Matiu 15:26 - Edo Bible (E Baibol Ẹdo) Version 1996

²⁶ Jesu wanniẹn tama rẹn wẹẹ, “Ọ ma kei ne a gha viọ evbare ne a wẹẹ ne a ya koko emọ ne ivbiakota.”

Matiu 15:26 ပူးပေါင်းရင်းမြစ်များ

Matiu 15:25

Ugbẹn vbe okhuo nii ghi họn ẹmwẹ na, ọ bu Jesu gha dee, ọ keghi diguẹ nẹẹn, ọ wẹẹ, “Lahọ yọ mwẹ obọ.”

Matiu 15:27

Okhuo nii keghi vbe wanniẹn wẹẹ, “Ẹmwata ọnii wa khin, sokpan, avbe ekita vbe rhọ evbare ne a re kẹe ni ke uhunmwu eteburu arowa iran dele ku otọ re.”

Matiu 7:6

“Ghẹ rhie emwi nọhuanrẹn ne ekita, te ọ ra gha gbọọ ruẹ kẹkan. Ghẹ rhie emwi uzọmọ ye odaro esiebo, te ọ ra ya owẹ rri ẹe ginna otọ.

Ebe ne Pọl gbẹẹn gie emwa Rom 9:4

Emwa ne a hannọ zẹ ọghe Osanobua ọre iran khin. Ọ ya iran ye emọ, ọ keghi vbe ghae ne iran vbe uwu uyi ẹre. Ọ gu iran ta ile, ọ na rhie nene uhi ne iran. Iran ọ re ọ rẹn vbene a ya ga hẹ vbe ẹmwata. Iran ọ re Osanobua vbe ve ẹre emwi.

Galatia 2:15

Vbe ẹmwata, ivbi eseserese vbe uwu e Ju ma khin ighẹ ẹ i re emwa orukhọ ne ẹ i re Ju.

Ẹfisọs 2:12

Ẹghẹ nii, wa kegha rrọọ vbe ne a i na mwẹ Kristi. Ọrriọvbe wa gha khin, wa ma vbe gha re ọkpa vbe uwu ẹbu emwa ne Osanobua hannọ zẹ, wa ma vbe gha mwẹ oghae vbe avbe ile ne a tae, ne a rhunmwuda emwi ne Osanobua ve emwa rẹn re ta. Wa kegha rre agbọn na vbe ne a i na mwẹ idaehọ, vbe ne a i na mwẹ Osanobua.

Filipai 3:2

Wa gha ba iran ni ru emwi dan nii, avbe ekita nii, emwa ni mu yan rẹn wẹ te iran ra gha giagia egbe iran.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.