Matiu 17:18 - Edo Bible (E Baibol Ẹdo) Version 1996

¹⁸ Jesu keghi khu orhiọn esu ni ladian, egbe na wa rran ọmọ nii vbe ọwarọkpa.

Matiu 17:18 ပူးပေါင်းရင်းမြစ်များ

Matiu 12:22

Iran keghi mu okpia ọkpa ne ọ mwẹ orhiọn esu bu Jesu rre, ọ rhu aro ọ keghi vbe re odin. Jesu keghi mu ẹre egbe rran, ọ kegha bẹghe, ọ keghi vbe gha guan.

Matiu 15:28

Jesu wanniẹn tama rẹn wẹẹ, “Okhuo na, ọmwa nọ mwẹ iyayi ẹsẹse ọre u khin, emwi ne u rhirhi gha ho, a gha ruẹe nuẹn.” Egbe ke wa rran ovbi ẹre vbe ọwarọkpa nii.

Matiu 17:17

Jesu keghi wanniẹn wẹẹ, “Wa ne ẹ i mwẹ iyayi kevbe ni vbe ba odẹ ku! Vbe i a gha kpee sẹ hẹ vbe ehe ne uwa ye? Vbe i a gha ziengbe ne uwa kpee sẹ hẹ? Rhie ne ọvbokhan gun mwẹ vbe emwa.”

Matiu 17:19

Avbe erhuanegbe keghi bu Jesu rre vbe ẹkhokho, iran nọ rẹn wẹẹ, “Vbọzẹ ne ima ma na sẹtin khu orhiọn esu ni ladian yi?” [

Matiu 9:22

Jesu keghi fi egbe werriẹ, ugbẹn vbe ọ ghi bẹghe ẹre ọ tama rẹn wẹẹ, “Ovbi mwẹ dọlọ aro yi vbe uhunmwu, iyayi ruẹ muẹn egbe rran nẹ.” Vbe ọwarọkpa ni, egbe keghi wa rran okhuo ni.

Iyẹn ne ọ Maan Ọghe Mak 1:34

Jesu keghi sinmwi emwa ni bun ni mwẹ emianmwẹ ughughan, ọ kevbe khulo orhiọn dan ni bun ladian. Rẹn i vbe kue ne avbe orhiọn dan ni guan hiehiere, rhunmwuda ighe iran rẹn ọmwa ne irẹn khin.

Iyẹn ne ọ Maan Ọghe Mak 5:8

Ọ ta ẹmwẹ na rhunmwuda ne Jesu na gha tama rẹn wẹẹ, “Orhiọn esu, kpa hin uwu okpia na rre.”)

Iyẹn ne ọ Maan Ọghe Luk 4:41

Avbe orhiọn esu kegha tu utumwẹ obalọ vbe iran a ladian vbe egbe emwa ni bun wẹ, “Wẹ ọrọre Ovbi Osanobua.” Jesu keghi gbe eta ye iran unu, ọ ma gie iran guan rhunmwuda iran rẹnrẹn ighẹ rẹn ọrọre nene Mẹzaia.

Iyẹn ne ọ Maan Ọghe Luk 8:29

Emwi ne ọ a ya ẹe gha guan vberriọ ọrọre wẹ Jesu ka tama avbe orhiọn dan nii nẹ ne iran lahin uwu ẹre rre. Ẹghẹ ni bun ọre ọ ya mu ẹn, a gha rhe mu ẹn khui, a na ye ọgiọrọ rro ẹre obọ rro ẹre owẹ, ọ gha bunnọ ọgiọrọ ni kua nẹ, orhiọn esu ni ghi bi ẹre, uhunmwu la uwu ato.

Iyẹn ne ọ Maan Ọghe Luk 9:42

Ugbẹn vbe ne ọvbokhan ghi wa dee nii, nene orhiọn keghi wa vbe rhie ẹre fianmwẹ otọ, ọ na nien rẹn uan, Jesu keghi gu orhiọn dan nii guan, ọ na sinmwi ọvbokhan ni rhie ne erha ẹe.

Iwinna 16:18

Ikpẹdẹ ni bun ọre ọ ru emwi na la, egbe ẹre ghi wọ Pọl sẹrriọ wẹẹ ọ keghi fi egbe werriẹ, ọ tama orhiọn nii wẹẹ, “Vbe eni Jeru Kristi, I tama ruẹn ne u ladian vbe uwu ẹre rre.” Vbe ọwarọkpa nii, orhiọn nii keghi la hin uwu ẹre rre.