Matiu 16:25 - Edo Bible (E Baibol Ẹdo) Version 1996

²⁵ Rhunmwuda, ọmwa ne ọ ho ne ọ sinmwi orhiọn rẹn gha muẹn fua, sokpan ọmwa ne ọ rhunmwuda mwẹ mu orhiọn rẹn fua, ọ gha miẹn ọẹn.

Matiu 16:25 ပူးပေါင်းရင်းမြစ်များ

Ẹsta 4:14

U gha hunwan vbe ẹghẹ ne ọ ye vbenian na, iyobọ gha ke ẹrinmwi bu avbe Ju rre, iran ghi miẹn uhunmwu, sokpan wẹ gha wu, deba ẹre ẹgbẹe erha a ghi gbe ero, sokpan, u rẹnrẹn wẹ ẹ i gie a rẹn ọ gha kẹe egbe ẹghẹ vbenian ọ re ọ zẹe ne a na ya ma Oloi!”

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Asan-Ibo 3:6

ọ rhie ẹghẹ yọ ne a ya mu fua, ọ rhie ẹghẹ yọ ne a ya miẹn rhie, ọ rhie ẹghẹ yọ ne a ya si koko, ọ rhie ẹghẹ yọ ne a ya zagha kua,

Matiu 10:39

Ọmwaikọmwa ne ọ ho ne irẹn da orhiọn rẹn yi gha mu ẹn fua. Ọmwaikọmwa ne ọ mu orhiọn rẹn fua rhunmwuda mwẹ, ọ gha miẹn ọẹn rhie.

Matiu 16:26

De ere ne ọ rrọọ ne ọmwa adeghẹ agbọn na hia sẹ ọre obọ vbene ọ na mu orhiọn rẹn fua? Ẹ i mwẹ esa hiehie. Emwi ọkpa i rrọọ ne ọmwa gha ya sẹtin dẹ orhiọn irẹn werriegbe.

Iyẹn ne ọ Maan Ọghe Mak 8:35

Rhunmwuda ọmwa ne ọ ho ne irẹn sinmwi ẹdẹ agbọn ẹnrẹn gha mu ẹn fua, sokpan ọmwa ne ọ rhunmwuda mwẹ kevbe rhunmwuda iyẹn ne ọ maa mu edẹ agbọn rẹn fua, gha miẹn ọẹn rhie.

Iyẹn ne ọ Maan Ọghe Luk 17:33

Ọmwa ne ọ wẹ rẹn ra sinmwi orhiọn rẹn gha mu ẹn fua, ọmwa ne ọ mu orhiọn rẹn fua gha miẹn ọẹn rhie.

Iyẹn ne ọ Maan Ọghe Jọn 12:25

Ọmwa ne ọ rhirhi ho ẹmwẹ ẹdẹ agbọn rẹn, gha muẹn fua, ọmwa ne ọ khuiwu ẹdẹ agbọn rẹn vbe agbọn na gha dae yi ya sẹ arrọọ ne ẹ i mwẹ ọfo.

Arhie Maan 12:11

Esagiẹn Oteghe Ohuan nii kevbe orhu ẹmwata ne iran kpee, ọre avbe etẹn mwa ya khọn miẹn ẹre otọ, iran te wa vbe mu egbe ne iran rhie ẹdẹ agbọn iran ye otọ, ne iran vbe wulo.