Matiu 15:30 - Edo Bible (E Baibol Ẹdo) Version 1996

³⁰ Emwa ni bun keghi viọ avbe ọkhọnmwọ bu ẹre gha dee, avbe arọe, arhuaro, uke, odin kevbe emianmwẹ ọvbehe ni bun, iran viọ iran ye odaro ẹre, ọ keghi mu iran hia egbe rran.

Matiu 15:30 ပူးပေါင်းရင်းမြစ်များ

Psalm 103:3

Ọ ya orukhọ mwẹ hia bọ mwẹ, ọ vbe mu mwẹ egbe rran hin emianmwẹ hia.

Iyẹn ne ọ Maan Ọghe Mak 9:43

Rhunmwuda ọnii, deghẹ obọ ruẹ ọre ọ ra ya a ba odẹ ku fian ẹn fua, u ye obọ ọkpa gha rrie ihe ẹfe ọre ọ maa sẹ ne u ye obọ eva gha rrie ẹrinmwi erhẹn ne ẹ i dọyọ ẹdẹdẹmwẹdẹ.

Iyẹn ne ọ Maan Ọghe Luk 14:13

U gha le evbare, ya tie avbe ivbiogue, avbe arọe, avbe uke kevbe arhuaro,

Iwinna 2:22

“Wa danmwehọ ẹmwẹ na, wa ne ivbi Izrẹl. Jesu ne ovbi Nazarẹt keghi re ọmwa ne Osanobua gie ẹre uhunmwu kpataki, ne ọ miẹn ehe na gie uwa rẹn ighe ẹmwata nọ, Osanobua keghi la ekpa ẹre winna iwinna ọyunnuan, iwinna ọ yan aro ua kevbe ama, wa tobọ uwa vbe rẹn vberriọ, rhunmwuda, sirra uwa hia ọre a na ru emwi na.