Matiu 16:3 - Edo Bible (E Baibol Ẹdo) Version 1996

³ Ovẹn gha yan rre ighẹ iso na gha baa, ọ na vbe bi nu nu nu, wa ghi wẹẹ, ‘Amẹ khian rhọ.’ Wa sẹtin ghe aro iso ya kha vbene ẹdẹ ra gha ye hẹ, vbọzẹ ne uwa i na sẹtin ghe ama ya ta umian ehe ne ẹghẹ na ye na gbe rrie?”

Matiu 16:3 ပူးပေါင်းရင်းမြစ်များ

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Matiu 15:7

Wa ni zẹ imamase, te Aizaia wa ta uwa umian ẹkpo ne ọ na kha wẹẹ,

Matiu 22:18

Sokpan Jesu wa rẹn ehe ne iran ghae yi, rhunmwuda ọnii, ọ wanniẹn tama iran wẹẹ, “Wa ni zẹ imamase, vbọzẹ ne uwa na ho mwẹ ẹmwẹ ne unu?

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Matiu 4:23

Jesu keghi lele Galili sẹ otọ sẹ ukhunmwu, ọ kegha ma emwa emwi vbe dọmwadẹ Ọgua ediọn, ọ kporhu Iyẹn Ne ọ maa ọghe Arriọba, ọ keghi vbe sinmwi emwa nikhuọnmwi kevbe ni huẹhuẹ.

Matiu 7:5

Wẹ ne ayunukpaegbe! Ka mu ike erhan hin aro ruẹ rre nẹ, erriọ ọre u gha na bẹghe odẹ ya rhie iku erhan hin ọtuẹn aro rre.

Iyẹn ne ọ Maan Ọghe Luk 11:44

Umiẹn agbọn ne uwa ye! Wa yevbe idin ne a ma ye ama yi, emwi ghi gha nanaẹn gberra vbene iran ma na rẹn.”

Iyẹn ne ọ Maan Ọghe Luk 12:56

Wa ne emwa ẹkẹ vbe iwẹnwẹn, wa sẹtin rhan otọ ama ne otọ ke iso rhie maa, vbe ọ ghi zẹ ne uwa ma na rẹn otọ vbene ẹghẹ khare na?

Iyẹn ne ọ Maan Ọghe Luk 13:15

Nọyaẹnmwa keghi wanniẹn tama rẹn wẹẹ, “Wa ne emwa ẹkẹ vbe iwẹnwẹn, wa rhan ẹmila ra ẹsin uwa vbe Ẹdẹ Ikẹtin, wa ghi vbe siẹe ladian ya wọn amẹ.

Hibru 5:14

Evbare ne ọ wo vbe egbe, ọghe avbe eniwanrẹn nọ, iran ni ma unu iran ẹre, ne iran vbe gha ya ẹe rẹn alughaẹn ne ọ rre ẹkpo emwi ne ọ maa kevbe ne ẹ i maa.