Matiu 17:17 - Edo Bible (E Baibol Ẹdo) Version 1996

¹⁷ Jesu keghi wanniẹn wẹẹ, “Wa ne ẹ i mwẹ iyayi kevbe ni vbe ba odẹ ku! Vbe i a gha kpee sẹ hẹ vbe ehe ne uwa ye? Vbe i a gha ziengbe ne uwa kpee sẹ hẹ? Rhie ne ọvbokhan gun mwẹ vbe emwa.”

Matiu 17:17 ပူးပေါင်းရင်းမြစ်များ

Psalm 95:10

Ukpo iyeva ọre egbe iran na wa ya wọ mwẹ I keghi kha wẹẹ, ‘Ghe vbene iran sọtẹ hẹ; iran hee uhi mwẹ ye otọ.’

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Ẹksọdọs 16:28

Ẹre Nọyaẹnmwa na tama e Mosis wẹẹ, “Inu ẹghẹ wa ra rra uhi kevbe iyi mwẹ la yi?

Itan 1:22

“Wa ne akpa! Inu ẹghẹ wa ho ne uwa ya gha re akpa? Inu ẹghẹ wa ra ghọghọ ye irẹnmwi ne uwa ya gbogiẹ la? Wa i ra ruẹ emwi ẹdẹdẹmwẹdẹ ra?

Itan 6:9

Inu ẹghẹ ọ re avbiẹrẹ ra ya vbe ukpo? De ẹghẹ ne ọ ra ya kpaegbe?

Aizaia 19:14

E Nọyaẹnmwa ru ẹe ne iran gha bu iran ude ne ọ ye emwi lighi ye ọmwa aro, emwi ne ọ ghi lae rre ọrọre wẹ te Igipt ba emwi hia ku ru, te ọ ghi zẹ owẹ ahanmwahan zẹvbe ọdayọn ne ekpa ne ọ kpae miọnghọn ẹre owẹ.

Jerimaia 4:14

E Jerusalẹm, kpe ọkhọ hin uwu ekhọe ruẹ rre, ne u miẹn ehe na miẹn uhunmwu. Vbe u a gha zẹ iro dan kpee sẹhẹ vbe ekhọe ruẹ?

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Nọmbas 14:27

“Vbe avbe emwa dan na ra gui ẹzọ uwu unu ghe mwẹ kpẹe sẹhẹ yi? Ẹzọ uwu unu ne I he họn vbe unu iran sẹe.

Matiu 13:58

Ọ ma winna iwinna ọyunnuan ni bun vbe evba rhunmwuda iran ma ya ẹe yi.

Matiu 16:8

Jesu rẹn emwi ne iran roro, ọ keghi tama iran wẹẹ, “De emwi ne uwa talọ ye ẹmwẹ ebrẹd ne uwa i mwẹ yi? a miẹn vbe iyayi uwa kanmwa hẹ!

Matiu 17:16

I rhie ẹre bu avbe erhuanegbe gha dee sokpan iran ma sẹtin sinmwi ẹn.”

Matiu 17:18

Jesu keghi khu orhiọn esu ni ladian, egbe na wa rran ọmọ nii vbe ọwarọkpa.

Matiu 6:30

Osanobua ọre ọ rhuan iran ukpọn ighe avbe irunmwu ne oha na, irunmwu nọ gha wan rre ẹre na, akhuẹ a giagiae hẹ ku erhẹn. Wa ma ghi la evba rẹn ighe ẹ i mwẹ ọ ma rhuan uwa ukpọn! Iyayi uwa kanmwa gbe.

Matiu 8:26

Jesu tama iran wẹẹ, “Vbọzẹ ne uwa na runran vberriọ yi, wa i mwẹ iyayi.” Ọ keghi kpaegbe, ọ gu amẹ kevbe ẹhoho ni guan, ehia keghi hunwan hii i!

Iyẹn ne ọ Maan Ọghe Mak 16:14

Vbe okiekie ehia, Jesu keghi rhie egbe ma avbe erhuanegbe ne owọrọ vbe ehe ne iran na gha rri evbare, ọ keghi gu iran gui ba ẹmwẹ ne iran i na mwẹ iyayi kevbe wẹ ekhọe iran mu rri sẹ vberriọ ne iran ma na ya emwa ne ọ miẹn ọẹn vbe o rhiọrre nẹ yi.

Iyẹn ne ọ Maan Ọghe Mak 9:19

Jesu khama iran wẹẹ, “Wa izẹdẹ mwẹ iyayi hiehie re! Vbe I a gha kpee sẹ hẹ vbe ehe ne uwa ye? Vbe I a gha mu ẹmwẹ uwa wo egbe kpee sẹ hẹ! Rhie ne ọvbokhan gun mwẹ.”

Iyẹn ne ọ Maan Ọghe Luk 24:25

Jesu wanniẹn tama iran wẹẹ, “A miẹn vbe uwa kọn hẹẹ! A miẹn vbe ọ kpẹ uwa obọ hẹẹ ne uwa ya ẹmwẹ ne avbe akhasẹ tae yi!

Iyẹn ne ọ Maan Ọghe Luk 9:41

Jesu keghi wanniẹn wẹẹ, “U ma miẹn ighe wa i mwẹ iyayi wa ma vbe guẹ odẹ ya la! Vbe i a ghi kpẹe sẹ hẹ vbe ehe ne uwa ye? Vbe i a gha mu ẹmwẹ uwa wuo egbe kpẹe sẹ hẹ?” Ọ keghi tama okpia ni wẹ, “Rhie ne ovbi uẹ rre.”

Iyẹn ne ọ Maan Ọghe Jọn 20:27

Ọ keghi khama Tọmọs wẹẹ, “Rhie ukpẹ ihiẹn obọ ruẹ ye emwa, ghe obọ mwẹ, niẹn obọ ruẹ rre ne u ya ẹe kan efẹn mwẹ. Ghẹ i ghi bọ iro eva, yayi!”

Iwinna 13:18

Ukpo iyeva ọre ọ ya mu ẹmwẹ iran woo egbe vbe uwu ato.

Iwinna 2:40

Pita keghi kakabọ gu iran guan, ọ keghi ya ẹmwẹ ni bun bu iran ude wẹẹ, ne iran rhie uhunmwu iran lẹre hin ikhi ne a ra do rria emwa dan na re.

II Kọrinti 11:1

Akpawẹ wa gha sẹtin mwẹ i ziengbe mẹ nian, uhin a deghẹ I rhe ru emwi ukọnmwẹ kherhe. Lahọ wa zin ẹnrẹn.

Diuteronomi 32:5

Sokpan wa i re emwata, wa ma kei ye emwa ẹnrẹn ẹvbo orukhọ kevbe ne ọ vuọn ne erẹrẹ.