Matiu 14:23 - Edo Bible (E Baibol Ẹdo) Version 1996

²³ Ugbẹn vbe ọ ghi zẹ iran urrie nẹ, rẹn ọkpa keghi hin uhunmwu oke ne ọ ya na erhunmwu. Ebi ro nẹ, Jesu ọkpa keghi ye gha rre evba.

Matiu 14:23 ပူးပေါင်းရင်းမြစ်များ

Matiu 26:36

Jesu keghi viọ avbe erhuanegbe ẹre ba egbe gha rrie ihe ọkpa ne a tie ẹre Getsemani. Ọ tama iran wẹẹ, “Wa tota mwa, mẹ ra sikẹ odọ ya na erhunmwu.”

Matiu 6:6

Sokpan wẹ gha ra na erhunmwu, la ughugha ruẹ, khui urho, na erhunmwu ghe Erhaa ne a i bẹghe. Erhaa ne ọ bẹghe emwi ne u ru vbe ẹkhokho, gha san ruẹn ẹse.

Iyẹn ne ọ Maan Ọghe Mak 1:35

Jesu keghi ladian vbe owiẹ fioo, vbe ẹdẹ ma he gbe, ọ kegha rrie ehe ne ọ divbiẹ vbe a la hin ore ẹvbo rre, ọ keghi ya na erhunmwu.

Iyẹn ne ọ Maan Ọghe Mak 6:46

Ọ ghi gbe ọ khian vbe a zẹ kpẹe ne avbe erhuanegbe nẹ, rẹn kegha rrie uhunmwu oke ne ọ ya na erhunmwu.

Iyẹn ne ọ Maan Ọghe Luk 3:21

A ghi samẹ ne emwa hia nẹ, a keghi vbe do samẹ ne Jesu. Ugbẹn vbe ọ ghi na erhunmwu, ẹrinmwi kie ye otọ.

Iyẹn ne ọ Maan Ọghe Luk 5:16

Sokpan, rẹn ghẹ ghi gualọ ehe ne ọ divbiẹ, ọ ghi hẹko gha khian ya na erhunmwu vbe evba.

Iyẹn ne ọ Maan Ọghe Luk 6:12

Ọ ghi sẹ ẹghẹ ni, Jesu keghi hin uhunmwu oke ne ọ ya na erhunmwu ghe Osanobua vbe evba.

Iyẹn ne ọ Maan Ọghe Luk 9:18

Ugbẹn vbe Jesu ọkpa ghi na erhunmwu, avbe erhuanegbe bu ẹre rre. Rẹn keghi nọ iran wẹẹ, “Vbe agbọn tie mwẹ re?”

Iyẹn ne ọ Maan Ọghe Luk 9:28

Ọ ghi rre uzọla ọkpa ne ọ ta ẹmwẹ na, Jesu keghi rhie Pita Jọn kevbe Jems ba egbe gha rrie uhunmwu oke, ya na erhunmwu.

Iwinna 6:4

Ẹghẹ nii, ma tobọ ima ghi wa mu aro ye ẹmwẹ erhunmwu ne a ka ke ikporhu, vbe ne a i ghi na ru emwi ọvbehe ba ẹre.”