Matiu 14:6 - Edo Bible (E Baibol Ẹdo) Version 1996

⁶ Vbe ẹdẹ ne Hẹrọd ru ayere ẹdẹ ubiẹmwẹ ọnrẹn, ovbi e Hẹrodias ne okhuo keghi la iku gha gbee, iku ẹre keghi wa rhiẹnrhiẹn Hẹrọd sẹrriọ

Matiu 14:6 ပူးပေါင်းရင်းမြစ်များ

Gẹnẹsis 40:20

Vbe ikpẹdẹ ne ogieha ne ọ re ẹdẹ ayere ubiẹmwẹ Fero, ọ keghi le evbare ne avbe ọruemwi ẹnrẹn hia, ọ keghi tie ne ọsiẹnro ayọn rẹn kevbe ọkaolotu iran ni le ebrẹd ye odaro avbe ọruemwi ẹnrẹn.

Ẹsta 2:18

Ẹre ọba na le evbare nọkhua tie emwa sẹ owa ya mu ọghọ ye Ẹsta egbe, ọ keghi tie ekhaẹmwẹ kevbe eghaẹvbo ẹre hia. Ọ keghi rhie ẹghẹ ne emwa ya hẹwẹ vbe iwinna la otọe arriọba nii hia fẹẹrẹ. Ọ keghi ghae emwi ya gie emwa hia zẹ vbene ọ kere ne ọba.

Matiu 14:3

Rhunmwuda, Hẹrọd gie ne a mu e Jọn khui ye uwu eghan ba ẹmwẹ Hẹrodias ne amwẹ Filip ọtẹn e Hẹrọd.

Matiu 14:7

ne ọ na ya ihen yan ma rẹn wẹẹ, “Nọ emwi ne u rhirhi gha ho vbe obọ mwẹ, I gha rhie ẹre nuẹn.”

Matiu 22:24

Iran nọ rẹn wẹẹ, “Ọmamwaemwi, Mosis ma ima ẹre wẹẹ, ‘Deghẹ ọ ma he kẹ ọmwa ya biẹ ọ ke wu, ne ọtẹn ọnrẹn si amwẹ ọnrẹn ẹgbẹ, ne ọ miẹn ehe na biẹ ne ọmwa ne ọ wu nii.’

Iyẹn ne ọ Maan Ọghe Mak 6:14

E Hẹrọd ne Ọba họn ẹmwẹ na hia rhunmwuda te otiti Jesu ghi wa gba ehe hia. Emwa eso keghi wẹ, “Jọn ne Ọsamẹ dọlegbe rhiọrre. Ọnii ọ si ẹe ne ọ na mwẹ ẹtin vbe nian.”

Iyẹn ne ọ Maan Ọghe Mak 6:17

Hẹrọd tobọ ẹre ọre ọ wẹ ne a mu Jọn ne a gba ẹe mu fi ẹwẹdọ, Hẹrọd ru emwi na ba ẹmwẹ Hẹrodias, amwẹ ọtiọnrẹn ighe Filip ne ọ rhie rọnmwẹ.

Iyẹn ne ọ Maan Ọghe Mak 6:19

Rhunmwuda ọnii, Hẹrodias kegha kọn e Jọn, ọ te ho ne ọ gbẹe rua sokpan ohan Hẹrọd ma gi ẹe ru ẹe.

Iyẹn ne ọ Maan Ọghe Mak 8:15

Jesu tama iran wẹẹ, “Wa gha begbe vbe obọ eyist avbe Farisi kevbe eyist ọghe Hẹrọd.”

Iyẹn ne ọ Maan Ọghe Luk 13:31

Ẹghẹ nii ọre avbe Farisi eso na bu Jesu rre, iran tama rẹn wẹẹ, “Kpao vbe emwa rre ne u gha rrie ehe ọvbehe rhunmwuda Hẹrọd ho ne ọ gbe uẹ ua.”

Iyẹn ne ọ Maan Ọghe Luk 23:11

Hẹrọd ke ẹe kevbe ivbiyokuo ẹre keghi ya Jesu gbe ogiẹ, iran keghi ru ẹre emwi oya. Iran mu ẹwu ne mose mose ye ọe, iran keghi dọlegbe rhie ẹre bu Pailet.

Iyẹn ne ọ Maan Ọghe Luk 23:7

Ugbẹn vbe ọ ghi họn ighẹ ovbi ọkpa vbe uwu avbe ẹvbo ne Hẹrọd gbe aro ghe ọre Jesu khin, ọ keghi rhie ẹre bu Hẹrọd rhunmwuda rẹn keghi wa vbe rre Jerusalẹm vbe ẹghẹ na.

Iyẹn ne ọ Maan Ọghe Luk 3:1

Ọ ghi rre ukpo ekesugie ne Ọgbaisi Taibirọs la ẹkete. Pọntiọs Pailet kegha re ne ọ khaemwisẹ vbe Judia Hẹrọd kegha re enogie vbe Galili, ọtiọnrẹn ighẹ Filip kegha gbe aro ghe isoko Ituria kevbe Trakonitis, Lisanias kegha gbe aro ghe otọ Abileni.

Iyẹn ne ọ Maan Ọghe Luk 3:19

Sokpan Jọn keghi ta ku e Hẹrọd ne Ne ọ khaemwisẹ rhunmwuda ne ọ na rhie Hẹrodias ne amwẹ ọtiọnrẹn rọnmwẹ, kevbe rhunmwuda emwi dan ọvbehe hia ne ọ ghaa ru.

Iyẹn ne ọ Maan Ọghe Luk 8:3

Joana ne amwẹ Kiuza ne ọ winna vbe ẹguae Hẹrọd, kevbe Susana kevbe ikhuo ni bun ọvbehe, iran ni lo emwi ewe iran ya gha yi Jesu kevbe erhuanegbe ẹre obọ.

Iwinna 12:1

Vbe odẹ ẹghẹ na ọre Hẹrọd ne Ọba na suẹn gha kpokpo eso vbe uwu emwa esọsi.

Iwinna 4:27

Vbe ẹmwata, Hẹrọd kevbe Pọntiọs Pailet deba iran Ni ma yayi kevbe emwa Izrẹl, ore ẹvbo na iran na ko iko Jesu ne Ọguọmwadia ruẹ Ne ọ huanrẹn ne uwẹ ya ru Mẹzaia.