Matiu 17:2 - Edo Bible (E Baibol Ẹdo) Version 1996

² Ọ keghi sirra iran fi egbe werriẹ, aro ẹre kegha fi wain wain vbe owẹn, ukpọn rẹn keghi fuọfua vbe ukpa.

Matiu 17:2 ပူးပေါင်းရင်းမြစ်များ

Psalm 104:2

Wẹ ye uwanmwẹ gue egbe ruẹ hia, u tan ẹrinmwi zẹ vbe ibọkpọ.

Ihuan Ne Ọ Sọọ Ihuan Hia 6:10

Gha ọna khin ne a ghe vbene ẹdẹ da gbe dee na yi? Ọ mose, ọ ye wainwain, ọ fi wainwain vbe owẹn ra uki.

Matiu 17:1

Ikpẹdẹ ehan ghi gberra nẹ, Jesu keghi rhie Pita kevbe etiọnrẹn Jems kevbe Jọn ọkpa ba egbe gha rrie uhunmwu oke.

Matiu 17:3

Erhuanegbe eha nii keghi bẹghe vbe Mosis kevbe Elaija gu Jesu guan.

Matiu 28:3

A gha ghe ẹre, ọ yevbe ayan, ukpọn rẹn keghi fua vbe isonorhọ.

Iyẹn ne ọ Maan Ọghe Mak 9:3

Ukpọn rẹn kegha fuọfua ọ kevbe fi wain wain, ọ fuọfua gberra vbene ọmwaikọmwa vbe agbọn na gha sẹtin họ ẹre sẹ.

Iyẹn ne ọ Maan Ọghe Luk 9:29

Zẹ vbene ọ wa na erhunmwu ni, ugbaro ẹre keghi fiwerriẹ, ukpọn rẹn kegha fuọfua nẹ i gie a ghe.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 17:24

“Evbavba, u viọ iran mẹ nẹ, I ho ne iran gun mwẹ gha rre ehe ne imẹ ye ne iran miẹn ehe na ya aro iran miẹn uyi mwẹ, uyi ne u rhie mẹ, rhunmwuda, vbe a te do yi agbọn na wẹ ka gha ho ẹmwẹ mwẹ nẹ.

Ebe ne Pọl gbẹẹn gie emwa Rom 12:2

Wa ghẹ ya egbe ba emwi ne agbọn na ru, sokpan wa gie Osanobua fi uwa werriẹ vbe uwu egbe vbe ekpa ne ọ gha na fi ekhọe uwa werriẹ. Ẹghẹ nii wa gha na sẹtin rẹn emwi ne Osanobua ho emwi ne ọ maa, ne ọ yẹ ọre kevbe ne ọ gbae.

Arhie Maan 10:1

Vbe iyeke ọnii, I keghi bẹghe odibosa nọkhua ọkpa vbe ọ ke ẹrinmwi tuorre dee. Amẹ ne ọ bii ọre ọ ya mu egbe. Ikpin amẹ keghi lẹga ẹre uhunmwu, ugbaro ẹre keghi yevbe owẹn, erhan owẹ ọre nekhua ye vbe orre ọghe erhẹn.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.