Matiu 17:27 - Edo Bible (E Baibol Ẹdo) Version 1996

²⁷ I ma ho ne a zẹdẹ ho iran na ẹmwẹ. Rhunmwuda ọnii, gha rrie odighi ne u fi ẹghọe fi ọ, ehẹn ne ọ rhirhi ka mu, si ẹe ladian. U gha ghe unu ẹnrẹn, u gha miẹn igho ne ọ gha sẹ uẹ ya zẹ ọghomwẹ kevbe ọghe uwa, rhie gha khian, ya ya zẹ igho uhunmwu ima ne iran.”

Matiu 17:27 ပူးပေါင်းရင်းမြစ်များ

Gẹnẹsis 1:28

Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

I Ọba 17:4

Ovbi ẹzẹ nii, ọ re u gha na gha sa amẹ wọn. I vbe tama avbe ahianmwẹ nẹ ne iran gha viọ evbare guẹ vbe evba.”

Psalm 8:8

Avbe ahianmwẹ kevbe avbe ehẹn kevbe emwi ne a yi ni rre uwu avbe okun.

Jona 1:17

E Nọyaẹnmwa keghi gie ehẹn nọkhua, ọ na mi e Jona re, ọ keghi gha rre uwu ehẹn ni vbe avan eha kevbe asọn eha.

Jona 2:10

Ẹre Nọyaẹnmwa na tama ehẹn ne ọ ya kpa e Jona ye otọ vbe oke ọ keghi gele ru vberriọ.

Matiu 17:26

Pita wanniẹn tama rẹn wẹ, “Avbe ọrriọvbe.” Jesu wanniẹn tama rẹn wẹẹ, “Ọnii rhie ma ighe avbe emotọ i zẹ.

Matiu 18:6

“Ne ọmwaikọmwa gha ya ye ọkpa vbe uwu iran ne giẹrẹ ni ya mwẹ yi na ba odẹ mwẹ ku, ọ gha ma nẹẹn sẹ ne a de olọ ye ọre urhu, ne a dinmwi ẹn ye uwu amẹ okun.

Matiu 18:8

“Deghẹ obọ ruẹ ra owẹ ruẹ ra ya a bibi odẹ, fian ẹn mu fua, u ya obọ ọkpa ra owẹ ọkpa la uwu ẹfe, ọre ọ maa sẹ ne a mu ẹn mu obọ eva ra owẹ eva fi uwu erhẹn etẹbitẹ.

Matiu 5:29

Rhunmwuda ọnii, adeghẹ aro ruẹ ne obọ erha ọmwa ọre ọ ya a ru orukhọ, wọlọe fua. Egbe ma gba nuẹn ọre ọ maa sẹ ne a mu egbe ne a wẹ ọ gba nuẹn fi ẹrinmwi nehianmwivin.

Matiu 5:30

Deghẹ obọ erha ọmwa ruẹn ọre ọ ya a ru orukhọ, fiaẹn fua. Egbe ma gba nuẹn ọre ọ maa sẹ a muẹn mu egbe ne ọgbae fi ẹrinmwi nehianmwivin.

Iyẹn ne ọ Maan Ọghe Mak 9:42

“Ọ wa fu egbe sẹ ne a de olọ ye ọmwa urhu na fi ẹe fi uwu okun sẹ ne a ya ọkpa vbe uwu iran ne giẹrẹ ni ya mwẹ yi ba odẹ mwẹ ku.

Iyẹn ne ọ Maan Ọghe Mak 9:43

Rhunmwuda ọnii, deghẹ obọ ruẹ ọre ọ ra ya a ba odẹ ku fian ẹn fua, u ye obọ ọkpa gha rrie ihe ẹfe ọre ọ maa sẹ ne u ye obọ eva gha rrie ẹrinmwi erhẹn ne ẹ i dọyọ ẹdẹdẹmwẹdẹ.

Iyẹn ne ọ Maan Ọghe Luk 17:2

Ne a de olọ ẹrẹkhẹrẹ ye ọre urhu mu fi uwu okun ọre ọ maa sẹ ne ọ si ọkpa vbe uwu iran ne giẹrẹ na la orukhọ.

Iyẹn ne ọ Maan Ọghe Jọn 6:61

Vbene a ma na vbe zẹdẹ ya ha ẹre ehọ, Jesu keghi wa rẹn wẹ avbe erhuanegbe ẹre gui ẹzọ uwu unu ye ẹmwẹ na, rhunmwuda ọnii, rẹn keghi tama iran wẹẹ, “Ọ na ọ ghi ra ya uwa mu goo ra?

Ebe ne Pọl gbẹẹn gie emwa Rom 14:21

Emwi ne ọ kere ne a gha ru ọrọre ne a ghẹ rri emiowo ra ne a da ayọn, ra ne a ru emwi ke emwi ne ọ gha mu ọtuẹn gbe otọ.

I Kọrinti 8:13

A deghẹ evbare sẹtin ya etẹn mwẹ ru orukhọ, mẹ tobọ mwẹ i ghi rri emiowo ẹdẹ, ne I ghẹ ya ya ọtẹn mwẹ ru orukhọ.

I Kọrinti 8:9

Sokpan, u ghi mwẹ ẹwaẹn ne u ghẹ ya ye rhunmwuda ighẹ u sẹtin ru emwi ne ọ khọn ruẹn ye ọmwa ne iyayi ẹre ma wo vbe egbe de ye orukhọ.

II Kọrinti 6:3

Ma ma ho ne ọmwaikọmwa do gha zan iwinna mwa, rhunmwuda ọnii, ma i vbe mu idobo ye ọmwarhọkpa egbe.

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

I Tẹsalonaika 5:22

Wa gha lẹ ne emwi dan hia ne ọ rhirhi gha khin.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.