Matiu 15:6 - Edo Bible (E Baibol Ẹdo) Version 1996

⁶ ohan i ghi gi ẹe dọlegbe ya ẹe mu ọghọ ye erha e ra iye ẹe egbe. Erriọ ọre uwa ya zẹ uhi Osanobua kọ, ne uwa miẹn ehe na mu ọghe uwa sẹ.

Matiu 15:6 ပူးပေါင်းရင်းမြစ်များ

Psalm 119:126

E Nọyaẹnmwa, ẹghẹ sẹe nẹ nian ne u ru emwi eso, rhunmwuda, emwa wa rra iyi ruẹ.

Psalm 119:139

Ohu ne ọ mu mwẹ tọn vbe erhẹn vbe uwu imẹ, rhunmwuda, avbe eghian mwẹ i zẹye iyi ruẹ.

Jerimaia 8:8

Vbe uwa ra na sẹtin kha hẹ yi ighe wa wan, kevbe wẹ wa rẹn uhi mwẹ? Ghe avbe ọgbenbe ne ẹ i gia mu ẹtin yan, fi avbe uhi nii werriẹ nẹ.

Hozia 4:6

Ọghe avbe emwa mwẹ fo nẹ, rhunmwuda, iran ma tie mwẹ ọghe iran. Wa ne avbe ohẹn ma tie mwẹ ọghe uwa, wa keghi he iruẹmwi mwẹ yotọ, rhunmwuda ọnii, mẹ vbe he uwa, mẹ i ghi ra vbe tie ivbi uwa ohẹn mwẹ.

Matiu 15:5

Sokpan, wa ghi ra kha, wa wẹẹ, ‘Deghẹ ọmwa mwẹ emwi ne ọ gha sẹtin ya ga erha e ra iye ẹe,’ ọ na ghi kẹ ọre ya kha nẹ wẹẹ, ‘I ya ẹe fi ohan ne Osanobua,’

Matiu 15:7

Wa ni zẹ imamase, te Aizaia wa ta uwa umian ẹkpo ne ọ na kha wẹẹ,

Iyẹn ne ọ Maan Ọghe Mak 7:13

Wa ma miẹn ighe wa so uhi Osanobua gọọ, wa na rhie ọ wua ye ihe ẹre gha ma emwa ẹre. Egbe emwi vbe nian ne uwa ru i re avbiẹ.”

Ebe ne Pọl gbẹẹn gie emwa Rom 3:31

Ọnii rhie maa ra ighẹ te ima ya iyayi gbe ukhu nene Uhi rua? Hiehie re, vbene ẹmwata, te ima rhie nene uhi mwẹ.

I Timoti 5:16

Sokpan, adeghẹ okhuo iyayi mwẹ ẹgbẹ eso vbe uwu avbe etẹn ọnrẹn, wẹ ne ọ gha gbe aro ghe iran, ne ọ ghẹ vbe ya ye esọsi egbe, ne ọ miẹn ehe na miotọ ya gha gbe aro ghe avbe ẹgbẹ ni re rẹn ọkpa vbe ẹhi ẹre.

I Timoti 5:8

Sokpan, a deghẹ ọmwaikọmwa ma gbe aro ghe emwa rẹn, kpataki iran ni re etẹn ọnrẹn, ọ fi iyeke gbe nene iyayi nẹ, ọ wa rhia sẹ ne ọ ma yayi.