Matiu 17:12 - Edo Bible (E Baibol Ẹdo) Version 1996

¹² Sokpan, ne I tama uwa wẹẹ, Elaija rre nẹ, Sokpan emwa ma rẹn ọnrẹn, iran keghi ruẹe vbe ne ọ khọn iran. Erriọ zẹ iran ra vbe ru Ovbi Ọmwa khọọ.”

Matiu 17:12 ပူးပေါင်းရင်းမြစ်များ

Matiu 11:2

Jọn ghi họn vbe uwu eghan vbene Jesu winna hẹẹ, ọ gie eso vbe uwu avbe erhuanegbe ẹre.

Matiu 16:21

Ke ẹghẹ ni kpao, ọre Jesu ke suẹn gha tua unu muẹn ma avbe erhuanegbe ẹre wẹẹ, “Ẹ i mwẹ I ma yo Jerusalẹm ne I ya rri oya emwi ni bun vbe obọ avbe eniwanrẹn, avbe igiohẹn kevbe avbe iran ni ma emwa Uhi. Iran gha gbe mwẹ uan, vbe ikpẹdẹ ne ogieha, a gha huẹn mwẹ kpaegbe.”

Matiu 17:11

Jesu wanniẹn tama iran wẹẹ, “Ẹmwata Elaija ogha ka re ne ọ do mwamwa emwi hia ye otọ.

Matiu 17:13

Avbe erhuanegbe keghi do rẹn ighe Jọn ne Ọsamẹ ọre ọ kha.

Matiu 17:22

Ugbẹn vbe erhuanegbe hia ghi si egbe koko vbe Galili, Jesu tama iran wẹẹ, “Vbe ọ ma he kpẹe wan, a gha si Ovbi Ọmwa gie iran ne emwa.

Matiu 17:9

Iran ghi tuorre ke uhunmwu oke dee, Jesu tama iran wẹẹ, “Wa ghẹ ta umian ne uwa miẹn na ma ọmwa rhọkpa, a te do huẹn Ovbi Ọmwa kpao vbe orinmwi.”

Matiu 21:32

Rhunmwuda, Jọn ne Ọsamẹ rre do ma uwa odẹ ẹmwata ne uwa gha la, wa ma ya ẹe yi. Sokpan, iran ni koko igho uhunmwu kevbe avbe igberagie keghi ya ẹe yi. Wa rhe yevbe miẹn emwi vberriọ, wa ma wẹ ne uwa fi ekhọe werriẹ vbe okiekie ne uwa do ya ẹe yi.”

Matiu 8:20

Jesu wanniẹn tama rẹn wẹẹ, “Avbe umuọkhọkhọ mwẹ uvun, avbe ahianmwẹ vbe mwẹ okọ, sokpan Ovbi Ọmwa i mwẹ ehe ne ọ mu uhunmwu yan hẹwẹ.”

Iyẹn ne ọ Maan Ọghe Luk 7:33

E Jọn ne Ọsamẹ rre, ọ na gha yo aguẹ, ọ ma vbe da ayọn, wa na wẹ, ‘Te ọ mwẹmwẹ.’

Iyẹn ne ọ Maan Ọghe Jọn 1:11

Rẹn kegha die ẹvbo irẹn tobọ ẹre, sokpan avbe emwa rẹn ma rhan obọ miẹn rẹn.

Iwinna 2:23

Osanobua tae nẹ, ọ kevbe tobọ ẹre mwamwaẹn zẹ vbe iho ọghọe, ne a rhie Jesu yan uwa obọ. Wa keghi gbe ẹe rua, wa keghi gie iran ne emwa orukhọ kan rẹn mu ugbugbe.

Iwinna 4:10

I ho ne uwa rẹn nian, ke uwa kevbe ivbi Izrẹl hia wẹẹ, ẹtin eni Jesu ne ovbi Nazarẹt ọre ọ ya mudia vbe odaro uwa banbanna, vbe egbe ne ọ rran rẹn giẹnrẹn. Jesu ne uwa kan mu ugbugbe, ne Osanobua huẹn kpaegbe vbe idin.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.