Matiu 14:19 - Edo Bible (E Baibol Ẹdo) Version 1996

¹⁹ Ọ keghi tama emwa hia ne iran tota ye otọ vbe uhunmwu irunmwu, ọ keghi viọ eka isẹn kevbe ehẹn eva nii, ọ keghi tọn aro mu ghe odukhunmwu, ọ kpọnmwẹ Osanobua ọ keghi giagia eka ni viọ ne avbe erhuanegbe ẹre, avbe erhuanegbe keghi vbe viọ ne avbe emwa nii.

Matiu 14:19 ပူးပေါင်းရင်းမြစ်များ

Matiu 14:18

Jesu khama iran wẹẹ, “Wa viọ gunmwẹ.”

Iyẹn ne ọ Maan Ọghe Mak 6:39

Jesu keghi tama avbe erhuanegbe wẹ ne avbe emwa ni ghae egbe ye otu ne iran tota ye uhunmwu irunmwu.

Iyẹn ne ọ Maan Ọghe Mak 6:41

Jesu keghi viọ ebrẹd isẹn kevbe ehẹn eva ni, ọ tọn aro mu ghe odukhunmwu, ọ keghi rhie ekpọnmwẹ ne Osanobua. Ọ keghi gia ebrẹd nii, ọ viọ ne avbe erhuanegbe ẹre ne iran gha ẹre ne emwa nii. Ọ kevbe ghae ehẹn eva ni vberriọ gba iran hia obọ.

Iyẹn ne ọ Maan Ọghe Mak 7:34

Jesu keghi tọn aro mu ghe odukhunmwu, ọ keghi kakabọ gbẹtin, ọ tama okpia ni wẹẹ, “Ephphatha,” ọnii nọ wẹ, “Kie ye otọ.”

Iyẹn ne ọ Maan Ọghe Luk 22:17

Ẹkpo nii ọre Jesu na mu ukpu, ọ keghi rhie ekpọnmwẹ ne Osanobua, ọ wẹẹ, “Wa miẹn ne uwa hia gba ghae ẹre.

Iyẹn ne ọ Maan Ọghe Luk 22:19

Iyeke ọnii, ọ keghi vbe mu ebrẹd, ọ kpọnmwẹ Osanobua, ọ giagia ẹe, ọ keghi viọ ne iran wẹẹ, “Ọnọna ọrọre egbe mwẹ ne a rhie ne uwa. [Wa gha ru ọna ya ye mwẹ rre.”

Iyẹn ne ọ Maan Ọghe Luk 24:30

Ọ ghi gu iran tota vbe eteburu, ọ mu ebrẹd, ọ ghi kpọnmwẹ nẹ, ọ keghi gia ẹre viọ ne iran.

Iyẹn ne ọ Maan Ọghe Luk 9:14

(Ikpia ni rre evba sẹ omwa arriaisẹn isẹn.) Jesu keghi tama avbe erhuanegbe ẹre wẹẹ, “Wa viọ emwa na tota ye otu ekigbesiyeha vbe otu ọkpọkpa.”

Iyẹn ne ọ Maan Ọghe Luk 9:16

Jesu keghi viọ ebrẹd isẹn kevbe ehẹn eva ni, ọ tọn aro mu ghe odukhunmwu, ọ kpọnmwẹ Osanobua, ọ giagia ẹe, ọ na viọ ne avbe erhuanegbe ne iran gha ẹre ne emwa nii.

Iyẹn ne ọ Maan Ọghe Jọn 11:41

Iran keghi mu okuta nii hin rre. Jesu keghi tọn aro mu ghe odukhunmwu, ọ wẹẹ, “Evbavba, I kpọnmwẹ ọn ye ne u na danmwehọ mwẹ.

Iyẹn ne ọ Maan Ọghe Jọn 6:23

Okọ ọvbehe eso vbe ke Taiberias gha die ọkpẹn ẹzẹ vbe ehe ne iran na rri eka vbe Nọyaẹnmwa kpọnmwẹ nẹ.

Iwinna 27:35

Ugbẹn vbe ọ ghi ta vberriọ nẹ, Pọl keghi rhie ebrẹd, ọ keghi sirra iran kpọnmwẹ Osanobua, ọ na fiaẹn, ọ na gha re.

Ebe ne Pọl gbẹẹn gie emwa Rom 14:6

Ọmwa ne ọ ka ẹdẹ ọkpa ye kpataki, te ọ ruẹe ne uyi Osanobua. Ọmwa ne ọ rri evbare hia, uyi Osanobua ọre ọ vbe ruẹe na rhunmwuda, te ọ kpọnmwẹ Osanobua ye evbare nii. Ọmwa ne ọ vbe wẹẹ rẹn i rri evbare eso, uyi Nọyaẹnmwa ọre ọ ruẹe na, ọ ghi vbe kpọnmwẹ Osanobua.

I Kọrinti 10:16

Ukpu afiangbe ne ima kpọnmwẹ Osanobua yi, ma gha wọn vbọ, ẹ i re esagiẹn Kristi ọre ima na wọn? Ebrẹd ne ima giagia, ma gha rri ọe, ẹ i re efun egbe Jesu ma na re?

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

I Kọrinti 11:24

Ọ kpọnmwẹ Osanobua, ọ fiaẹn, ọ keghi kha wẹẹ, “Ọnọna ọrọre egbe mwẹ ne uwa. Wa gha ru ọna ya ye mwẹ rre.”

Kọlose 3:17

Emwi ne uwa a rhirhi ta ra emwi ne uwa a rhirhi gha ru, wa gha ru ẹe vbe eni Nọyaẹnmwa Jesu, vbe ne uwa na la ekpa ẹre rhie uyi ne Osanobua ne Evbavba.