghọe kegha khian ọghọe khian. Sokpan e Nọyaẹnmwa keghi kun oya ni yan rẹn oya ne ọ te khẹ ke ima hia.

Jerimaia 50:6

“Avbe emwa mwẹ yevbe avbe ohuan ne ni su ẹe gie ẹ wii ye uhunmwu oke. Iran hẹ yo hẹ rre ke oke ọkpa ya sẹ ọvbehe zẹ vbe avbe ohuan, iran mianmian ehe ne owa iran ye nẹ.

Ezikiẹl 34:12

Zẹ vbe ne ọsuohuan gbearoghe avbe ohuan ne ọ te zagha kua, a na ghi dọlegbe sii iran koko. I gha viọ ehia werriegbe ke ehe hia ne a te zagha iran kui vbe ẹdẹ ọfuan ne ọ so ebiebi nii.

Ezikiẹl 34:16

“I gha gualọ ni wiri vbọ, I ghi viọ iran ni bibi odẹ vbọ werriegbe rre, I gha gbalọ ẹwẹn iran ni kuan egbe vbọ, I ghi vbe sinmwi iran ni khuọnmwi, sokpan, I gha fuẹn ni ti ye egbe kevbe ni wegbe vbọ hin rre, rhunmwuda, ọsuohuan ne ọ ru emwi ne ọ gbae mẹ khin.

Ezikiẹl 34:28

“Uhunmwu ẹvbo avbe iran ni ga ẹbọ i ghi ra do dọlegbe gha fu iran emwi ọvbehe, avbe aranmwẹ akọn i ghi ra ye gha gbele iran re. Iran gha rrọọ vbe a i mwẹ ẹbe, ọmwarhọkpa i ghi ra dọlegbe runran iran.

Ezikiẹl 34:4

“ ‘Wa ma gbearoghe iran ni ma wegbe, wa ma sinmwi iran ni khuọnmwi vbọ, wa ma gba iran ni miẹn ikuangbe vbọ ẹwẹn. Wa ma ya viọ iran ni bibi odẹ vbọ werriegbe, ra ne uwa gualọ iran ni wiri vbọ viọ werriegbe rre. Sokpan, ne uwa gha na te ru vberriọ, wa keghi gha ru iran khọ.

Ezikiẹl 34:6

Avbe ohuan mwẹ kegha zozo lele avbe oke ni yo hia kevbe avbe oke nekhua, a zagha iran gba otọe hia, a ma miẹn ọmwa ne ọ gualọ iran, ra ne ọ gualọ iran miẹn.’

Matiu 12:11

Jesu wanniẹn iran ẹmwẹ wẹẹ, “Deghẹ ọkpa vbe uwu uwa mwẹ ohuan ighe ọ de fi uhae vbe Ẹdẹ Ikẹtin vbo? U i de obọ yọ ne u siẹe ladian?

Matiu 18:13

Ọ gha miẹn ọẹn, ẹko ẹre ghi rhiẹnrhiẹn uan ba ẹmwẹ ọkpa ne ọ te wi nii sẹ ẹmwẹ ọkpa i rrọ vbe iyisẹn ni ma wii.

Matiu 21:28

“Vbe uwa a ro ẹmwẹ na hẹ? Okpia ọkpa kegha mwẹ emọ ikpia eva. Ọ keghi ya tama nọdiọn wẹẹ, ‘Ovbi mwẹ, ya winna vbe, ugbo emwiokọ ẹrẹna.’

Matiu 22:42

“Vbe uwa ro ẹmwẹ e Mẹzaia hẹ? De uniẹn ọmwa ne ọ khin?” Iran wanniẹn tama rẹn wẹẹ, “Uniẹn Devid nọ.”

I Kọrinti 10:15

Te I gu uwa guan na zẹ vbe umẹwaẹn, wa tobọ uwa ya ekhọe gua sẹ emwi ne I kha.

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.