Matiu 15:31 - Edo Bible (E Baibol Ẹdo) Version 1996

³¹ Unu keghi yan emwa hia vbe iran miẹn wẹ odin guanrẹn, uke khiaẹn, egbe rran arọe, arhuaro bẹghe. Iran keghi rho Osanobua Izrẹl vbe uyi.

Matiu 15:31 ပူးပေါင်းရင်းမြစ်များ

Gẹnẹsis 32:28

Okpia nii keghi kha wẹẹ, “A i ghi ra tie eni ruẹn Jekọb ọvbehe. U gu Osanobua kevbe emwa nagbọn suan nẹ, obọ ruẹ keghi ke okhunmwu, rhunmwuda ọnii eni ruẹn ọ re ọ ghi gha re Izrẹl.”

Gẹnẹsis 33:20

Ọ keghi gbe aka ye evba, ọ keghi he ẹre eni El gie Osanobua Izrẹl.

Psalm 50:15

Ibaro gha rre, kpe tie mwẹ, I gha miẹn ruẹn fan wẹ ghi do gha rho mwẹ.”

Psalm 50:23

Ekpọnmwẹ ọrọre ese ne ọ rhie ọghọ mẹ, mẹ gha vbe miẹn iran hia ni họn ẹmwẹ mẹ fan.”

Ẹksọdọs 24:10

Iran keghi bẹghe Osanobua Izrẹl. Otọe vbe ehe ne owẹ ọre ye keghi yevbe otọ owa ne a ya okuta ẹrọnmwọ ne raghoragho ru, ọ keghi de wainwain ze vbe iso.

Matiu 15:30

Emwa ni bun keghi viọ avbe ọkhọnmwọ bu ẹre gha dee, avbe arọe, arhuaro, uke, odin kevbe emianmwẹ ọvbehe ni bun, iran viọ iran ye odaro ẹre, ọ keghi mu iran hia egbe rran.

Matiu 18:8

“Deghẹ obọ ruẹ ra owẹ ruẹ ra ya a bibi odẹ, fian ẹn mu fua, u ya obọ ọkpa ra owẹ ọkpa la uwu ẹfe, ọre ọ maa sẹ ne a mu ẹn mu obọ eva ra owẹ eva fi uwu erhẹn etẹbitẹ.

Matiu 21:14

Avbe uke kevbe arọe keghi bu ẹre la uwu Ọgua Osa, ọ keghi sinmwi iran hia.

Matiu 8:10

Ẹmwẹ na keghi wa yan Jesu unu an vbe ọ họẹn, ọ keghi tama iran ni lelẹe khian wẹẹ, “I ma he miẹn ọmwa ne ọ mwẹ iyayi vbenian vbe avbe emwa Izrẹl.

Matiu 9:32

Ugbẹn vbe iran na ghi wa kpao vbe evba rre, emwa eso keghi mu okpia ọkpa ne ẹ i sẹtin guan rhunmwuda ighe ọmwa orhiọn esu bu Jesu rre.

Matiu 9:33

Ọ ghi khu nene orhiọn esu ladian nẹ, okpia ni keghi suẹn gha guan. Unu keghi yan emwa hia, iran wẹẹ, “A ma he miẹn egbe emwi vbenian vbe Izrẹl ẹdẹ.”

Matiu 9:8

Ugbẹn vbe avbe emwa ni ghi miẹn emwi na, ohan mu iran, iran keghi rho Osanobua vbe uyi ye ne ọ na rhie egbe ẹtin vberriọ ne emwa.

Iyẹn ne ọ Maan Ọghe Mak 2:12

Ehe ne iran hia na ghe ẹre nii, okpia ni keghi guakpao, ọ kie ewa ẹre, ọ na giẹgiẹ gha rrie. Unu keghi yan iran hia, iran rho Osanobua vbe uyi wẹẹ, “Aro ima ma he vbe sẹ egbe ọna ẹdẹ.”

Iyẹn ne ọ Maan Ọghe Mak 7:37

Unu keghi yan emwa hia ni họn ẹn, iran wẹẹ, “Ọ dọlọ emwi hia yi, ọ ruẹe ne odin gha guan ọ vbe ruẹe ne ayin ehọ gha họn ẹmwẹ.”

Iyẹn ne ọ Maan Ọghe Mak 9:43

Rhunmwuda ọnii, deghẹ obọ ruẹ ọre ọ ra ya a ba odẹ ku fian ẹn fua, u ye obọ ọkpa gha rrie ihe ẹfe ọre ọ maa sẹ ne u ye obọ eva gha rrie ẹrinmwi erhẹn ne ẹ i dọyọ ẹdẹdẹmwẹdẹ.

Iyẹn ne ọ Maan Ọghe Luk 14:13

U gha le evbare, ya tie avbe ivbiogue, avbe arọe, avbe uke kevbe arhuaro,

Iyẹn ne ọ Maan Ọghe Luk 14:21

Ọguọmwadia nii keghi ya na iyẹn emwi na ma arowa ẹre. Ohu keghi kakabọ mu ne ọ yan owa nii, ọna tama ọguọmwadia ẹre wẹẹ, ‘Ẹgiẹgiẹ, gha rrie adesẹ idunmwu kevbe ivbiodẹ ni re ẹvbo na, ya viọ avbe ivbiogue rre, avbe arọe, arhuaro kevbe uke.’

Iyẹn ne ọ Maan Ọghe Luk 18:43

Vbe ọwarọkpa nii, ọ kegha dẹghe, ọ keghi lele Jesu, ọ na gha rho Osanobua vbe uyi.

Iyẹn ne ọ Maan Ọghe Luk 7:16

Ohan keghi mu emwa hia, iran keghi rhie uyi ne Osanobua wẹẹ, “Akhasẹ nọkhua zọ ladian vbe uwu ima,” kevbe wẹ, “Osanobua rre do miẹn emwa rẹn fan!”

Iyẹn ne ọ Maan Ọghe Jọn 9:24

Iran keghi dọlegbe tie ọmwa na biẹ ọre arhuaro ni ukpogieva, iran tama rẹn wẹẹ, “Yan vbe odaro Osanobua ighe ẹmwata ọre u khian ta. Ma rẹnrẹn ighe ọmwa orukhọ ọre oko na khin.”