Matiu 14:25 - Edo Bible (E Baibol Ẹdo) Version 1996

²⁵ Ọ ghi rre omwa ẹkpo ẹgogo eha ya sẹ ẹgogo enẹ vbe owiẹ, Jesu keghi nana uhunmwu amẹ bu iran gha dee.

Matiu 14:25 ပူးပေါင်းရင်းမြစ်များ

Job 9:8

Ọmwa ne ọ gu Osanobua tan iso i rrọ, ra ne ọ ye owẹ rrilo ugbogiorinmwi ẹzẹ iyeke.

Psalm 104:3

U keghi bọ owa ruẹ yan amẹ ne ọ rre odukhunmwu, u ye okuku amẹ ru ikẹkẹ okuo ruẹ, u keghi hin khian vbe ifuẹn ẹhoho.

Matiu 24:43

Wa yerre wẹẹ, akpawẹ ọdafẹn ne ọ yan owa rẹn ẹghẹ ne oyi gha ya rre, te ọ gha kọnvbe, ẹ i ghẹ gie oyi kpahiẹ la irẹn owa.

Iyẹn ne ọ Maan Ọghe Mak 13:35

Rhunmwuda ọnii, wa gha ba odẹ, rhunmwuda wa ma rẹn ẹghẹ ne ọdafẹn ne ọ yan owa gha ya rre, deghẹ ota nọ, ra ogiasọn, vbe ẹdẹ a gha wan, ra vbe ovẹn a yan rre nọ.

Iyẹn ne ọ Maan Ọghe Mak 6:48

Rẹn keghi miẹn wẹ okọ wa ba so avbe erhuanegbe ẹre na gua, rhunmwuda ne ẹhoho na bi iran ghe iyeke, rhunmwuda ọnii, ọ ghi rre ẹkpo ẹgogo eha kevbe ehan vbe owiẹ, ọ keghi gha ya owẹ nana uhunmwu amẹ bu iran de.

Iyẹn ne ọ Maan Ọghe Luk 12:38

Ọ gha ma ne iran gbe a deghẹ ọ rre vbe ogiasọn ra oghidian ọ na do vba ighe iran rre ọkhẹ.

Iyẹn ne ọ Maan Ọghe Jọn 6:19

Avbe erhuanegbe ghi gua okọ la omwa umọdia eva ra eha nẹ, iran keghi ya bẹghe Jesu vbe ọ nana uhunmwu amẹ khian, ọ ghi khian sikẹ okọ, iran keghi wa runran.

Arhie Maan 10:2

Ọ keghi rhie ovbi ebe ne ọ gia kii, ọ keghi rhan rẹn rhie mwẹ obọ. Ọ keghi rhie owẹ erha ọmwa yan okun, ọ keghi rhie owẹ iye ọmwa ẹnrẹn ye otọ ne ọ kae.

Arhie Maan 10:5

I keghi ya bẹghe odibosa ne ọ rhie owẹ ọkpa ye okun, ọ rhie ọkpa ye otọe kẹkan, ọ tọn obọ erha ọmwa ẹnrẹn mu ghe odukhunmwu.

Arhie Maan 10:8

Iyeke ọnii, urhu ne I ka họn vbe ọ ke ẹrinmwi guan rre, keghi dọlegbe gun mwẹ guan wẹ, “Ya rhie ebe ne ọ gia ki nii ne ọ rre obọ odibosa nii ne ọ rhie owẹ ye okun kevbe otọe kẹkan.”