Matiu 16:16 - Edo Bible (E Baibol Ẹdo) Version 1996

¹⁶ Saimọn Pita wanniẹn wẹẹ, “Wẹ ọrọre Mẹzaia, ovbi Osanobua ne ọ rrọọ.”

Matiu 16:16 ပူးပေါင်းရင်းမြစ်များ

Psalm 2:7

Ọba khare wẹẹ, “Mẹ gha wewe ẹmwẹ ne Nọyaẹnmwa tama mwẹ. Rẹn khama mwẹ wẹẹ, ‘Wẹ ọrọre ovbi mwẹ, ẹrẹ ọ re imẹ khian erhaa.

Psalm 42:2

Ohanmwẹ amẹ ruẹn gbe mwẹ, Osanobua ne ọ rrọ de ẹghẹ ni I gha ya yo ne I do ga vbe odaro ruẹ?

Daniẹl 6:26

I yii ẹre iyi wẹ la ehe ne otọ arriọba mwẹ sẹe, ehe ne ọ rhanmwẹ, o kere ne emwa hia gha mu ohan ne a vbe gha ya ọghọ ne Osanobua e Daniẹl. “Osanobua ne ọ rrọọ nọ, te ọ khian gha khaemwisẹ ẹdẹdẹmwẹdẹ. A i sẹtin fuẹn arriọba ẹre ẹdẹdẹmwẹdẹ, ẹtin ẹnrẹn i vbe sẹ ufomwẹ ẹdẹdẹmwẹdẹ.

Matiu 1:16

Jekọb na ọre ọ biẹ Josẹf ne ọre ọdafẹn e Meri ne ọ biẹ Jesu ne Mẹzaia.

Matiu 14:33

Avbe, erhuanegbe ni rre uwu okọ keghi ya uhunmwu rhanmwẹ otọ ne Jesu, iran wẹẹ, “Vbe ẹmwata, Ovbi Osanobua ọre u gele khin.”

Matiu 16:15

Ọ nọ iran wẹẹ, “Wa tobọ uwa vboo? De omwa ne uwa roro ighe me khin?”

Matiu 26:63

Jesu keghi ye hunwan. Ogie Ohẹn vbe dọlegbe tama rẹn wẹẹ, “I ya eni Osanobua ne ọ rrọọ ya a vẹn ihẹn nian wẹ ne u tama ima deghẹ wẹ ọrọre Mẹzaia ne Ovbi Osanobua.”

Matiu 27:54

Ugbẹn vbe ọkaokuo kevbe ivbiyokuo ẹre ni mudia gha ghe Jesu ghi miẹn igbohiotọ kevbe emwi hia ni sunu, ohan keghi mu iran, iran wẹẹ, “Vbe ẹmwata, Ovbi Osanobua te gele nọ.”

Matiu 4:3

Esu keghi bu ẹre rre, ọ wẹẹ, “Deghẹ Ovbi Osanobua wẹ gele khin tama avbe okuta na ne iran khian eka.”

Iyẹn ne ọ Maan Ọghe Mak 14:61

Sokpan Jesu keghi wa hunwan, ọ ma ta ẹmwẹ rhọkpa. Ogie Ohẹn keghi dọlegbe nọ rẹn wẹẹ, “Wẹ ọrọre Mẹzaia ne Ovbi Osanobua Ne a fiangbe ra?”

Iyẹn ne ọ Maan Ọghe Luk 2:11

Vbe ẹdẹnẹrẹ na, a biẹ Kristi Nọyaẹnmwa ne ọre Ọmiọnmwafan uwa, vbe ẹvbo Devid.

Iyẹn ne ọ Maan Ọghe Jọn 1:49

Nataniẹl wanniẹn wẹẹ, “Ọmaemwaemwi, Ovbi Osanobua ọre u khin, wẹ ọrọre Ọba Izrẹl.”

Iyẹn ne ọ Maan Ọghe Jọn 11:27

Rẹn wanniẹn wẹ, “Ẹsẹse Nọyaẹnmwa, Mẹ yayi ighe wẹ ọrọre Mẹzaia ne Ovbi Osanobua ne a wẹ re ọ die agbọn.”

Iyẹn ne ọ Maan Ọghe Jọn 20:31

A gbẹnnẹ enena ne uwa miẹn ehe na yayi ighẹ Jesu ọrọre nene Mẹzaia ne Ovbi Osanobua, wẹ, rhunmwuda ighẹ wa ya ẹe yi, wa ghi la ekpa eni ẹnrẹn gha mwẹ arrọọ.

Iyẹn ne ọ Maan Ọghe Jọn 6:57

Erha ne ọ rrọọ, ọre ọ gie mwẹ, rhunmwuda ẹre ọre imẹ na vbe rrọọ. Erriọ vbe nọ zẹẹ, ọmwa ne ọ rri egbe mwẹ gha vbe gha rrọọ rhunmwuda mwẹ.

Iyẹn ne ọ Maan Ọghe Jọn 6:68

Saimọn Pita wanniẹn tama rẹn wẹẹ, “Nọyaẹnmwa, de ọmwa ne ima ra bu? Wẹ ọre ọ mwẹ ẹmwẹ ne ọ rhie arrọọ etẹbitẹ ne ọmwa.

Iyẹn ne ọ Maan Ọghe Jọn 6:69

Wanwan na nian, ma yayi, ma vbe rẹn wẹ, wẹ ọrọre ọmwa Ne ọ huanrẹn ne ọ ke ọghe Osanobua rre.”

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Iwinna 8:36

Vbene iran khian vbe odẹ nii, iran keghi do sẹ ihe ọkpa ne amẹ ye, ọka iwinna ni keghi kha wẹẹ, “Ghe amẹ vbe emwa na, de emwi ne ọ gha zẹ ne a i ra na sa amẹ mẹ nian?” [

Iwinna 8:37

Filip khama rẹn wẹẹ, “A sẹtin sa amẹ nuẹ a deghẹ u ya ekhọe ruẹ hia yayi?” Rẹn wanniẹn wẹ, “I yayi, I yayi ghe Ovbi Osanobua ọre Jesu Kristi khin.”]

Iwinna 9:20

Ọ keghi wa gha lele Ọgua ediọn iran khian, ọ na gha kpe orhu Jesu, ọ wẹẹ, “Rẹn ọrọre Ovbi Osanobua.”

Ebe ne Pọl gbẹẹn gie emwa Rom 1:4

Zẹ vbe ọghe uhuanmwẹ ọnrẹn ke ẹrinmwi re, a keghi ya ẹtin nọkhua rhie maa ighẹ Ovbi Osanobua nọ vbe ekpa ne a na huẹn ọẹn kpao vbe idin orinmwi.

II Kọrinti 1:19

Rhunmwuda, Jesu Kristi, ne Ovbi Osanobua ne Timoti Sailas kevbe imẹ kpe orhu ẹre ma uwa, ẹ i re ọmwa nọ re “Ẹn” kevbe “Ẹn o.” Sokpan rẹn ọrọre “Erriọ nọ” ọghe Osanobua.

II Kọrinti 3:3

Aro dae wẹ, Kristi tobọ ẹre ọre ọ gbẹn ebe na, ọ na rhie ẹre ne ima rhie rre. Ẹ i re ne a ye ẹmu gbẹnnẹ ye uhanhan okuta, sokpan ekhọe emwa ne agbọn ọre a ya Orhiọn Osanobua ne ọ rrọọ gbẹnnẹ ọẹn yi.

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

Diuteronomi 5:26

De emwa ne ọ he ka họn vbe Osanobua ne ọ rrọọ guan ke uwu erhẹn rre ẹdẹ, ọ na ye vbe gha rre agbọn?

I Tẹsalonaika 1:9

Iran na hia wa ta ẹe khian, ighẹ ẹmwẹ vbe ne uwa rhan obọ miẹn ima hẹ vbe ima do miẹn uwa, kevbe vbene uwa ghi fi iyeke gbe ẹbọ hẹ do gha ga Osanobua ne ọre Osanobua ẹmwata ne ọ rrọọ.

I Timoti 3:15

Sokpan deghẹ I ma ghi rherhe rre, ebe na gha gie uwa rẹn vbene ọ kere ne ima gha mu egbe yi hẹ vbe uwu igiowa Osanobua, ne ọre esọsi ọghe Osanobua ne ọ rrọọ, orre kevbe okpo ọghe ẹmwata.

I Timoti 4:10

Ọna si ẹe ne ima na domian, kevbe ne a na kakabọ winna, rhunmwuda, ọghe Osanobua ne ọ rrọọ ọre idanmwehọ mwa ye, ọmwa ne ọre Ọmiọnmwafan emwa hia, kpataki iran ni yayi.

Hibru 10:31

Ọkpan udu nọ, deghẹ a defi Osanobua nọ rrọọ obọ!

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.

I Jọn 4:15

Ọmwaikọmwa ne ọ khare ighẹ Ovbi Osanobua ọre Jesu khin, Osanobua rre uwu ẹre, rẹn keghi vbe re uwu Osanobua.

I Jọn 5:20

Ma rẹnrẹn wẹ Ovbi Osanobua rre nẹ, ọ keghi vbe rhie irẹnmwi ne ima sẹrriọ wẹ, te ima ghi rẹn Osanobua ẹmwata, uwu Osanobua ẹmwata ọre ẹdẹ agbọn ima ye, vbe uwu Jesu Kristi ne Ovbi ẹre. Ọna ọrọre Osanobua ẹmwata, ọna ọ vbe re ẹfe ne ẹ i fo.

I Jọn 5:5

De ọmwa ne ọ gha sẹtin khọn agbọn miotọ yi? Rẹn ni nọ ighẹ ọmwa ne ọ yayi wẹ Ovbi Osanobua ọre Jesu Kristi khin.

Arhie Maan 7:2

I keghi vbe bẹghe odibosa ọvbehe vbe ọ ke ọlarre ovẹn dee, ọ keghi rhie egba ne Osanobua ne ọ rrọọ ya yi emwi ama, mwẹ obọ, ọ keghi datie avbe odibosa enẹ ne Osanobua rhie ẹtin na, ne ọ ya dunmwu otọ agbọn kevbe okun uan.