Matiu 14:5 - Edo Bible (E Baibol Ẹdo) Version 1996

⁵ Hẹrọd gha te wa gbe ẹe rua, sokpan ohan avbe Ju kegha muẹn rhunmwuda iran hia wa ka e Jọn ye akhasẹ ẹmwata.

Matiu 14:5 ပူးပေါင်းရင်းမြစ်များ

Jerimaia 26:21

Ugbẹn vbe Jehoiakim kevbe avbe ekhaẹmwẹ ọnrẹn kevbe ivbiyokuo ẹre họọn ẹmwẹ ne Uraia tae, ọba keghi te gha ho ne ọ gbẹe rua, sokpan, Uraia keghi họn, ohan na mu ẹẹn, ọ na lẹ fi Igipt.

Matiu 11:9

Wa tama mwẹ, vbe uwa te ya ghe? Akhasẹ nọ ra? Ẹmwata ọ ni khin, sokpan ne I tama uwa, ọ kpọlọ sẹ akhasẹ.

Matiu 21:26

Sokpan ma gha kha wẹẹ obọ ọmwa nọ, a ma rẹn emwi ne iran na gha ru rhunmwuda iran hia wa kha ighẹ akhasẹ ẹmwata ọre Jọn khin.”

Matiu 21:32

Rhunmwuda, Jọn ne Ọsamẹ rre do ma uwa odẹ ẹmwata ne uwa gha la, wa ma ya ẹe yi. Sokpan, iran ni koko igho uhunmwu kevbe avbe igberagie keghi ya ẹe yi. Wa rhe yevbe miẹn emwi vberriọ, wa ma wẹ ne uwa fi ekhọe werriẹ vbe okiekie ne uwa do ya ẹe yi.”

Iyẹn ne ọ Maan Ọghe Luk 20:6

Sokpan ma gha kha wẹẹ, ‘Ọmwa ne agbọn ọre ọ rhie ẹre nẹẹn,’ te iran ni bima ye emwa na filo okuta gbele ima uan, rhunmwuda ekhọe iran hia muẹn ighẹ akhasẹ ọre Jọn khin.”

Iwinna 4:21

Iko ni keghi dọlegbe tua unu muẹn ma iran, iran keghi fannọ iran kua. Iran ma miẹn emwi de obọ mu ya rri iran oya rhunmwuda, emwa hia keghi wa gha rho Osanobua ye emwi ne ọ sunu.

Iwinna 5:26

Olotu iran ni khẹ odẹ keghi viọ emwa rẹn ba egbe, ọ keghi ya viọ avbe ukọ werriegbe rre. Sokpan iran ma ghi zaro mu iran, rhunmwuda ohan emwa mu iran ne iran ghẹ ya filo okuta gbele iran an.