Matiu 15:32 - Edo Bible (E Baibol Ẹdo) Version 1996

³² Jesu keghi tie avbe erhuanegbe ẹre, ọ tama iran wẹẹ, “Ohan avbe emwa na wa to mwẹ rhunmwuda ikpẹdẹ eha gha dee iran kegha gun mwẹ rre emwa, evbare ighi gue iran nian. I ma ho ne I zẹ iran urrie vbe ẹko ohanmwẹ ne iran ghẹ ya sahẹ vbe odẹ.”

Matiu 15:32 ပူးပေါင်းရင်းမြစ်များ

II Ọba 4:42

Vbe ẹghẹ ọvbehe, orhiọnkpa keghi viọ ududu ebrẹd ugie ne a ye ọka ne a ka gha rhọ vbe ugbo nii le, ke Bal Sialisia gie Elaisia, deba ọka ne a da fian. Elaisia na wẹ ne ọguọmwadia ẹre viọ ne otu akhasẹ gha re.

Matiu 12:40

Zẹ vbene Jona ya avan eha kevbe asọn eha vbe uwu ẹko ehẹn nọkhua, erriọ ọre Ovbi Ọmwa gha ya avan eha kevbe asọn eha vbe uwu otọ.

Matiu 14:13

Ugbẹn vbe Jesu ghi họn ẹmwẹ na, ọ la okọ kpao vbe evba rre, rẹn ọkpa kegha rrie ehe ne ọmwa rhọkpa i ye. Emwa nii hia ghi họn ẹn iran keghi kpao vbe ẹvbo iran la otọ bu ẹre gha khian.

Matiu 15:33

Avbe erhuanegbe ẹre keghi nọ rẹn wẹẹ, “De ehe ne a gha na miẹn evbare ya koko iran na hia vbe uwu ato na?”

Matiu 20:34

Jesu keghi tohan iran, ọ keghi ya obọ kan iran aro, ọwarọkpa, iran keghi suẹn gha bẹghe, iran keghi lele Jesu.

Matiu 27:63

Iran tama rẹn wẹẹ, “Dọmọ o, ma yerre wẹ ẹghẹ ne ọhọn ohoghe nii na rre agbọn, ọ tae wẹẹ, ‘A gha huẹn mwẹ kpaegbe vbe iyeke ikpẹdẹ eha.’

Matiu 9:36

Ugbẹn vbe ọ ghi miẹn avbe emwa ni gbe ẹbu, ekhọe ẹre keghi vuọn ne agiẹngiẹn, rhunmwuda ehia wa khọn yo khọn rre zẹ vbe ohuan ne ẹ i mwẹ nọ suẹe.

Iyẹn ne ọ Maan Ọghe Mak 9:22

Ẹghẹ ni bun ọre ọ he te wa ya gha ho ne ọ wa gbe ẹe rua, vbene ọ na mu ẹn fi erhẹn mu ẹn fi amẹ. Lahọ tohan ima ne u yi ima obọ deghẹ u gha sẹtin.”

Iyẹn ne ọ Maan Ọghe Luk 7:13

Ugbẹn vbe Nọyaẹnmwa ghi miẹn okhuo na, ohan rẹn to ẹe ẹsẹse, ọ na tama rẹn wẹẹ, “Ghẹ ghi viẹ.”

Iwinna 27:33

Ọ ghi bu ne ẹdẹ ra ya gbe, e Pọl keghi rinmwian emwa nii hia ne iran rri evbare wẹ, “Ke ikpẹdẹ iwenẹ gha dee wa kegha khẹ odẹ, wa ma vbe rri emwi rhọkpa.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.