Matiu 14:31 - Edo Bible (E Baibol Ẹdo) Version 1996

³¹ Vbe ọwarọkpa nii, Jesu keghi si ẹre obọ, ọ tama rẹn wẹẹ, “Iyayi ruẹ kanmwa gbe, vbọzẹ ne u na ziro eva?”

Matiu 14:31 ပူးပေါင်းရင်းမြစ်များ

Gẹnẹsis 22:14

Ebraham kegha tie evba nii, “Nọyaẹnmwa Kpemehe.” U hin ye do sẹ ẹdẹ nẹrẹ na te emwa ye tae wẹẹ, “Uhunmwu oke Nọyaẹnmwa ọre ọ na kpemehe ẹre.”

Psalm 138:7

Ibaro gha gba ogba ga mwẹ, wẹ ghi ye rhie mwẹ mwẹ vbe ai mwẹ ẹbe. U gu avbe eghian mwẹ ne ohu mu gbinna, u keghi ya ẹtin ruẹn miẹn mwẹ fan.

Aizaia 63:12

De ehe ne Nọyaẹnmwa ghi ye na yi, ọmwa ne ọ ya ẹtin ẹnrẹn la obọ e Mosis winna iwinna nọkhua, ọ keghi wannọ amẹ okun ye ihe eva, ọ na viọ emwa rẹn la uwu odin amẹ nii gberra, ne ọ ya hin usi ẹdẹdẹmwẹdẹ.” Rhunmwuda ne Nọyaẹnmwa na viọ iran khian, okhian ke wa gha kẹ iran zẹ vbe ẹsin oha, iran ma vbe rrua owẹ uhukpa.

Matiu 14:30

Sokpan ugbẹn vbe ọ ghi miẹn ẹhoho, ohan keghi muẹn ọ na suẹn gha dinmwi ye uwu amẹ. Ọwarọkpa nii, ọ keghi datu wẹẹ, “Bu mwẹ rre Nọyaẹnmwa.”

Matiu 14:32

Iran eva keghi gba la okọ, ẹhoho keghi da obọ yi.

Matiu 16:8

Jesu rẹn emwi ne iran roro, ọ keghi tama iran wẹẹ, “De emwi ne uwa talọ ye ẹmwẹ ebrẹd ne uwa i mwẹ yi? a miẹn vbe iyayi uwa kanmwa hẹ!

Matiu 17:20

Jesu wanniẹn iran ẹmwẹ wẹẹ, “Rhunmwuda ighe iyayi uwa ma sẹ. Deghẹ wa gele mwẹ iyayi ne ọ kpọlọ sẹ vbe ikpẹ itaba, wa gha sẹtin tama oke na wẹẹ, ‘Kpao vbe emwa gha rrie odọ.’ Ọ ghi gele kpao. A i miẹn emwi ne ẹ i gie uwa ru.

Matiu 6:30

Osanobua ọre ọ rhuan iran ukpọn ighe avbe irunmwu ne oha na, irunmwu nọ gha wan rre ẹre na, akhuẹ a giagiae hẹ ku erhẹn. Wa ma ghi la evba rẹn ighe ẹ i mwẹ ọ ma rhuan uwa ukpọn! Iyayi uwa kanmwa gbe.

Matiu 8:26

Jesu tama iran wẹẹ, “Vbọzẹ ne uwa na runran vberriọ yi, wa i mwẹ iyayi.” Ọ keghi kpaegbe, ọ gu amẹ kevbe ẹhoho ni guan, ehia keghi hunwan hii i!

Iyẹn ne ọ Maan Ọghe Mak 1:31

Rẹn keghi bu ẹre gha khian, ọ keghi si ẹre obọ kpaegbe. Emwirraro ni na fo. Rẹn keghi do mu ọghọ ye iran egbe.

Iyẹn ne ọ Maan Ọghe Mak 1:41

Ohan rẹn keghi to Jesu, ọ keghi nien obọ ladian, ọ ya ẹe kan rẹn, ọ wẹẹ, “I ho ne u khian ne ọ huanrẹn.”

Iyẹn ne ọ Maan Ọghe Mak 11:23

Ẹmwata I tama uwa, a deghẹ wa tama oke na wẹẹ, ‘Kpẹngiẹn, ne u ya de fi uwu okun,’ ighe u ma vbe ba iro eva vbe uwu ekhọe ruẹ, u na yayi wẹ ẹmwẹ ne u tae gha sẹ, te a gha ruẹe nuẹn.

Iyẹn ne ọ Maan Ọghe Mak 16:7

Wa ya na iyẹn ma avbe erhuanegbe kevbe Pita wẹẹ, ‘Ọ ke odaro ne uwa gha rrie Galili, evba wa gha na miẹn ọẹn zẹ vbene ọ khama uwa.’ ”

Iyẹn ne ọ Maan Ọghe Mak 4:40

Ẹkpo ni ọre Jesu ghi na tama avbe erhuanegbe ẹre wẹẹ, “Vbọzẹ ne uwa na runran vberriọ yi? Wa i ye mwẹ iyayi?”

Iyẹn ne ọ Maan Ọghe Mak 5:41

Ọ keghi rhie ẹre obọ, ọ tama rẹn wẹẹ, “Talita, koum” ọ nii nọ wẹẹ, “Ọmọ okhuo, I tama ruẹn, kpaegbe!”

Iyẹn ne ọ Maan Ọghe Luk 24:34

“Nọyaẹnmwa gele rhiọrre, Saimọn miẹn ọẹn nẹ.”

Iwinna 4:30

Nien obọ ruẹ ladian ne u ya ẹe mu emwa egbe rran, vbe rhie ne ima ne a gha ye eni Jesu, Ọguọmwadia ruẹ ne ọ huanrẹn winna iwinna ama kevbe ọyunnuan.”

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

I Timoti 2:8

I ho ne ikpia hia gha na erhunmwu vbe ehe hia, emwa ni ye egbe yan Osanobua, emwa ni gha sẹtin viọ obọ iran da odukhunmwu vbe ne a i na mu ohu kevbe ne a i na muan ẹmwẹ.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.