Matiu 16:21 - Edo Bible (E Baibol Ẹdo) Version 1996

²¹ Ke ẹghẹ ni kpao, ọre Jesu ke suẹn gha tua unu muẹn ma avbe erhuanegbe ẹre wẹẹ, “Ẹ i mwẹ I ma yo Jerusalẹm ne I ya rri oya emwi ni bun vbe obọ avbe eniwanrẹn, avbe igiohẹn kevbe avbe iran ni ma emwa Uhi. Iran gha gbe mwẹ uan, vbe ikpẹdẹ ne ogieha, a gha huẹn mwẹ kpaegbe.”

Matiu 16:21 ပူးပေါင်းရင်းမြစ်များ

Matiu 12:40

Zẹ vbene Jona ya avan eha kevbe asọn eha vbe uwu ẹko ehẹn nọkhua, erriọ ọre Ovbi Ọmwa gha ya avan eha kevbe asọn eha vbe uwu otọ.

Matiu 16:22

Pita keghi rhie ẹre ghe efẹn ọkpa, ọ kegha gu ẹe gui ọ wẹẹ, “Osanobua ghẹ gia miẹn emwi vberriọ Nọyaẹnmwa, emwi vberriọ ighe sunu vbe egbe ruẹ.”

Matiu 16:28

Sokpan wa ye rre o, emwa eso rre emwa na nian, ne ẹ i ra wu ọ te ya miẹn Ovbi Ọmwa vbe ọ gha rre zẹ vbe Ọba.”

Matiu 17:12

Sokpan, ne I tama uwa wẹẹ, Elaija rre nẹ, Sokpan emwa ma rẹn ọnrẹn, iran keghi ruẹe vbe ne ọ khọn iran. Erriọ zẹ iran ra vbe ru Ovbi Ọmwa khọọ.”

Matiu 17:9

Iran ghi tuorre ke uhunmwu oke dee, Jesu tama iran wẹẹ, “Wa ghẹ ta umian ne uwa miẹn na ma ọmwa rhọkpa, a te do huẹn Ovbi Ọmwa kpao vbe orinmwi.”

Matiu 20:28

Zẹẹ vbe ne Ovbi Ọmwa ye, ọ ma rre ne a do gha ga ẹe, sokpan ne irẹn do ga emwa kevbe ne ọ ya orhiọn rẹn dẹ emwa ni bun werriegbe.”

Matiu 26:2

“Wa rẹnrẹn ighe irakhuẹ ọrọre ẹdẹ Emwiukpo Alagberra, a gha rhie Ovbi Ọmwa ladian ne akan rẹn mu ugbugbe.”

Matiu 26:47

Vbene ọ wa guan nii, Judas, ọkpa vbe uwu iran ne iweva keghi rre. Emwa ni bun ni viọ orhokhua kevbe umozo mwẹ keghi lele ẹe, iran na kegha re emwa ne a gie ke ọ ghe igie ohẹn kevbe ediọn avbe Ju gha dee.

Matiu 27:12

Sokpan ọ ma zẹdẹ guan kan ifi ẹzọ ne avbe igie ohẹn kevbe ediọn ba ẹre re.

Matiu 27:63

Iran tama rẹn wẹẹ, “Dọmọ o, ma yerre wẹ ẹghẹ ne ọhọn ohoghe nii na rre agbọn, ọ tae wẹẹ, ‘A gha huẹn mwẹ kpaegbe vbe iyeke ikpẹdẹ eha.’

Matiu 28:6

Ẹ i ghi rre emwa na, ọ rhiọkpaegbe nẹ zẹ vbene ọ khare. Wa larre, wa do ghe eke ne ọ te lovbiẹ yi.

Iyẹn ne ọ Maan Ọghe Mak 8:31

Ẹghẹ ni, Jesu keghi suẹn gha tama avbe erhuanegbe ẹre wẹẹ, “Ovbi Ọmwa gha rrioya ẹsẹse, avbe ediọn kevbe igie ohẹn kevbe iran ni ma emwa Uhi gha hẹee ye otọ. A gha gbe ẹe rua sokpan vbe. ikpẹdẹ nogieha, ọ gha rhiọkpaegbe.”

Iyẹn ne ọ Maan Ọghe Mak 9:12

Ọ wanniẹn tama iran wẹẹ, “Elaija rre do mwamwa emwi hia ye otọ nẹ. Levba sevba, vbọzẹ ne Ebe na kha wẹẹ, Ovbi Ọmwa gha rri oya emwi ni bun, a ghi vbe hẹe ye otọ?

Iyẹn ne ọ Maan Ọghe Luk 17:25

Sokpan ọ gha ka rrioya nẹ, emwa orre na ghi hẹe.

Iyẹn ne ọ Maan Ọghe Luk 24:46

Ọ tama iran wẹẹ, “Vbe nian ọre a gbẹn ọẹn wẹẹ Mẹzaia gha rri oya, a gha vbe huẹn ọnrẹn kpao vbe idin vbe ẹdẹ ne ogieha.

Iyẹn ne ọ Maan Ọghe Luk 9:31

Akpa uyi ẹrinmwi keghi rre iran egbe, iran keghi gu Jesu gha ta ẹmwẹ uwu ne ọ ra wu vbe Jerusalẹm vbe ọ ma he kpẹe, ne ọ ya mu emwamwa Osanobua sẹ.