Matiu 15:11 - Edo Bible (E Baibol Ẹdo) Version 1996

¹¹ Ẹ i re emwi ne ọ la ọmwa uwu unu ọre ọ ya ẹe khian ne ọ ma huan, sokpan emwi ne ọ ke uwu ẹre ladian ọre ọ ya ẹe khian ne ọ ma huan.”

Matiu 15:11 ပူးပေါင်းရင်းမြစ်များ

Psalm 10:7

Ihẹn ne a tie, ọ re ẹmwẹ ne ọ ta hia khin, kevbe ohoghe deba ne a na yan gie ọmwa. Obọ wa kẹ ọre vbe ẹmwẹ ikhuiwu dan ne a ta.

Psalm 12:2

Te iran hia wa ta ohoghe ma egbe. Iran ghi gha ye arhẹrhẹ mu egbe rẹrẹ.

Aizaia 37:23

De ọmwa ne uwẹ ro ighẹ u kpa unu ghe, ne u vbe ya ukpe sakan yi? U ma ya ọghọ mẹ, mẹ ne Osanobua nọhuanrẹn ọghe Izrẹl.

Matiu 15:10

Jesu keghi si emwa hia koko, ọ khama iran wẹẹ, “Wa danmwehọ, wa gie ẹmwẹ na la uwa ekhọe.

Matiu 15:12

Avbe erhuanegbe ẹre khama rẹn wẹẹ, “U rẹnrẹn ighẹ ẹmwẹ ne u tae wan wa kakabọ fian avbe Farisi egbe rhie?”

Iyẹn ne ọ Maan Ọghe Mak 7:15

Emwikemwi ne ọ ghi ke ore egbe la uwu egbe nẹ, ne ọ sẹtin ya ọmwa khian ne ọ ma huan ẹ i rrọọ, sokpan emwi ni ke uwu ọmwa ladian ọre ọ ya ẹe khian ne ọ ma huan. [

Ebe ne Pọl gbẹẹn gie emwa Rom 14:14

Akugbe ne I mwẹ ba Kristi, rhie ma mwẹ vbe ne aro na da ẹe wẹẹ emwi ọkpa i rrọọ ne ọ wa tobọ ẹre re ne ọ ma huan, sokpan deghẹ ọmwaikọmwa na ghi ka emwi ọkpa ye ne ọ ma huan nẹ, emwi ni khian ne ọ ma huan ne irẹn.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 14:20

Ghẹ rhunmwuda evbare mu emwi ne Osanobua ru nẹ rhia. A sẹtin rri evbare ke evbare, sokpan ọ ma kei ne a rri emwi ne ọ gha ye ọmwa ọvbehe de ye orukhọ.

I Timoti 4:3

Emwa na ọre ọ ta ẹe khian wẹ, ọ ma kei ne a gha rhie okhuo, ọ ma kei ne a gha rri evbare eso. Sokpan te Osanobua yi avbe evbare na ne avbe emwa ni yayi, ni vbe rẹn ẹmwata nẹ, ne iran gha rri ọẹ vbe iran a ghi na erhunmwu ekpọnmwẹ yọ nẹ.

Taitọs 1:15

Emwi hia ọrọre ne ọ huanrẹn vbe obọ emwa ne iran tobọ iran vbe huan, sokpan a i miẹn emwi ọkpa ne ọ huanrẹn vbe obọ iran ne a ru ẹre awua mu rhia kevbe ne ẹ i mwẹ iyayi, rhunmwuda a ru orhiọn kevbe ekhọe iran awua mu ẹn rhia nẹ.

Hibru 13:9

Wa ghẹ gie iruẹmwi ughughan ne a ma he ka rẹn, bi uwa hin urodẹ ẹmwata rre. Ọ kere ne a ya ẹsọhẹ Osanobua ye orhiọn ima khian ni wo vbe egbe, i ghẹ ẹ i re a ru emwi ne uhi kha re vbe ekpa evbare, iran ni ka ru vbene avbe uhi nii khare yi, ma miẹn emwi ọkpa ne iran miẹn vbọ.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.