Matiu 14:29 - Edo Bible (E Baibol Ẹdo) Version 1996

²⁹ Jesu tama rẹn wẹẹ, “Gha dee.” Pita keghi ladian vbe okọ, ọ kegha nana uhunmwu amẹ bu Jesu khian.

Matiu 14:29 ပူးပေါင်းရင်းမြစ်များ

Filipai 4:13

I mwẹ ẹtin ne I ya ye egbe miẹn emwi hia vbe ekpa ẹtin ne Kristi rhie mẹ.

Iyẹn ne ọ Maan Ọghe Mak 9:23

Jesu wanniẹn wẹẹ, “An, a deghẹ u gha sẹtin! A i miẹn emwi ne ẹ i gie a ru ne ọmwa ne ọ mwẹ iyayi.”

Iwinna 3:16

Ẹtin eni ẹnrẹn, ọre ọ rhie iwo vbe egbe ne okpia nọ te re uke na. Emwi ne uwa miẹn kevbe ne uwa rẹnrẹn na, iyayi eni ẹnrẹn ọre a ya ruẹe, iyayi eni Jesu ọre ọ sirra uwa hia mu ọmwa na egbe rran vbe nian.

Iyẹn ne ọ Maan Ọghe Luk 17:6

Nọyaẹnmwa wanniẹn wẹẹ, “Deghẹ wa mwẹ iyayi ne ọ kpọlọ sẹ vbe ikpẹ itaba, wa gha sẹtin khama okperhan na wẹ, ‘Si vbọ ne u ya de zọ ye uwu okun!’ ọ ghi gele họn ẹmwẹ.

Ebe ne Pọl gbẹẹn gie emwa Rom 4:19

Te ọ ghi ra sẹ ọmọ ukpo iyisẹn sokpan iyayi ẹre ma beghe vbe ọ roro ẹmwẹ vbene egbe ẹre ye hẹ ne a miẹn wẹ ọ wa wu nẹ vbe ẹghẹ ne a kha na, ra ẹmwẹ ne a ma miẹn wẹ agan ọre Sera gha khin.

Matiu 21:21

Jesu wanniẹn tama iran wẹẹ, “Ne I tama uwa, a deghẹ uwa yayi vbe ne a i na biro eva, wa gha sẹtin ru egbe emwi ne I ru erhan ohọ na re, vbe ẹmwata wa gha sẹtin khama oke wẹẹ, ‘Vbọ uhe ne u ya werriẹ fi uwu okun,’ ọ ghi gha ye erriọ.

Matiu 17:20

Jesu wanniẹn iran ẹmwẹ wẹẹ, “Rhunmwuda ighe iyayi uwa ma sẹ. Deghẹ wa gele mwẹ iyayi ne ọ kpọlọ sẹ vbe ikpẹ itaba, wa gha sẹtin tama oke na wẹẹ, ‘Kpao vbe emwa gha rrie odọ.’ Ọ ghi gele kpao. A i miẹn emwi ne ẹ i gie uwa ru.

Matiu 14:28

Pita keghi wanniẹn tama rẹn wẹẹ, “Nọyaẹnmwa, a deghẹ wẹ gele nọ, rhie ẹtin mẹ ne i bu ruẹ gha die uwu amẹ.”

Matiu 14:30

Sokpan ugbẹn vbe ọ ghi miẹn ẹhoho, ohan keghi muẹn ọ na suẹn gha dinmwi ye uwu amẹ. Ọwarọkpa nii, ọ keghi datu wẹẹ, “Bu mwẹ rre Nọyaẹnmwa.”