Matiu 15:25 - Edo Bible (E Baibol Ẹdo) Version 1996

²⁵ Ugbẹn vbe okhuo nii ghi họn ẹmwẹ na, ọ bu Jesu gha dee, ọ keghi diguẹ nẹẹn, ọ wẹẹ, “Lahọ yọ mwẹ obọ.”

Matiu 15:25 ပူးပေါင်းရင်းမြစ်များ

Gẹnẹsis 32:26

Okpia nii keghi kha wẹẹ, “Sẹmwẹ rae I ghe te ẹdẹ ghi ra gbe.” Sokpan Jekọb wanniẹn wẹẹ, “I i suẹ rae vbe ẹ i re te u fiangbe mwẹ nẹ.”

Hozia 12:4

Ọ gu odibosa khọn, obọ ẹre keghi ke ukhunmwu. Ọ keghi viẹ, ọ na nọ afiangbe. Osanobua keghi bu erha ima odede ighe Jekọb rre vbe Bẹtẹl, ọ na do gu ẹe guan.

Matiu 14:33

Avbe, erhuanegbe ni rre uwu okọ keghi ya uhunmwu rhanmwẹ otọ ne Jesu, iran wẹẹ, “Vbe ẹmwata, Ovbi Osanobua ọre u gele khin.”

Matiu 15:26

Jesu wanniẹn tama rẹn wẹẹ, “Ọ ma kei ne a gha viọ evbare ne a wẹẹ ne a ya koko emọ ne ivbiakota.”

Matiu 20:31

Emwa nii rre evba keghi gu iran gui wẹ ne iran gue unu. Sokpan iran dọlegbe kakabọ datu wẹẹ, “Ovbi e Devid tohan mwa.”

Matiu 8:2

Ọmwa ọkpa ne ọre ọkhọmwọ alalọ keghi bu ẹre rre, ọ keghi diguẹ nẹẹn, ọ wẹẹ, “Dọmọ o, deghẹ u hoo, u gha sẹtin sinmwi mwẹ.”

Iyẹn ne ọ Maan Ọghe Mak 9:22

Ẹghẹ ni bun ọre ọ he te wa ya gha ho ne ọ wa gbe ẹe rua, vbene ọ na mu ẹn fi erhẹn mu ẹn fi amẹ. Lahọ tohan ima ne u yi ima obọ deghẹ u gha sẹtin.”

Iyẹn ne ọ Maan Ọghe Mak 9:24

Erha ẹe keghi wa datu wẹẹ, “I mwẹ iyayi sokpan ọ ma kpọlọ sẹ. Lahọ ne u yọ mwẹ obọ ne ọ sẹ ayọ.”