Matiu 16:20 - Edo Bible (E Baibol Ẹdo) Version 1996

²⁰ Jesu keghi tama avbe erhuanegbe ẹre ne iran ghẹ tama ọmwa rhọkpa ighe rẹn ọrọre ne ne Mẹzaia.

Matiu 16:20 ပူးပေါင်းရင်းမြစ်များ

Matiu 1:16

Jekọb na ọre ọ biẹ Josẹf ne ọre ọdafẹn e Meri ne ọ biẹ Jesu ne Mẹzaia.

Matiu 16:16

Saimọn Pita wanniẹn wẹẹ, “Wẹ ọrọre Mẹzaia, ovbi Osanobua ne ọ rrọọ.”

Matiu 17:9

Iran ghi tuorre ke uhunmwu oke dee, Jesu tama iran wẹẹ, “Wa ghẹ ta umian ne uwa miẹn na ma ọmwa rhọkpa, a te do huẹn Ovbi Ọmwa kpao vbe orinmwi.”

Matiu 8:4

Jesu keghi tama rẹn wẹẹ, “Danmwehọ, ghẹ tama ọmwa rhọkpa. Wa bu ohẹn gha khian nian ne ọ ghe ruẹ egbe, ya zọ ese ne Mosis fian yọ ne emwa miẹn ehe na rẹn ghe egbe rran ruẹn nẹ.”

Iyẹn ne ọ Maan Ọghe Mak 8:30

Pita wanniẹn wẹẹ, “Wẹ ọrọre nene Mẹzaia.” Irẹn keghi tama iran wẹẹ, “Wa ghẹ tama ọmwa rhọkpa.”

Iyẹn ne ọ Maan Ọghe Mak 9:9

Ugbẹn vbe iran ghi tuorre ke uhunmwu oke dee, Jesu tama iran wẹẹ, “Wa ghẹ ta emwi ne uwa miẹn na ma ọmwarhọkpa vbe ẹ i re te Ovbi Ọmwa rhiọrre vbe orinmwi nẹ.”

Iyẹn ne ọ Maan Ọghe Luk 2:11

Vbe ẹdẹnẹrẹ na, a biẹ Kristi Nọyaẹnmwa ne ọre Ọmiọnmwafan uwa, vbe ẹvbo Devid.

Iyẹn ne ọ Maan Ọghe Luk 9:21

Jesu keghi kakabọ yan ma iran ne iran ghẹ ta ẹe ma ọmwa rhọkpa.

Iyẹn ne ọ Maan Ọghe Luk 9:36

Ugbẹn vbe urhu ni ghi hunwan, Jesu ọkpa ọre ọ ghi rre evba. Avbe erhuanegbe keghi wa rhie ẹmwẹ ni lẹre, iran ma ta emwi ne iran miẹn ma ọmwa rhọkpa.

Iyẹn ne ọ Maan Ọghe Jọn 1:41

Vbe ọwarọkpa nii, Andru keghi miẹn Saimọn ne ọtiọnrẹn, ọ keghi tama rẹn wẹẹ, “Ma miẹn nene Mẹzaia nẹ.” (Emwi ne a ya ọnii kha ọrọre “Kristi.”)

Iyẹn ne ọ Maan Ọghe Jọn 1:45

Filip keghi miẹn Nataniẹl, ọ tama rẹn wẹẹ, “Ma miẹn ọmwa ne Mosis ta ẹmwẹ ọnrẹn ye uwu ebe Uhi, ne avbe akhasẹ vbe gbẹnnẹ ẹmwẹ ye otọ vbe ekpa ẹre. Ọmwa na ọrọre Jesu ne ovbi e Josẹf ne ovbi e Nazarẹt.” Nataniẹl keghi nọ wẹẹ,

Iyẹn ne ọ Maan Ọghe Jọn 11:27

Rẹn wanniẹn wẹ, “Ẹsẹse Nọyaẹnmwa, Mẹ yayi ighe wẹ ọrọre Mẹzaia ne Ovbi Osanobua ne a wẹ re ọ die agbọn.”

Iyẹn ne ọ Maan Ọghe Jọn 20:31

A gbẹnnẹ enena ne uwa miẹn ehe na yayi ighẹ Jesu ọrọre nene Mẹzaia ne Ovbi Osanobua, wẹ, rhunmwuda ighẹ wa ya ẹe yi, wa ghi la ekpa eni ẹnrẹn gha mwẹ arrọọ.

Iwinna 2:36

“Rhunmwuda ọnii, wa ne ivbi Izrẹl, wa hia rẹn nian wẹẹ, Jesu nii ne uwa kan mu ugbugbe, Osanobua ya ẹe khian Nọyaẹnmwa kevbe Mẹzaia nẹ.”

I Jọn 2:22

Gha ọ ghi re nene ọhọn ohoghe khekherriọ? Rẹn nọ ighẹ ọmwa ne ọ khare ighẹ Jesu i re nene Kristi: Ọnọna ọrọre nene Oghian Kristi, ọ ma rhan obọ miẹn Erha kevbe Ọmọ.

I Jọn 5:1

Ọmwaikọmwa ne ọ yayi ighẹ Jesu ọrọre nene Mẹzaia, ovbi Osanobua nọ, ọmwa ne ọ hoẹmwẹ erha ne ọ biẹ ọmọ, te ọ vbe hoẹmwẹ ovbi ẹre ba ẹre.