Matiu 14:9 - Edo Bible (E Baibol Ẹdo) Version 1996

⁹ Emwi na keghi da ọba ẹsẹse sokpan rhunmwuda ighe sirra emwa ni rre evba hia ọre ọ na vẹn ihẹn, ọ na wẹ ne iran ya mu gi ẹe vbene ọ nọ rẹn.

Matiu 14:9 ပူးပေါင်းရင်းမြစ်များ

Asan-Ibo 5:2

Gha roro ẹmwẹ u kegha tae, ghẹ gha khirhi yan eyan ma Osanobua. Ẹrinmwi rẹn ye, agbọn ọ re uwẹ ye, rhunmwuda onii ghẹ talọ gbe.

Matiu 14:1

Uwu ẹghẹ na ọre Hẹrọd ne ọ kha yan Galili na họn ẹmwẹ Jesu. Rẹn keghi tama avbe ekhaẹmwẹ ọnrẹn wẹẹ,

Matiu 14:10

Rhunmwuda ọnii ọre iran na ya fian e Jọn uhunmwu vbe uwu eghan.

Matiu 14:5

Hẹrọd gha te wa gbe ẹe rua, sokpan ohan avbe Ju kegha muẹn rhunmwuda iran hia wa ka e Jọn ye akhasẹ ẹmwata.

Matiu 14:8

Zẹ vbe iro ne iye ẹe gu ẹe zẹ, ọmọ ni keghi ya nọ e Hẹrọd wẹẹ, “Ya mu uhunmwu e Jọn ne Ọsamẹ ye ọkpan gunmwẹ vbe emwa na.”

Iyẹn ne ọ Maan Ọghe Mak 6:14

E Hẹrọd ne Ọba họn ẹmwẹ na hia rhunmwuda te otiti Jesu ghi wa gba ehe hia. Emwa eso keghi wẹ, “Jọn ne Ọsamẹ dọlegbe rhiọrre. Ọnii ọ si ẹe ne ọ na mwẹ ẹtin vbe nian.”

Iyẹn ne ọ Maan Ọghe Mak 6:20

Ohan Jọn kevbe mu e Hẹrọd rhunmwuda ọ rẹnrẹn ighe ọmwa ẹmwata ne ọ huanrẹn ọre Jọn khin, ọ na tan ifuẹn gue ẹre. Ẹghẹ hia ọre ọ ya ho ne ọ gha danmwehọ ẹmwẹ ne ọta, a gha rhe miẹn wẹ ẹghẹ ne ọ rhirhi ya danmwehọ hia, ọre ọ ya zẹ afianma ye ọre egbe.

Iyẹn ne ọ Maan Ọghe Mak 6:26

Ẹko ọba keghi wa rhia ba ẹmwẹ na, sokpan ọ ma gi ẹe he rhunmwuda ihẹn ne ọ sirra iran ne ọ tie sẹ owa vẹn.

Iyẹn ne ọ Maan Ọghe Luk 13:32

Jesu wanniẹn tama iran wẹẹ, “Wa ya tama umuọkhọkhọ nii wẹẹ, ‘I gha khulo avbe Orhiọn esu ladian, I ghi vbe sinmwi avbe ọkhọnmwẹ ẹrẹna kevbe akhuẹ, vbe ikpẹdẹ ne ogieha, I gha winna iwinna mwẹ fo.’

Giọgis 11:39

Uki eva ghi gba nẹ, rẹn keghi dọlegbe bu erha ẹe gha dee. Rẹn keghi ru vbene ọ yan ma e Nọyaẹnmwa. Ọmọ okhuo nii keghi wu ye uvbi ne ọ ma rẹn okpia. Erriọ ọ re ọ ya suẹn vbe Izrẹl ne a na miẹn wẹẹ,

Giọgis 21:1

Ivbi Izrẹl keghi wa yan ma e Nọyaẹnmwa vbe Mizpa: “Ma rhọkpa i ra kue ne ivbie Bẹnjamin rhie ivbi ima rọnmwẹ.”

I Samuẹl 14:24

Vbe ẹdẹ ne a kha na, ohanmwẹ keghi wọ ivbi Izrẹl egbe, rhunmwuda, e Sọl ya eyan ne ọ ke ekhọe rre tama emwa hia wẹẹ, “Emwi ọ gha rruan ọmwaikọmwa ne ọ rri evbare ẹrẹna I te do rria ikhi vbe egbe avbe eghian mwẹ.” Ọ re a na miẹn wẹ, ọmwa rhọkpa ma he rri evbare ẹdẹ nẹdẹrriọ hia.

I Samuẹl 14:28

Sokpan, ọkpa vbe uwu avbe emwa nii keghi kha wẹẹ, “Obọ ohanmwẹ da emwa hia, sokpan erha a yan ma ima wẹẹ, ‘Emwi ọ gha rruan ọmwa ne ọ rhirhi a rri evbare ẹrẹna.’ ”

I Samuẹl 25:22

Te Osanobua gha kinmwi mwẹ gbe ua a deghẹ ima gbele emwa rẹn hia ne ọ ghẹ ghi ke ẹe vbọ ọ te sẹ owiẹ!”

I Samuẹl 28:10

E Sọl keghi vẹn ihẹn wẹẹ. “I ye eni e Nọyaẹnmwa nọ rrọọ vẹn ihẹn wẹ, a i ra rria ruẹ ikhi ye emwi ne u ra ru na.”