Matiu 17:5 - Edo Bible (E Baibol Ẹdo) Version 1996

⁵ Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 17:5 ပူးပေါင်းရင်းမြစ်များ

Job 38:1

Ẹre Nọyaẹnmwa na ke uwu O okpẹhoho zẹ ẹmwẹ wanniẹn e Job,

Psalm 81:7

Ẹghẹ ne uwa na gha rre uwu ọlọghọmwa, wa kpe tie mwẹ, I keghi miẹn uwa fan, ehe ne I lẹre yi vbe uwu okpẹhoho, ọ re I ke rhie ewanniẹn ne uwa, I keghi danmwẹ uwa ghe vbe ẹzẹ Mẹriba.

Ẹksọdọs 19:19

Urhu okpe keghi kakabọ gha tu sayọ. E Mosis keghi guan, e Nọyaẹnmwa na ya avan ne ukhunmwu zẹmwẹ wanniẹn ọẹn.

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 42:21

E Nọyaẹnmwa Osanobua ne ọ ho ne ọ gha miẹn ruẹn fan ọre nọ rhunmwuda ọnii ọ re ọ na mu uhi kevbe iruẹemwi ẹnrẹn gbọọ. Ọ keghi vbe ho ne emwa irẹn gha mu iran sẹ.

Matiu 12:18

“Osanobua khare wẹẹ, ọguọmwadia mwẹ ne I mẹ zẹẹ ọre ọna khin. Ne I ho ẹmwẹ ọnrẹn, ne ọyẹnmwẹ ọnrẹn sẹ mwẹ. I gha gie Orhiọn mwẹ tin yan rẹn, ọ gha wewe ibuohiẹn mwẹ ma uhunmwu ẹvbo hia,

Matiu 17:6

Ugbẹn vbe avbe erhuanegbe họn urhu na, iran keghi runran, iran dele viọ aro rhu otọ.

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Iyẹn ne ọ Maan Ọghe Mak 1:11

Urhu ọkpa keghi ke ẹrinmwi rre wẹẹ, “Wẹ ọrọre ovbi mwẹ ne I ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe, ẹsẹsẹmwẹse.”

Iyẹn ne ọ Maan Ọghe Mak 9:7

Okuku keghi ladian, ọ na mu aghọnghọn gue iran, urhu ọkpa keghi ke uwu okuku ni ladian wẹẹ, “Ọnọna ọre ovbi mwẹ ni ho ẹmwẹ ọnrẹn, wa họn ọghe ọe.”

Iyẹn ne ọ Maan Ọghe Luk 3:22

Orhiọn Ne Ọ Huanrẹn mu ikinnegbe yọ, ọ yevbe idu, ọ keghi rhuẹ yan rẹn. Urhu ọkpa keghi ke ẹrinmwi rre wẹẹ, “Wẹ ọrọre ovbi mwẹ ovbi orrọ, ọyẹnmwẹ ruẹ sẹ mwẹ.”

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Iyẹn ne ọ Maan Ọghe Jọn 3:35

Erha ho ẹmwẹ Ovbi ẹre, ọ keghi viọ emwi hia ye ẹtin ẹnrẹn obọ.

Iyẹn ne ọ Maan Ọghe Jọn 5:37

Evbavba ne ọ gie mwẹ vbe sẹ osẹe mẹ. Wa ma he ka họn urhu ẹre ẹdẹ, wa ma he miẹn uharo ẹre ẹdẹ.

Iwinna 1:9

Ọ ghi guan ẹmwẹ na nẹ, a keghi tọn mu gha rrie ẹrinmwi vbe iran wa ghe ẹre. Okuku keghi degue ẹre vbe ne iran ma ghi na sẹtin dẹghe ẹre ọvbehe.

Iwinna 7:37

Mosis na ọre ọ tama ivbi Izrẹl wẹẹ, ‘Osanobua gha gie akhasẹ gie uwa zẹ vbene ọ vbe gie mwẹ, ovbi uwa ọre irẹn khian gha khin.’

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Diuteronomi 18:15

Ye ihe ọnii, ọ gha gie avbe akhasẹ vbe mwẹ ke uwu uwa gie uwa, wa ghi gha rhie ẹmwẹ ọnrẹn.

Diuteronomi 18:19

Akhasẹ gha ya eni mwẹ guan, ọmwaikọmwa ne ọ ma ya ẹe ru emwi, I gha rri ọ re oya.

Diuteronomi 5:22

“E Nọyaẹnmwa keghi viọ uhi na ne iran hia ni si egbe koko ye ototọ oke nii. Avbe uhi na ọ re ọ viọ ne iran, ọ ma vbe sẹ ọnii, ọ keghi ye urhu nọkhua guan ke uwu erhẹn rre kevbe uwu okuku ne ọ mwẹ imi rre. Ọ keghi gbẹnnẹ avbe uhi na ye uhanhan okuta eva, ọ na viọ mẹ.”

Kọlose 1:13

Rhunmwuda te irẹn miẹn ima fan hin obọ ẹtin ebiebi rre, ọ na viọ ima gha die arriọba ovbi ẹre ne ọ ghan vbe egbe hẹnnẹdẹn.

Hibru 5:9

Ugbẹn vbe a ghi ya ẹe khian enọgbae na nẹ, rẹn keghi do khian ehe ne imiẹnfan etẹbitẹ ke rre ne iran hia ni họn ẹmwẹ nẹẹn.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.

Arhie Maan 14:14

Ugbẹn vbe I ghi tọn aro mu, I keghi ya bẹghe okuku nọfua ọkpa, emwi ọkpa keghi tota yan okuku nii, ọ ye vbe ọmwa. Ẹdẹ igoru kegha rre ọre uhunmwu, ọ keghi rhie abẹkpẹn ne ọ mu mwẹ obọ.