Matiu 16:17 - Edo Bible (E Baibol Ẹdo) Version 1996

¹⁷ Jesu wanniẹn wẹẹ, “Saimọn ne ovbi Jona, ọ ma nuẹn ẹsẹse rhunmwuda ẹ i re ọmwa kẹkan ọre ọ rhie ẹmwata na ma ruẹn, obọ Erha mwẹ ne ọ rre ẹrinmwi taara ọre ọ ke bu ruẹ gha dee.

Matiu 16:17 ပူးပေါင်းရင်းမြစ်များ

Aizaia 54:13

“Mẹ ọ re ọ ra tobọmwẹ ma emwa ruẹn emwi I ghi rhie ẹfe kevbe ọfumwegbe ne iran.

Iyẹn ne ọ Maan Ọghe Luk 22:32

Sokpan mẹ na erhunmwu nuẹn nẹ Saimọn ne iyayi ruẹ ghẹ i fira, u gha ghi hinmwian bu mwẹ rre nẹ, u ghi rhie ẹtin ye avbe etuẹn iwu.”

Iyẹn ne ọ Maan Ọghe Jọn 1:42

Rẹn keghi rhie Saimọn bu Jesu gha dee. Jesu keghi ghe ẹre, ọ wẹẹ, “Wẹ ọrọre Saimọn ne ovbi e Jọn, Kefas ọre a ra gha tie ruẹ re.” (Ọkpa ọre ẹmwẹ na ke Pita khin, emwi ne a yae kha ọrọre “Okuta nọkhua.”)

Iyẹn ne ọ Maan Ọghe Jọn 6:45

Avbe akhasẹ gbẹn ọẹn nẹ wẹẹ, ‘Osanobua ma emwa hia emwi,’ ọmwa ne ọ rhirhi họn ọghe Evbavba, ighẹ ọ na vbe ruẹ emwi vbe ehe ne ọ ye gha bu mwẹ re.

I Kọrinti 15:50

Emwi ne I yae kha ọre ọna khin etẹn mwẹ, wẹ emwi ne a ya efun kevbe esagiẹn ma, i sẹtin mwẹ oghae vbe Arriọba Osanobua, erriọ vbe nọ, emwi ne ọ re ne ọ sẹtin wu i sẹtin ya a i wu ẹde khian ọghọe.

Galatia 1:16

Ọ ghi vbe wẹ rẹn ra rhie ovbi ẹre ma mwẹ ne I miẹn ehe na ya gha kpe orhu Iyẹn Ne ọ maa vbe ekpa ẹre ma iran ne ẹ i re Ju, I ma vbe bu ọmwa rhọkpa wẹ ne ọ bu mwẹ ude,

Ẹfisọs 2:8

Rhunmwuda, ẹsọhẹ ọghe Osanobua ọre a ya miẹn uwa fan vbe ekpa iyayi, ẹ i re emwi ne uwa ru, sokpan ẹse Osanobua nọ.

Ẹfisọs 3:5

Vbe ẹghẹ ne ọ gberra, a ma ta oro na ma ọmwa rhọkpa, sokpan banbanna nian, Osanobua la ekpa Orhiọn we ẹre ma avbe ukọ kevbe avbe akhasẹ ọre ni huanrẹn.

Ẹfisọs 6:12

Rhunmwuda ẹ i re emwa ne agbọn kẹkan ma gu vẹn, sokpan iran nọ ighẹ avbe ẹtin ni wo ni re avbe ẹrinmwi, avbe ọdakha, avbe enikhaemwisẹ, avbe eniwanrẹn asọn, ọ ghe orre ne ọ so ebiebi na.

Hibru 2:14

Vbene a na miẹn wẹ zẹ vbene ọ ta ẹe wẹ emwa ifun egbe kevbe esagiẹn iran khin, ighẹ avbe emọ nii, Jesu Kristi tobọ ẹre keghi vbe do gha ye vbene iran ye, vbe ekpa ne ọ na ghae vbe emwi emwa kẹkan ọghe iran. Emwi ne ọ ya ẹe ru ẹe ọrọre ne ọ sẹtin la ekpa uwu ne irẹn wu miẹn Esu uhunmwu, ọmwa ne ọre ne ọ khaemwisẹ yan uwu.

I Pita 5:1

I mu egbe rri otọ rinmwian avbe ediọn esọsi ni rre uwu uwa, mẹ tobọ mwẹ ne ọ vbe re ediọn, aro mwẹ sẹ oya ne Kristi re, ọ gha vbe sẹ mwẹ obọ vbe uwu uyi ne a gha rhie maa, I mu egbe rri otọ rinmwian uwa.

I Jọn 4:15

Ọmwaikọmwa ne ọ khare ighẹ Ovbi Osanobua ọre Jesu khin, Osanobua rre uwu ẹre, rẹn keghi vbe re uwu Osanobua.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.