Matiu 15:4 - Edo Bible (E Baibol Ẹdo) Version 1996

⁴ Rhunmwuda Osanobua khare wẹẹ, ‘Ya ọghọ ne erha a kevbe iyuẹ’ kevbe wẹẹ, ‘Ọmwaikọmwa ne ọ kpa unu ghe erha e ra iye ẹe, te a gha gbẹe rua.’

Matiu 15:4 ပူးပေါင်းရင်းမြစ်များ

Ẹksọdọs 20:12

“Ya ọghọ ne erha a kevbe iye uẹ ne u miẹn ehe na tọ vbe otọ ne imẹ ya nuẹn.

Ẹksọdọs 21:17

“Omwa ne ọ tie ihẹn ne erha zẹẹ rha iye zẹẹ, te a gha gbe ẹe rua.

Itan 20:20

U gha tie ihẹn ne avbe evbibiọ, te ẹdagbọn ruẹn ra wa fo zẹvbe ukpa ne ọ dọyọ vbe ebiebi.

Itan 23:22

Danmwehọ ẹmwẹ ne erhaa tama ruẹn, adeghẹ ẹ i re irẹn, u ghẹ i gha rre agbọn na. Iyuẹ gha vbe khian ọmaẹn nẹ, ya obọ enọrẹn ẹse mu ẹẹn.

Itan 30:17

Ọmwaikọmwa ne ọ ya erha ẹe gbogiẹ ra ne ọ zan iye ẹe vbe ọ ghi khian ọmaẹn nẹ, ugu ọ re ọ kere ne ọ rri ọe, ra ne ahianmwẹ oha wọlọ ẹre aro kua.

Aizaia 8:20

Wẹ ghi zẹ wanniẹn iran wẹẹ, “Danmwehọ emwi ne Nọyaẹnmwa ma uwa ẹre! Wa ghẹ danmwehọ avbe iran ni miẹn aro, emwi ne iran ra tama uwa i mwẹ asa ne ọ ye ne uwa.”

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Levitikọs 20:9

E Nọyaẹnmwa keghi mu avbe emwamwa na ye otọ: “Ọmwaikọmwa ne ọ tie ihẹn ne erha ẹe ra iye ẹe, a ghi gbe ẹe rua, obọ ẹre ọre emwi ne ọ gbe ẹe ke rre.

Matiu 15:3

Jesu wanniẹn iran ẹmwẹ wẹẹ, “Vbe uwa na mu uhi Osanobua fua hẹ vbe uwa gba ilele uwa ginna obọ?

Matiu 15:5

Sokpan, wa ghi ra kha, wa wẹẹ, ‘Deghẹ ọmwa mwẹ emwi ne ọ gha sẹtin ya ga erha e ra iye ẹe,’ ọ na ghi kẹ ọre ya kha nẹ wẹẹ, ‘I ya ẹe fi ohan ne Osanobua,’

Matiu 19:19

Ya ọghọ ne erhaa kevbe iye uẹ, u ghi vbe gha ho ẹmwẹ ogieva ruẹ zẹ vbe ne u ho ẹmwẹ egbe ruẹ.”

Matiu 4:10

Ẹkpo nii ọre Jesu ghi na wanniẹn tama rẹn wẹẹ, “Ladian mwa Setan, ebe nọhuanrẹn khare wẹẹ, ‘Osanobua ruẹ ọkpa wẹ gha gaa, ne u gha vbe ya uhunmwu rhanmwẹ otọ na.’ ”

Ebe ne Pọl gbẹẹn gie emwa Rom 3:31

Ọnii rhie maa ra ighẹ te ima ya iyayi gbe ukhu nene Uhi rua? Hiehie re, vbene ẹmwata, te ima rhie nene uhi mwẹ.

Ẹfisọs 6:1

Wa ne emọ, iwinna uwa nọ, zẹ vbe ivbi iyayi Kristi, ne uwa gha họn ẹmwẹ ne evbibiẹ uwa, rhunmwuda, ọna ọre emwi ne ọ kere ne uwa ru.

Diuteronomi 27:16

“ ‘Ihẹn Osanobua rre uhunmwu ọmwa ne ọ ma ya ọghọ ne erha ẹe ra iye ẹe.’ “Emwa ni hia ghi kha wẹ, ‘Isẹ!’

Diuteronomi 5:16

“ ‘Gha ya ọghọ ne erha a kevbe iye uẹ zẹ vbene imẹ ne Nọyaẹnmwa Osanobua ruẹ tama ruẹn, ne agbọn miẹn ehe na ma ruẹn kevbe ne u vbe tọ vbe otọe ne imẹ ra mu nuẹn.