Matiu 15:1 - Edo Bible (E Baibol Ẹdo) Version 1996

¹ Eso vbe uwu avbe Farisi kevbe iran ni ma emwa Uhi keghi ke Jerusalẹm bu Jesu gha dee do nọ rẹn wẹẹ,

Matiu 15:1 ပူးပေါင်းရင်းမြစ်များ

Matiu 23:2

“Iran ni ma emwa Uhi kevbe avbe Farisi ọre a rẹn ye ni rhan otọ uhi e Mosis.

Matiu 5:20

Ne I tama uwa, deghẹ ẹ i re te uyinmwẹ ẹmwata ọwua maa sẹ ọghe avbe ni ma emwa Uhi kevbe Farisi, wa i sẹtin la Arriọba ẹrinmwi.

Iyẹn ne ọ Maan Ọghe Mak 3:22

Avbe emamwaemwi Uhi eso ni ke Jerusalẹm rre kegha tae khian wẹẹ, “Bẹlzibọb ọre ọ hin ẹnrẹn.” Eso keghi vbe gha kha wẹ “Ọkaolotu avbe orhiọn esu ọre ọ rhie ẹtin nẹ ne ọ ya gha khulo avbe orhiọn esu ladian.”

Iyẹn ne ọ Maan Ọghe Luk 5:17

Ẹdẹ ọkpa, ugbẹn vbe Jesu ghi ma emwa emwi, avbe Farisi kevbe iran ni ma emwa uhi keghi vbe tota ye evba, ẹvbo ne iran ke rre keghi re Galili, Judia kevbe Jerusalẹm. Ẹtin e Nọyaẹnmwa ne a ya sinmwi ọkhọnmwọ keghi gha gue Jesu.

Iyẹn ne ọ Maan Ọghe Luk 5:21

Avbe iran ni ma emwa Uhi kevbe avbe Farisi keghi suẹn gha kha wẹẹ, “Vbe ọna ghe okpia ke rre yi ne ọ fi unu gie Osanobua vbe nian? Ọmwa ọkpa ne ọ sẹtin ye orukhọ bọ ọmwa ẹ i rrọọ gberra Osanobua.”

Iyẹn ne ọ Maan Ọghe Luk 5:30

Eso vbe uwu avbe Farisi kevbe iran ni ma emwa Uhi ni deba iran gha rre evba, kegha gu avbe erhuanegbe gui, iran nọ iran wẹẹ, “Vbe a na miẹn hẹ yi ighẹ uwa vbe iran ni koko igho uhunmwu kevbe iran ne ẹwobi ọre ọ gba re gba da?”

Iyẹn ne ọ Maan Ọghe Jọn 1:19

Ọdakha avbe Ju ni rre Jerusalẹm ghi gie avbe ohẹn kevbe Livai ya nọ Jọn wẹẹ, “De ọmwa ne uwẹ khin?”

Iwinna 23:9

Uvannọmwẹ kegha hin odukhunmwu. Eso vbe uwu iran ni ma emwa Uhi ni vbe rre otu avbe Farisi keghi gua kpaegbe, iran tua unu muẹn wẹ, “Ma ma miẹn abe rhọkpa vbe obọ okpia na, ughaghe odibo Osa ra orhiọn ọre ọ gele gu ẹe guan!”

Iwinna 25:7

Ugbẹn vbe Pọl ghi rre, avbe Ju ni ke Jerusalẹm rre keghi lẹga ẹre, iran na gha gu ẹe gui okpẹzọ ni bun, sokpan, iran ma sẹtin zẹ erhọkpa ugbaro a.