Matiu 16:19 - Edo Bible (E Baibol Ẹdo) Version 1996

¹⁹ I gha viọ isanhẹn Arriọba ẹrinmwi nuẹn, emwi ne u wẹ ne a ghẹ ru vbe agbọn, a wẹ ne a ghẹ ru ẹe vbe ẹrinmwi. Emwi ne u wẹ ne a ru vbe agbọn, a wẹ ne a ru ẹe vbe ẹrinmwi.”

Matiu 16:19 ပူးပေါင်းရင်းမြစ်များ

Aizaia 22:22

I gha mu asẹ ne ọ gba fo ye ọre obọ vbe ototọ ọba ne ovbi uniẹn e Devid. A gha mu isanhẹn asẹ ne ẹẹn. Ọ gha khui, a i miẹn ne ọ kie ẹre, ọ gha kie, a i miẹn ne ọ khui ẹre.

Matiu 18:18

“Ne I tama uwa hia nian, emwi ne uwa fan obọ ẹre vbe agbọn, a vbe fan obọ ẹre vbe ẹrinmwi. Emwi ne uwa ma vbe fan obọ ẹre vbe agbọn, a ma vbe fan obọ ẹre vbe ẹrinmwi.

Iyẹn ne ọ Maan Ọghe Jọn 20:23

Ọmwa ne uwa ya orukhọ bọ, a ya ẹe bọ ẹe, ọmwa ne uwa ma ya bọ, a ma ya ẹe bọ ẹe.”

Iwinna 15:7

Ugbẹn vbe iran ghi zẹ ta ẹe yo ta ẹe rre, Pita keghi kpaegbe ọ wẹẹ, “Etẹn mwẹ, wa rẹnrẹn wẹẹ vbe ẹghẹ ne ọ kpẹe fua, Osanobua zẹ mwẹ vbe uwu ẹbu uwa wẹ ne I ya kpe orhu ẹmwẹ Iyẹn Ne ọ maa ma iran ne ẹ i re Ju, ne iran miẹn ehe na họn ne iran vbe yayi.

II Kọrinti 2:10

Wa gha ya emwi ne ọmwa ọkpa baku ru bọ ẹe, mẹ vbe ya bọ ẹe. Rhunmwuda, I gha ya bọ ọmwa, adeghẹ abaku ru ọkpa gele rrọọ ne I ya bọ ọmwa, rhunmwuda uwa ọre I na ru ẹe vbe sirra Kristi.

I Tẹsalonaika 4:8

Rhunmwuda ọnii, ọmwaikọmwa ne ọ ma rhan obọ miẹn iruẹmwi na, ẹ i re ọmwa ne agbọn ọre ọ ma rhan obọ miẹn ighẹ Osanobua ne ọ rhie nene iruẹmwi rre nọ, ọmwa ne ọ rhie Orhiọn Ne Ọ Huanrẹn ọghọe ne uwa.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.

Arhie Maan 11:6

Iran mwẹ asẹ ne iran gha ya khui iso, ne amẹ ghẹ rhọ vbe uwu ẹghẹ ne iran ya kpe orhu ẹmwẹ Osanobua. Debare, iran vbe mwẹ asẹ vbe uhunmwu avbe uhunmwu ẹzẹ, ne iran ya fi iran werriẹ khian esagiẹn, iran vbe mwẹ asẹ ne iran ya si egboghogbogho fi agbọn inugba ne ọ rhirhi khọn iran.

Arhie Maan 3:7

“Gbẹn ebe gie odibosa esọsi ne ọ rre Filadẹlfia wẹ: “Uhunmwu ne ọ gie rre ọ na khin ighẹ ọmwa ne ọ re ọmwata kevbe ne ọ huanrẹn, ọmwa ne ọ rhie isahẹn Devid mwẹ, ọmwa ne ọ gha kie nẹ, a i miẹn ne ọ khui, ọ gha khui, a i miẹn ne ọ kie.

Arhie Maan 9:1

Ẹre odibosa ne ogisẹn na kpe okpe ọghọe. I keghi ya bẹghe orhọnmwẹ ọkpa ne ọ ke iso de fi otọe, a keghi rhie isanhẹn uvun ne ẹ i mwẹ ototọ nẹẹn.