Matiu 17:6 - Edo Bible (E Baibol Ẹdo) Version 1996

⁶ Ugbẹn vbe avbe erhuanegbe họn urhu na, iran keghi runran, iran dele viọ aro rhu otọ.

Matiu 17:6 ပူးပေါင်းရင်းမြစ်များ

I Krọnikol 21:16

E Devid keghi bẹghe vbe odibo Osa na mudia ye ideghedeghe keẹe kevbe umozo vbe obọ, ọ mu egbe ne ọ dunmwu e Jerusalẹm sẹ otọ. Ẹre Devid kevbe avbe olotu emwa nii ne a miẹn wẹ ukpọn akhiẹ ọ re iran hia viọ rhuan, iran hia keghi vbokho uhunmwu rriotọ, vbene ugbaro iran na dekan otọ.

Ezikiẹl 3:23

Ẹre I na ladian gha rrie uwu iya, I keghi miẹn uyi e Nọyaẹnmwa vbe evba zẹ vbene I wa vbe miẹn ọẹn zẹẹ vbe ọkpẹn Ẹzẹ Kiẹba. I keghi de mu aro rhu otọ,

Ezikiẹl 43:3

Umian na keghi yevbe ne i miẹn vbe ẹghẹ ne Nọyaẹnmwa na do fuẹn e Jerusalẹm, kevbe egbe ne I miẹn vbe ọkpẹn Ẹzẹ e Kiẹba. I keghi de mu aro rhuotọ.

Daniẹl 8:17

E Gebriẹl keghi rre, ọ na mudia ke mwẹ. Ohan mu mwẹ sẹrriọ wẹ I na wa de gbotọ. Rẹn keghi tama mwẹ wẹẹ, “Ovbi ọmwa, rẹn emwi ne a yae kha. Umian na, ẹmwẹ ufomwẹ agbọn ọ re ọ de mu.”

Levitikọs 9:24

Vbe udomwurri, e Nọyaẹnmwa keghi gie erhẹn rre, ọ keghi giẹn emwi izọ ese nii hia ke ẹe kevbe efun emwi nii rre aka. Ugbẹn vbe emwa nii ghi miẹn ọẹn, iran keghi datu, iran keghi munọ ẹko rhu otọ.

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 17:7

Jesu keghi khian bu iran rre, ọ ya obọ kan iran, ọ wẹẹ, “Wa kpaegbe, wa ghẹ gie ohan mu uwa.”

Iwinna 22:7

I keghi wa de gbe otọ, I keghi họn urhu ọkpa ne ọ tama mwẹ wẹẹ, ‘Sọl, Sọl vbọzẹ ne u na zọ mwẹ owẹ?’

Iwinna 26:14

Ma hia keghi dele gbe otọ, I keghi họn urhu ọkpa vbe ọ zẹ ẹvbo avbe Hibru gun mwẹ guan wẹẹ, ‘Sọl, Sọl vbe ọ zẹ ne u na zẹ mwẹ owẹ, Iwinna ne ọ gha hie ruẹ aro nọ ighẹ ogigban ne u so ẹre igiawẹ na.’

II Pita 1:18

Ma tobọ ima họẹn vbe urhu na gu ẹe guan, ẹghẹ ne ima na gu ẹe gha rre uhunmwu oke ne ọ huanrẹn nii.

Giọgis 13:20

Ugbẹn vbe aramwẹ erhẹn ọnrẹn ghi ke aka nii ba ghe iso e Manoa kevbe amwẹ ọnrẹn keghi bẹghe odibo e Nọyaẹnmwa nii vbe ọ lele aranmwe erhẹn nii hin odukhunmwu ghe ẹrinmwi. Iran keghi dele viọ aro rhu otọ. E Manoa kevbe amwẹ ọnrẹn ma ghi dọlegbe miẹn odibọ Osa nii ọvbehe. E Manoa keghi do rẹn wẹ odibo e Nọyaẹnmwa ọre ọmwa nii khin.

Giọgis 13:22

E Manoa keghi tama amwẹ ọnrẹn wẹẹ, “Te ima khian wulo rhunmwuda ma miẹn Osanobua.”