Matiu 16:8 - Edo Bible (E Baibol Ẹdo) Version 1996

⁸ Jesu rẹn emwi ne iran roro, ọ keghi tama iran wẹẹ, “De emwi ne uwa talọ ye ẹmwẹ ebrẹd ne uwa i mwẹ yi? a miẹn vbe iyayi uwa kanmwa hẹ!

Matiu 16:8 ပူးပေါင်းရင်းမြစ်များ

Matiu 14:31

Vbe ọwarọkpa nii, Jesu keghi si ẹre obọ, ọ tama rẹn wẹẹ, “Iyayi ruẹ kanmwa gbe, vbọzẹ ne u na ziro eva?”

Matiu 16:7

Iran khama egbe iran wẹẹ, “Rhunmwuda ne ima ma na viọ ebrẹd mwẹ ọre ọ na ta ẹmwẹ na.”

Matiu 6:30

Osanobua ọre ọ rhuan iran ukpọn ighe avbe irunmwu ne oha na, irunmwu nọ gha wan rre ẹre na, akhuẹ a giagiae hẹ ku erhẹn. Wa ma ghi la evba rẹn ighe ẹ i mwẹ ọ ma rhuan uwa ukpọn! Iyayi uwa kanmwa gbe.

Matiu 8:26

Jesu tama iran wẹẹ, “Vbọzẹ ne uwa na runran vberriọ yi, wa i mwẹ iyayi.” Ọ keghi kpaegbe, ọ gu amẹ kevbe ẹhoho ni guan, ehia keghi hunwan hii i!

Iyẹn ne ọ Maan Ọghe Mak 16:14

Vbe okiekie ehia, Jesu keghi rhie egbe ma avbe erhuanegbe ne owọrọ vbe ehe ne iran na gha rri evbare, ọ keghi gu iran gui ba ẹmwẹ ne iran i na mwẹ iyayi kevbe wẹ ekhọe iran mu rri sẹ vberriọ ne iran ma na ya emwa ne ọ miẹn ọẹn vbe o rhiọrre nẹ yi.

Iyẹn ne ọ Maan Ọghe Jọn 16:30

Ma rẹnrẹn nian ighẹ u rẹn emwi hia, ẹ i re ne ọmwa rhọkpa vbe ka do nọ ruẹn ọta nẹ. Ọna gie ima rẹn nian ighẹ ọghe Osanobua ọre u ke rre.”

Hibru 4:13

Emwi ọkpa ne a sẹtin rhie lẹre ne Osanobua ẹ i rrọọ. Emwi hia ni rre ehe ne agbọn sẹe ehe ne ọ rhanmwẹ, te a fannọ ehia a, a na vbe wa ẹre ye otọ vbe odaro ẹre. Rọẹn ni ọre ima ra ya ye unu mwa na iyẹn egbe mwa ma.

Arhie Maan 2:23

I gha vbe gbele ẹre emọ, ẹghẹ nii, avbe esọsi hia ghi do rẹn wẹ, mẹ ọrọre ọmwa ne ọ rẹn iro ne ọmwa zẹ vbe ekhọe ẹre kevbe emwi ne ọ hoo. I gha do hae ne edọmwadẹ ọghọe vbe uwu uwa zẹ vbe iwinna ne uwa winnaẹn.